Connect with us

نړۍ

پوتین باید ومني، چې د اوکراین جګړه ګټلی نشي – د جرمني لومړی وزیر

Published

 on

(Last Updated On: وږی ۳۰, ۱۴۰۱)

د جرمني لومړي وزیر اولاف شولز د ملګرو ملتونو عمومي اسامبلې ته په خپله لومړۍ وینا کې ویلي؛ مونږ به د روسیې د سولې تپل شوې پرېکړه ونه منو او اوکراین باید د روسیې د برید مخه ونیسي.

رویترز د سې شنبې پر ورځ د آلمان د لومړي وزیر اولاف شولز د څرګندونو له مخې په ډاګه کړه؛ د روسیې ولسمشر ولادیمیر پوتین دې د ځانځانۍ غوښتنې پریږدي؛ ځکه، چې د اوکراین او روسیې د ویجاړولو خطر لري. هغه باید دا ومني، چې جګړه ګټلی نشي.

شولز د ملګرو ملتونو عمومي اسامبلې ته په خپله لومړنۍ وینا کې وویل: له همدې کبله مونږ به د روسیې لخوا د سولې په اړه تپل شوې پرېکړه ونه منو او اوکراین باید د دې وړتیا ولري، چې د روسیې د برید مخه ونیسي.

د جرمني لومړي وزیر ویلي؛ د امپریالیزم بېرته راستنیدل او د پوتین لخوا د اوکراین د لاندې کولو هیله نه یوازې د اروپا لپاره، بلکې د نړیوالو قوانینو پر بنسټ د سوله ییز نظم لپاره هم یو ناورین دی.

هغه له ​​ملګرو ملتونو وغوښتل؛ داسې نړۍ وغواړي او ترې ساتنه وکړي، چې هلته ځواکمن پر کمزوري برلاسی ونلري او د نړۍ سوله ییز جوړښت او قوانین تر پښو لاندې نشي.

شولز پوښتي؛ آیا مونږ د بېوسۍ لیدونکي شو، چې ځینې مو د خپلې خوښې نړیوال نظم ته رااړوي؛ چېرې، چې جګړه د سیاست یوه عامه وسیله ده؟ آیا خپلواک هېوادونه باید له خپلو پیاوړیو ګاونډ هېوادونو یا ښکېلاکګرو بادارانو سره یوځای شي او آیا سوکالي او بشري حقونه د څو نیکمرغه خلکو لپاره یو امتیاز دی؟ آیا مونږ د شلمې او یوویشتمې پېړیو څو قطبي نړۍ یوو که څو اړخیزه نړۍ پاتې کېدی شو؟ نو زما ځواب به د یو آلماني او اروپایي په توګه داوي؛ مونږ کولی شو ډاډ تر لاسه کړو، چې باید هر څه ګډ اداره کړو.

شولز څرګنده کړې؛ د دې موخې د ښه ترلاسه کولو لپاره نړیوال لیواله دي، چې د نړۍ په چارو کې ډېرو نورو څرګندونو ته اړتیا ده او له پوره مسوولیتونو سره به ډېر ډاډ او قناعت رامنځته شي.

رویترز څرګنده کړې: له هغه وخته، چې د فبروري پر ۲۴ کرملین پر اوکراین خپل برید پیل کړ؛ لویدیځو متحدینو هم په اوکراین کې له روسیې سره د دیپلوماتیک نفوذ سیالي پیل او پیاوړې کړه.

د ملګرو ملتونو په دې ناسته کې شولز په ډاګه کړې؛ برلین به د اکټوبر پر ۲۵ د اوکراین د بیارغونې په اړه د یوه کنفرانس کوربه وي. آلمان به د کیف له حکومت سره د دغه هېواد د بیارغونې په ستر لګښت کې د یادونې وړ ونډه واخلي.

نړۍ

د پاکستان د پوځ نوي مشر د قومندانۍ لښته ترلاسه کړه

Published

on

(Last Updated On: ليندۍ ۹, ۱۴۰۱)

د پاکستان د پوځ لوی درستیز جنرال قمر جاوېد باجوه د سې شنبې پر ورځ له خپلې دندې استعفا وکړه او د دغه هېواد د پوځ پخواني مشر جنرال عاصم منیر ته یې د شپږ کلونو لپاره د پوځي مشرۍ لښته وسپارله.

پوځ، چې په پاکستان کې پراخ نفوذ لري، په خپله خاوره کې د ځايي او بهرنیو وسلوالو پر وړاندې د جګړې روان ساتل یوه اړتیا بولي.

شنونکيو په ډاګه کړې؛ هغه یوه اړینه ننګونه، چې منیر ورسره مخ دی؛ د تحریک طالبان پاکستان وروستی ګواښ دی.

تي تي پي TTP د دوشنبې پر ورځ خپلو جنګیالیو ته امر وکړ، چې اوربند پای ته ورسوي او په ټول هېواد کې پر پوځ بریدونه بیا پیل کړي.

باجوه د خپلې دورې پر مهال د تي تي پي خلاف د یو لړ عملیاتو منظوري ورکړې وه.

باجوه د دې کال په سر کې له سره د سولې خبرې هم پیل کړې.

TTP د می په میاشت کې د افغانستان په پلازمېنه کابل کې د پاکستان له حکومت او پوځي چارواکو سره له خبرو اترو وروسته د نامعلومې مودې لپاره اوربند ته غاړه کیښوده؛ خو د دوشنبې پر ورځ یې د نویو بریدونو له اعلانولو سره اوربند پای ته ورساوه.

