Connect with us

تازه خبرونه

په کندهار کې ملکي ځاني زیانونه د طالبانو له موټربمه رامنځته شوي ـ پولیس

خپور شوی

 په

(Last Updated On: ليندۍ ۲۳, ۱۳۹۹)

د کندهار امنيتي چارواکو ویلي؛ د کندهار د ارغنداب ولسوالۍ ۱۱ ولسي وګړي په هوايي برید کې نه، بلکې دا کسان د وسلوالو طالبانو پر موټربم بريد وژل شوي دي.

له دې مخکې ویل شوي وه، چې د شنبې پر شپه د دغې ولسوالۍ په ناګهان سيمه کې د هوايي بریدونو پر مهال د ښځو او ماشومانو په ګډون د یوې کورنۍ ۱۱ غړي وژل شوي دي.

د دې ولايت د امنيت امر جنرال فريد مشعل ويلي؛ په ارغنداب ولسوالۍ کي ملکي خلک له هوايي بريده نه، بلکي د وسلوالو طالبانو په يوه موټربم بريد کي وژل شوي، چي وسلوالو طالبانو غوښتل د دې موټربم بريد پر مټ یو پُل ونړوي.

دفاع وزارت په يوه خپره شوې خبرپاڼه کي منلې، چي هلته يې د هوايي بريدونو په پايله کي ملکي کسانو ته مرګ و ژوبله اړولې؛ خو په دې اړه يې د يوه پلاوي د ټاکلو او څېړنو خبر ورکړى دى.

د ارغنداب ولسوالۍ اوسيدونکي بيا وايي؛ هغه لوى پلونه، چي دوى يې له کندهار ښار سره نښلول ټول وسلوالو په بمونو الوزولي دي.

د اړوند سیمې اوسیدونکیو ویلي؛ دغه پُل تېره پنجشنبه د شپې له لورې د یوه هاموي ټانک د چاودنې پر په پایله کې ونړول شو.

د معلوماتو له مخې؛ دغه پُل ۱۵ کاله وړاندې د کليو او بيارغوني وزارت له لورې د يو اعشاريه پېنځه ميلون ډالرو پر ارزښت جوړ شوی او د هېواد د لويو او لومړيو پروژو څخه شمېرل کېږي.

له دې پېښې وروسته د شنبې پر ماخوستن د ارغنداب ولسوالۍ یو بل لوی پُل هم په موټربم برید کې له منځه وړل شوی دی.

د کندهار والي وياند بهير احمدي دا پېښه غندلې او وسلوال طالبان یې پړ بللي، چي د جګړې پر مهال د ملکي کسانو او عامه تاسیساتو ساتنې ته پاملرنه نکوي.

که څه هم له دغې ولسوالۍ څخه سلګونه کورنۍ د جګړې له وېري امن سيمو ته تللي؛ خو اوس هم زیات شمېر کورنۍ د جګړې په سيمه کې بندي پاتې دې.

د یادونې ده، چې په دې ولسوالي کې له تېرو څلور ورځو راپدیخوا یو ځل بیا جګړه پیل شوې او دواړه لورې یو بل ته د درندې مرګ و ژوبلې اړولو ادعاوې کوي.

تازه خبرونه

زیربنا: له یوه اماراتي شرکت سره د افغانستان د درې هوایي ډګرونو د ځمکنيو چارو د ترسره کولو تړون

خپور شوی

په

توسط

(Last Updated On: غبرګولى ۴, ۱۴۰۱)

Continue Reading

تازه خبرونه

په کابل کې چاودنې ۲۷ کسانو ته مرګ و ژوبله اړولې

خپور شوی

په

توسط

(Last Updated On: غبرګولى ۴, ۱۴۰۱)

د کابل ایمرجنسي روغتون د راپور له مخې؛ نن ماښام د کابل ښار د څلورمې امنیتي حوزې په یوه جومات کې د چاودنې له کبله لږ تر لږه پېنځه کسان وژل شوي او ۲۲ نور ټپیان دي.

