Connect with us

تازه خبرونه

په کندهار کې د اسلامي امارت د مشرتابه پر مشرۍ د کابینې لومړنۍ غونډه ترسره شوه

Published

 on

(Last Updated On: وری ۴, ۱۴۰۱)

په کندهار ولایت کې د اسلامي امارت د مشرتابه پر مشرۍ د کابینې لومړنۍ درې ورځنۍ غونډه جوړه او تر سره شوه.

د اسلامي امارت ویاند ذبیح الله مجاهد ټویټ کړی، چې د  ۱۴۴۳ سپوږمیز هجري کال د شعبان المعظم پر ۱۶ نېټه د اسلامي امارت د مشرتابه شیخ الحدیث مولوي هبة الله اخندزاده پر مشرۍ د کابینې په ناسته کې  د بېلابېلو ادارو او بنسټونو د کارونو، د اسلامي امارت د پیاوړتیا او ځواکمنتیا، د نظم او دسپلین د ټینګېدو او د ستونزو د حل لپاره لازمې سپارښتنې وکړې.

د سرچینې د څرګندونو له مخې؛ په غونډه کې د اسلامي امارت لومړي وزیر، د لومړي وزیر مرستیالانو، د دفاع، کورنیو چارو، اوقافو، اقتصاد، مالیې، عدلیې، ټولګټو، امربالمعروف او نهی عن المنکر، د کلیو پراختیتا، مخابراتو، کار او ټولنیزو چارو، لوړو زدکړو، پوهنې، کانونو او پترولیم، کرنې، عامې روغتیا، سوداګرۍ او هوانوردۍ وزارتونو چارسمبالو، د سترې محکمې قاضي القضات، د استخباراتو، علومو اکاډمۍ، د چارو ادارې او احصائې محترمو مشرانو، د افغانستان بانک او سرې میاشتې مشرانو، کابل ښاروال او دغه راز  د اسلامي امارت ویاند او نورو مسوولینو ګډون کړی و.

دغه راز ویل کیږي، چې د غونډې په بهیر کې د اسلامي امارت د ادارو پر قوانینو، اجرائاتو، له خلکو سره پر تعامل او اړیکو، اقتصادي ستونزو ته د اساسي حل لارو پیداکولو، د اسلامي امارت د ټولو مجاهدینو د را ټولولو او په امنیتي ادارو کې د  استخدام  او تنظیم کولو او په ټوله کې په ټولو دولتي چارو کې د ښه  پرمختګ لپاره لازمې سپارښتنې وشوې او په اړه یې مهم تصامیم ونیول شول.

دغه راز د مشرتابه لخوا په هېواد کې د اسلامي شریعت د ښه پلي کیدو په اړه اړوند ارګانونو ته ځانګړې لارښوونې وشوې، چې  په نتیجه کې به یې  اسلامي احکام په منظم او ښه ډول په ټولنه کې پلي کیږي او ټول افغانان به د اسلامي احکامو تر چتر لاندې له آرام او سوکاله ژوند برخمن شي.

په دې غونډه کې د لومړي وزیر مرستیال ملا برادراخند پر مشرۍ اقتصادي کمیسیون ته دنده وسپارل شوه، چې د هېواد د اقتصادي ودې او پراختیا لپاره کورنۍ او بهرنۍ پانګونه راجلب کړي؛ د برښنا د تولید، سړکونو جوړولو او د کانونو په سمه توګه استخراج ته لار اواره شي او د ټولو سترو او کوچنیو اقتصادي پروژو او برنامو لپار تر وسه وسه سهولتونه رامنځته کړي.

همدا رنګه د لومړي وزیر اداري مرستیال مولوي عبدالسلام حنفي پر مشرۍ ادارې کمیسیون ته دنده وسپارل شوه، چې د اداري سیسټمونو د اصلاح او په مالي او نورو برخو کې د کاغذپرانۍ او ستونزو د لرې کولو لپاره لازم ګامونه واخلي او بیا یې د مشرتابه له مقام سره شریک کړي.

دغه راز  د اسلامي امارت د مشرتابه تر مشرۍ لاندې په دې غونډه کې پر نشه یي توکو د روږدو کسانو د را ټولولو او د هغوی د غوره درملنې او په هېواد کې د نشه یي توکو د پېر او پلور د مخنیوي او د یو لړ نورو مهمو چارو په اړه هم لازمې سپارښتنې وشوې.

په دې غونډه کې د مشرتابه لخوا د دولتي وسلو، موټرو او نورو توکو د ساتنې او له بیت المال سره د ډېرې پاملرنې په اړه ټولو وزیرانو، مسوولینو او اړوند ادارو ته اړین هدایات وړاندې شول.

