Connect with us

تازه خبرونه

په ۱۰ کې ۹ افغانان د خواړو له لږوالي سره مخ دی – د خواړو نړیوال پروګرام

خپور شوی

د

(Last Updated On: زمری ۱۳, ۱۴۰۱)

د ملګرو ملتونو د خواړو نړیوال پروګرام څرګنده کړې، چې د روان کال له پیل راپدیخوا یې په افغانستان کې له ۱۹ میلیون ډېرو خلکو سره مرسته کړې ده.

د خواړو نړیوال پروګرام د سې شنبې پر ورځ د زمري ۱۱ د اګست ۲ تویت کړی، چې دوی هره ورځ په ټول افغانستان کې له خلکو سره مرسته کوي، چې له ۱۰ کسانو څخه ۹ یې د خوراکي توکو له لږوالي سره مخ دي.

په افغانستان کې هرې اړمنې کورنۍ ته د خواړو نړیوال پروګرام ۱۰۰ کیلو اوړه، ۱۲.۵ کیلو ګرامه دال، ۹.۲ کیلو ګرامه غوړي او یو کیلو مالګه وېشلې ده.

د کډوالو په چارو کې د ملګرو ملتونو عالي کمیشنرۍ (UNHCR) ويلي، دوی هم په روان میلادي کال کې له نږدې ۳۰۰ زره خلکو سره نغدي مرستې کړې دي.

یادې کمېشنرۍ پرون سې شنبې ویلي، چې سږ کال یې په ټول افغانستان کې د بېړنیو اړتیاوو پوره کولو لپاره ۲۹۶۰۰۰زره کسانو ته نغدي مرستې رسولې دي.

د کډوالو په چارو کې د ملګرو ملتونو عالي کمیشنرۍ همدرانګه ویلي؛ ۲۶۳۰۰۰ نورو افغانانو د کور سامان الات، سولري تختې او د حفظ الصحې سامانونه تر لاسه کړي دي.

دغه سازمان په ډاګه کړې، چې اړمنو خلکو ته د مرستې رسېدو لپاره دوی د زیانمنو شویو کسانو د معلومولو په اړه هم څېړنې پيل کړې دي.

دغه راز دوی سږکال له ۱۳۵۰۰۰ افغانانو څخه په کورونو کې لیدنه کړې، چې په خبره یې ۱۹۰۰ کورنیو ته یې د مرستو رسولو ډاډ ورکړی دی.

د کډوالو په چارو کې د ملګرو ملتونو عالي کمیشنرۍ همدارنګه ویلي، چې دوی روان کال په افغانستان کې له کډوالو سره هم په بېلابېلو برخو لکه، د ښوونځيو او روغتیايي مرکزونو جوړولو او د څښاک پاکو اوبو په برابرولو کې مرسته کړې ده.

مرستندویه ادارې وايي، سږ کال په افغانستان کې نږدې پېنځه میلیون ماشومان، امیدواره او شیدې ورکوونکي ښځې به په داسې حال کې له خوارځواکۍ سره مخ کیږي، چې ۳.۹ میلیون ماشومان اوس له وړاندې له خوارځواکۍ سره مخ دي.

تېر کال په افغانستان کې د طالبانو له واکمن کیدو وروسته مرستندویانو له افغانستان سره پرمختیايي مرستې بندې کړې، په افغانستان کې د طالبانو پر اوسني حکومت نړیوال بندیزونه لګېدلي دي، چې د افغانستان بانکي سکتور یې له ستونزو سره مخ کړي، چې د دغو بنسټونو د څرګندونو له مخې؛ له ۲۴ میلیون ډېر افغانان د ژوندي پاتې کېدو لپاره بشري مرستو ته اړتیا لري.

تازه خبرونه

سراج الدین حقاني له یو شمېر افغان سياسي کارپوهانو او فعالانو سره وکتل

Published

on

(Last Updated On: تله ۶, ۱۴۰۲)

د افغانستان د کورنیو چارو وزارت څرګنده کړې، چې د دې وزارت چارسمبالي سراج الدین حقاني د هېواد له ځینو سیاسي اشخاصو او لیکوالو سره په لیدنه کې د ځينو ستونزو د حل او پرمختګونو په اړه په جوړه شوې غونډه کې ګډون وکړ.

په دې لیدنه کې د سیاسي چارو کارپوه حميدالله هوتک د هېواد بېلابېلو سیمو ته د سراج الدین حقاني په ګډون، د مشرانو سفرونه د ملي او سیاسي همغږۍ د روحیې د پياوړتیا لپاره ګټور وبلل او د ولسي حقونو تضمین یې د حکومت مسوولیت یاد کړ.

د غونډې د ګډونوالو د څرګندونو له مخې؛ د کورنیو چارو وزارت سفرونه د ولس د اقشارو تر منځ د وحدت سبب ګرځېدلي دي.

دغه راز دوی ويلي: له افغان شخصیتونو سره د اړیکو کمیسیون باید د کادرونو د رابللو چارې لا ګړندۍ کړي او د پردیو هېوادونو له کمپونو یې را وباسي.

همدارنګه معین ګل څمکني څرګنده کړې: د پردیو توطیو دا هېواد شاوخوا ۴۵ کاله په شخړو کې ښکېل کړی و، چې باید له دې وروسته افغانان د نورو پر لمسون د ناخوالو د رامنځته کولو کوښښ ونه‌کړي.