دا په داسې حال کې، چې د افغانستان د بهرنیو چارو وزارت په ستورې ماڼۍ کې د حنا رباني کهر پر مشرۍ له پاکستاني پلاوي سره د بهرنیوچاور د وزیر مولوي امیرخان متقي په مشرۍ د دې وزارت د اداري مرستیال په ګډون د رییسانو تر منځ پر سیاسي او اقتصادي اړیکو یوه ناسته ترسره شوې ده.

Continue Reading

نړۍ

له پاکستانیو پوځیانو سره اوربند پای ته رسېدلی –تي تي پي

Published

on

(Last Updated On: ليندۍ ۸, ۱۴۰۱)

 د پاکستانيو طالبانو تحریک له حکومتي پوځ سره اوربند پای ته ورساوه او خپلو جنګیالیو ته یې د بریدونو سپارښتنه کړې ده.

کابل ته د لوړ پوړي پاکستاني پلاوي د سفر پر مهال د پاکستان طالبانو تحریک اعلان وکړ، چې له حکومتي ځواکونو سره یې اوربند پای ته رسولی او خپل بریدونه بیا پیلوي.

د پاکستانيو طالبانو تحریک په یوه بیان کې له خپلو ټولو قومندانانو غوښتي، چې پر پاکستانيو پوځيانو بریدونه بیا پیل کړي.

پوځي شنونکی اسدالله ندیم په دې باور دي، چې د پاکستانيو طالبانو تحریک دومره فعال ندی، چې د دغه هېواد پوځ وننګوي.

نوموړي زیاته کړې، چې په پاکستان کې بې ثباتي د افغانستان پر امنیت او په ځانګړي توګه د سرحدي سیمو پر امنیت بده اغېزه کولی شي.

دغه راز سیاسي شنونکي صمد کارمند ويلي، چې په سیمه او په ځانګړي توګه د پاکستان په قبایلي سیمو کې بې ثباتي د افغانستان په زیان ده او د پولو امنیت له ستونزو سره مخ کوي.

پاکستان په وار وار په افغانستان کې د پاکستانيو طالبانو د تحریک د فعالیتونو په اړه اندېښنه ښودلې..

اسلامي امارت ويلي؛ په افغانستان کې د هیڅ دولت وسلوالې ډلې فعالې ندي، حکومت د دوحې د هوکړې له مخې هیچا ته اجازه نه ورکوي، چې د افغانستان خاوره د کوم بل هېواد پر ضد وکاروي.

Continue Reading

نړۍ

مونږ له ټولو حکومتي بنسټونو څخه د وتلو پرېکړه کړې – عمران خان

Published

on

(Last Updated On: ليندۍ ۶, ۱۴۰۱)

د پاکستان پخواني لومړي وزیر او د پاکستان تحریک انصاف (پي ټي آی) مشر عمران خان د شنبې پر ورځ له ټولو مقننه اسمبلیو څخه د وتلو اعلان وکړ، چې موخه یې له وخت مخکې ټاکن دي.

د پاکستان تحریک انصاف ګوند مشر او پخواني لومړي وزير عمران خان د راولپنډۍ غونډې ته په وينا کې ویلي؛ مونږ له ټولو اسمبليو د وتلو پرېکړه کړې او نه غواړو، چې نور د نظام برخه وو.

هغه دا هم ویلي، چې د دې پرېکړې عملي نېټه به بیا وروسته اعلان شي.

هغه وایي: ټول ملت انتخابات غواړي او مونږ له دې وارد شوي حکومته د ټاکنو غوښتنه کړې وه.

عمران خان څرګنده کړې؛  مونږ پر ادارو فشار راوړ، د اقتصاد حالت خراب دی او دوی ورته د حللار نلري.

دی وایي: زه ځواکمنو ادارو ته وايم، چې دا هېواد د خرابېدو پر لوري روان دی. کله، چې د يوه هېواد اقتصاد خرابېږي، د هغو ملي امنيت هم اغېزمنېږي.

عمران خان ټینګار کړی؛ زه په واک کې یوځای پاتې راغلم، ځواکمن کسان مې قانون ته تابع نه کړای شول.

ده وویل، چې د پاکستان د حساب ورکولو ملي مرکز یا (نیب) زما په واک کې نه و، بلکې د پوځ په کنټرول کې و.

نوموړي دا هم ویلي؛ کله به یې، چې د واک پرمهال د حساب ورکولو د نه ترسره کېدو پوښتنه وکړه؛ ځواب به دا و، چې ته باید پر اقتصاد تمرکز وکړې.

عمران خان د خلکو دې غونډې ته ډاډ څرګند کړ، چې پر ده د برید په دسیسه کې درې کسان اوس هم پر لوړو څوکیو پاتې دي؛ ما ته یې وویل، چې ممکن بیا برید وشي.

د عمران خان او ملاتړیو د امنیت لپاره یې هلته پر دنګو ودانیو سنایپر نښه ویشتونکي ځای پرځای شوی، چې د تحریک انصاف پر مشر د ممکنه برید مخه ونیسي.

د تحریک انصاف یوه بل مشر اعظم سواتي د پاکستان د پوځ مخکني مشر قمر جاوېد باجوه ته په خطاب کې وویل؛ باجوه صاحب! زه له تا پوښتم او دا په وار وار درنه پوښتم، چې ستا شتمني له کوم ځایه راغلې ده.

له خیبر پښتونخوا او نورو بېلابېلو سیمو د پاکستان تحریک انصاف ګوند په مشرۍ احتجاج کوونکي د پنډۍ- اسلام آباد ته تللي.د لاریونوالو مخکښان د پاکستان تحریک انصاف ګوند مرکزي مشران پروېز خټک، تیمور سلیم جګړا او علي امین ګنډا دي.

Continue Reading

Trending

Copyright © 2022 Ariana News. All rights reserved!