کورنیو چارو وزارت پېښه تائید کړې او څرګندوي، چې دغه چاودنه د کابل ښار د څلورمې امنیتي حوزې اړوند د ترافیکو څلور لاري ته نږدې په زکریا نومي جومات کې رامنځته شوې، چې ۱۸ کسان ترې تبیان دي او ۶ نور وژل شوي دي.

تر اوسه کومې ډلې د دې چاودنې مسوولیت ندی منلی.

Continue Reading

تازه خبرونه

د نویو پاسپورتونو د چاپ چارې مخ پر بشپړېدو دي ـ اسلامي امارت

خپور شوی

په

توسط

(Last Updated On: غبرګولى ۴, ۱۴۰۱)

د افغانستان اسلامي امارت د کورنیو چارو وزارت د پاسپورتونو عمومي ریاست څرګنده کړې، چې په افغانستان کې د پاسپورټونو د چاپ چارې مخ پر بشپړېدو دي او په راتلونکیو څو ورځو کې به لسګونه زره پاسپورټونه ترلاسه شي.
دغه ریاست د چارشنبې پر ورځ امریکا غږ ته ویلي، چې په لیتوانیا کې درې میلیون ټوکه نوي پاسپورټونه چاپ شوي او د ملګرو ملتونو په همکارۍ به په دوه اوونیو کې کابل ته راولېږدول شي.
د پاسپورتونو د عمومي ریاست د رسنیو مسوول شفیع الله تسل امریکا غږ ته ویلي، چې یاد شمېر پاسپورټونه د لیتوانیا د یوې کمپنۍ لخوا چاپ شوي او حکومت یې پیسې هم ورسپارلې دي.
شفیع الله تسل زیاته کړې، چې اوسمهال د پاسپورټونو د رالېږدولو په اړه خبرې روانې دي او په دې اړه یې له یوناما سره خبرې کړې دي.
هغه وایي، چې افغانستان ته د دغو پاسپورټونو له رالېږد سره باید «سیاسي» چلند ونشي.
اسلامي امارت د پاسپورتونو د نشتوالي له کبله له یوې میاشتې راپدیخوا له پېنځلس کلنۍ څخه پورته کسانو ته لس کلن پاسپورټونه وېشي.
یاد ریاست د وري پر ۲۹ ویلي وه، چې له ۱۵ کلونو څخه کم عمر لرونکيو اړتیا وړ کسانو ته به پېنځه کلن پاسپورټ ورکړ شي.
اسلامي امارت د پېنځه کلن پاسپورټ لپاره ۵۰۰۰ افغانۍ او د لس کلن پاسپورټ لپاره ۱۰۰۰۰ افغانۍ اخلي.
اوس له څو اوونیو راپدیخوا د افغانستان په ټولو ولایتونو کې د پاسپورټونو د وېش لړۍ بنده شوې او اسلامي امارت یوازې په کابل کې روانه ساتل شوې ده.
د افغانستان د کورنیو چارو وزارت د پاسپورتونو عمومي ریاست وايي، کابل ته د پاسپورټونو له رارسېدو سره به په ټولو ولایتونو کې د پاسپورټونو د وېش لړۍ بیا پیل شي.
دغه رياست دوه ورځې وړاندې ويلي وه، چې په دې وروستيو کې يو شمېر کسانو په “ګاونډ هېوادونو” کې جعلي پاسپورټونه چاپ کړي او په غير قانوني ډول يې د پيسو په بدل کې عامو خلکو ته وېشلي دي.
د دغه رياست د څرګندونو له مخې، یو شمېر دغه خېتور د اسلامي امارت کشفي ځواکونو نيولي او تر پوښتنو لاندې دي.

Continue Reading

Trending

Copyright © 2022 Ariana News. All rights reserved!