د اسلامي امارت مشرتابه په دې اړه ویلي: که وس او توان یې وشي فرد- فرد افغان ښځې او نرینه ته به معاشونه وټاکي؛ ځکه د خپل بیچاره ولس ستونزې او سختۍ درک کوي، خو تر اوسه د اسلامي امارت اقتصاد کمزوری دی. ولس باید له خپل نظام سره مرسته وکړي، د زکاتونو او عشر په راټولیدا او پخپل ځای مصرولو کې هڅه وشي، امارتي ارګانونه دې له اصراف او ډېر لګښت څخه ځانونه وساتي.

له دې مخکې ویل شوي وه، چې دا غونډه به له نړۍ سره د افغانستان پر اړیکو او د کابینې پر بدلون  راوڅرخي؛ خو د اسلامي امارت ویاند ذبیح الله مجاهد په کابینه کې د بدلون راپورونه رد کړل.

تازه خبرونه

اسلامي امارت په افغانستان کې د مرستو رسول له خطر سره مخ کوي – د امریکا استازی

Published

on

(Last Updated On: سلواغه ۱۶, ۱۴۰۱)

د افغانستان لپاره د امریکا ځانګړی استازي ويلي؛ په سویس کې د مرستندویه ټولنو استازیو منلې، چې په بهرنیو ادارو کې د ښځو پر کار بندیز میلیونونه خلکو ته د بشري مرستو رسول ستونزمن کړي دي.

نن یکشنبه د افغانستان لپاره د امریکا ځانګړي استازي تام ویست څرګنده کړې، چې په ژنیو کې یې د ملګرو ملتونو له لوړپوړیو چارواکو، د روغتیا نړیوالې ټولنې (WHO) له چارواکو، د مهاجرت نړیوالې ټولنې او نورو مرستندویه موسسو سره، چې له افغانستان سره د مرستې لپاره کار کوي، وکتل او د دغه هېواد د وضعیت په اړه یې تفصیلي خبرې وکړې.

 تام ویست ټینګار کوي، چې د بشري حقونو وضعیت مخ پر خرابېدو دی؛ کار او زد کړو ته د ښځو او نجونو له لاسرسي باید ملاتړ وشي.

ټام ویست وايي؛ په دې غونډه کې ټولو ومنله چې په نړیوالو ادارو کې د ښځو پر کار بندیز میلیونونو خلکو ته د بشري مرستو رسول ستونزمن کړي دي.

تام ویست وایي: له نېکه مرغه مونږ د روغتیا نړیوالې ټولنې او نورو مرستندویه موسسو له مشرتابه سره، چې ټول په افغانستان کې د خلکو د ژوند پر ژغورلو بوخت دي وکتل. دوی ټول پدې باور دي، چې د طالبانو تګلارې په افغانستان کې میلیونونو اړمنو خلکو ته د بشري مرستو رسول له ګواښ سره مخ کړي دي.

له بلې خوا اسلامي امارت د ویاند مرستیال بلال کریمي ويلي، چې د اسلامي اصولو په رڼا کې کوښښ کوو، چې د هېواد ټولې ستونزې حل شي.هېوادونه د فشار د وسیلې په توګه غیر عادلانه او غیر معقولې پلمې لټوي. د اقتصاد کمزورتیا تازه ستونزه نده، بلکې د تېرو کلونو راپدیخوا دې وضعیت دوام موندلی دی.

دغه را زیاته شوې، چې د افغانستان د اقتصاد د ښه والي لپاره یې بېلا بېلې سرچینې په کار اچولي دي.

د اسلامي امارت لخوا د ښځو پر زده‌کړې او کار له بندیزونو وروسته یو شمېر مرستندویه موسسو په هېواد کې خپل فعالیتونه ودرول، چې له کبله یې میلیونونه خلکو ته د بشري مرستو رسول او وېشل ستونزمن شوي دي.

د یادونې ده، چې له دې مخکې تام ویست پاکستان او جرمني ته تللی و او د افغانستان پر حالاتو یې د دې هېوادونو له چارواکو سره خبرې کړې وې.

Continue Reading

تازه خبرونه

تېر کال په افغانستان کې ۶۱۱ نادولتي موسسو نړیوالې هڅې تر سره کړي

Published

on

(Last Updated On: سلواغه ۱۶, ۱۴۰۱)

 د اقتصاد وزارت مسوولین وايي، چې له دې وزارت سره ۲۵۷۰ نادولتي موسسې ثبت او راجستردي، چې په ۲۰۲۲ ز. کال  کې ترې ۶۱۱ هغو په هېواد کې نړیوال فعالیتونه ترسره کړي دي.