د کورنیو چارو وزارت چارسمبالي سراج الدین حقاني د ګډونوالو د نظرونو له اورېدو او ستاینې وروسته ويلي: د متقابل زغم له لارې ستونزې ختمېدی او د بدبينۍ او نفاق روحیه له منځه تلی شي.

د نوموړي د څرګندونو له مخې؛ ملي او اسلامي روحیه د ملت د استحکام بنسټونه دي او تر ټولو ډېره توجه د مثبت ذهنیت جوړښت ته لازمه ده.

هغه وایي: د عصري او ديني علم په نامه د علم تر منځ فاصله ایجادول زمونږ د اکثرو ستونزو لامل ګرځېدلی دی.

دغه راز یې زیاته کړې، چې د فکري اختلاف ستونزه به هم پر مشوره او وحدت حل شي؛ خو مهمه دا ده، چې موجود فرصتونه ضایع نه‌شي.

سراج الدین حقاني د عامه نظم د ټينګښت په اړه ډاډ څرګند کړ او وایي، چې له جوازه پرته څوک وسله ګرزولی نه‌شي او د پوليسو د تشکیلاتو له بشپړاوي وروسته به یې جوازونه او يونیفورم هم بشپړ شي.

Continue Reading

تازه خبرونه

د افغانستان د خواړو او درملو ملي ادارې چارسمبالی ایران ته ولاړ

Published

on

(Last Updated On: تله ۶, ۱۴۰۲)

د افغانستان د خواړو او درملو ملي ادارې چارسمبالی او ورسره مل پلاوی د G5 په غونډه کې د ګډون لپار ایران ته ولاړ.

د افغانستان د خواړو او درملو ملي اداره وايي؛ د دغې ادارې چارسمبالی داکتر عبدالباري عمر او ورسره مل پلاوی نن پنجشنبه د تلې ۶ نېټه د پېنځه هېوادونو د ډلې په ۲۷ غونډه کې، چې د روغتیا دیپلوماسۍ او د درملو او طبي تجهیزاتو سیستم تر سرلیک لاندې جوړیږي د ګډون لپاره ایران ته روان شو.

د پېنځه هېوادونو د ډلې غونډه د غړیو هېوادونو د درملو او خواړو د ادارې د مشرتابه او د روغتیا نړیوالې ټولنې په حضور کې د دغو هېوادونو د روغتیا د ودې او پراختیا لپاره ترسره کیږي.

Continue Reading

تازه خبرونه

امیر خان متقي د مسکو د لوی جومات له ملا امام سره وکتل

Published

on

(Last Updated On: تله ۶, ۱۴۰۲)

د بهرنیو چارو وزیر مسکو ته د رسمي سفر په لړ کې د روسیې فدراتیف د لوی مفتي او د مسکو لوی جومات له ملا امام راویل عین الدین سره ولیدل.

د بهرنیو چارو وزارت د ویاند مرستیال حافظ ضیا احمد ویلي؛ په دې لیدنه کې  مفتي راویل عین الدین د روسیې د مسلمانانو او دیني مراکزو په اړه بشپړ معلومات وړاندي کړل.

همدارنګه یې د تاتارستان او افغانستان ترمنځ پر تاریخي اړیکو رڼا واچوله، تاتارستان یې د روس او اسلامي نړۍ ترمنځ د اړیکو تار وباله.

د بهرنیو چارو وزیر امیر خان متقي ویلي؛ امید لرم، چې تاسې به د افغانستان او روسیې ترمنځ د هر اړخیزو اړیکو د پیاوړتیا په برخه کې مؤثر او اغېزمن  رول ولوبوئ.

د بهرنيو چارو وزارت د وياند مرستيال وايي، اميرخان متقي  د روسيې له عالمانو سره د افغانستان روان حالت او ثبات شريک کړ او له هغوى يې وغوښتل، چې د افغانستان او روسيې ترمنځ د هر اړخيزو اړيکو په پياوړتيا کې همکاري وکړل.

په پای کې مفتي راویل عین الدین د افغانستان او روسیي فدارتیف تر منځ د اړېکو په پوره ښه کیدا کي د مرستې ډاډ څرګند  کړ.

دغه راز د امریکا د بهرنیو چارو وزارت ويلي، چې د امریکا استازی به په دې غونډه کې ګډون ونه‌کړي؛ ځکه، چې امریکا د مسکو د فارمټ غړیتوب نه لري.

د امریکا د بهرنیو چارو وزارت ویاند میتیو میلر وایي: زه له دې زیات نه شم ویلی، چې مونږ د مسکو له غونډې خبر یوو؛ خو مونږ د دې فورم غړي نه‌یوو؛ نو د امریکا استازی به په کې ګډون ونه‌کړي.

د روسیې تاس خبري اژانس د افغانستان لپاره د روسیې د ځانګړي استازي ضمیر کابلوف له قوله خبر ورکړی، چې د مسکو په غونډه کې به په افغانستان کې د ټولګډونه حکومت پر رامنځته کولو، له ترهګرۍ او نشه‎يي توکو سره پر مبارزې خبرې وشي.

امیر خان متقي د دوشنبې پر ورځ د روسیې د حکومت پر رسمي بلنه د مسکو په غونډه کې، چې ټاکل شوې د جمعې پر ورځ د روسیې په کازان ښار کې جوړه شي؛ د ګډون لپاره دغه هېواد ته سفر کړی دی. ویل کیږي، چې په دې غونډه کې به د افغانستان په اړه د ګاونډ او سیمې هېوادونو استازي خبرې وکړي.

Continue Reading

Trending

Copyright © 2022 Ariana News. All rights reserved!