د اقتصاد وزارت مسوولینو ويلي، چې په هېواد کې له ۲۵۷۰ کورنیو او بهرنیو نادولتي مواسسو څخه ۶۱۱ فعالیت لري، چې ډېرې یې د هېواد په  بیلا بیلو ولایتونو او مرکز کې د ملګرو ملتونو د بشري مرستو  اړوند فعالیتو نه ترسره کوي.

د اقتصاد وزارت مسوولینو ويلي، چې د دغو نادولتي موسسو له ټولو پروګرامونو څخه په منظم ډول  څارنه لري او تر دېره بریده یې د اقتصادي وزارت له و ضع شويو  ټولو اصول سم خپل فعالیتونه ترسره کړي دي.

د اقتصادي  وزارت مسوولین وايي؛ هغه نادولتي موسسو، چې تر اوسه یې د خپل فعالیت راپور  ندی ورکړی؛ عالت يي هم د مالي تمویل کمښت او د فعالیتونو نشتوالی دی.

د اقتصاد وزارت ویاند عبدالرحمان حبیب وایي: له دغو ۶۱۱ نادولتي موسسو څخه ۳۸۰ یې پروژې درلودې او خپل شپږ میاشتیني راپورو نه يي ورکړي او پاتي نورې موسسې فعاله دې؛ خو تردې د مه پروژه نلري.

د اقتصادي چارو یو شمېر پوهان هم له اسلامي امارته غوښتنه کړې، چې په هېواد کې د نادولتي  مواسسو د فعالیتو لپاره نورې اسانتیاوې هم رامنځته کړي، چې دوی و کولی شي له نړیوالو ټولنو سره د همغږۍ له مخې خپلو هېوادوالو ته خدمتونه وړاندې کړي.

دغه راز دوی د هېواد اوسنیو اقتصادي شرایطو له مخې په هېواد کې د نادولتي موسسو فعالیتونه خورا اغېزمن بولي.

د خصوصي سکتور غړی عبد النصیر رشتیا وایي: زمونږ په هېواد کې دمګړۍ خلک له فقر او بیکارۍ  ځوریږي او اوسنیو شرایطو کې خورا اړینه ده، چې د اقتصاد وزارت نور هم نادولتي موسسو د فعالیت ساحه پراخه کړي.

د اقتصادي وزارت مسوولینو ویلي، چې د تېر یوه کال په لړ کې نږدې ۵۰۰ نوې نادولتي موسسو له اقتصاد وزارت سره نوملیکنه کړې ده.

د دې  وزارت مسوولینو زیاته کړې، چې په هېواد کې ورځ  تر بلې د نادولتي موسسو لپاره قانوني چو کاتونه منظم کیږي او د دوی فعالیتونه هم  د پرا ختیا په حال کې دي.

Continue Reading

تازه خبرونه

هالندي ځواکونه په افغانستان کې له یوه بریده ژوندي پاتې کسانو ته تاوان ورکوي

Published

on

(Last Updated On: سلواغه ۱۵, ۱۴۰۱)

د هالند حکومت اعلان کړی، چې په افغانستان کې د هالندي ځواکونو لخوا د ۲۰ ملکي وګړیو د وژل کېدو په اړه به د محکمې د پرېکړې پر وړاندې استیناف غوښتنه ونکړي.

د اسوشیېتد پرس خبري آژانس د راپور له مخې؛ د هاګ ښار یوې سیمه ییزې محکمې د تېر کال په نومبر میاشت کې د هالند له حکومته وغوښتل، چې د روزګان ولایت په چوره ولسوالۍ کې د ۲۰۰۷ ز. کال له هوایي بریده ژوندي پاتې شویو کسانو ته تاوان ورکړي.

د هالند دفاع وزارت هغه مهال ادعا وکړه وه، چې د هوايي برید له کبله په نښه شوې ودانۍ کې د اسلامي امارت ځواکونه ول؛ خو محکمې په ډاګه کړې؛ د هالند پوځ دومره معلومات نلرل، چې دغه ځای پر نښه کړي.

د هالند دفاع وزیر کایسا اولونګرین د جمعې په ورځ د خپل هېواد د پارلمان غړیو ته په یوه لیک کې څرګنده کړې، چې له پېښې ۱۵ کاله تېر شوي او اوس د وضاحت لپاره ډېر اسناد نشته.

هغه وایي، چې دوی به د محکمې د پرېکړې په اړه استیناف غوښتنه ونکړي او د رامنځته شویو زیانونو تاوان به ورکړي.

Continue Reading

Trending

Copyright © 2022 Ariana News. All rights reserved!