نړۍ
پوتین خپل کرونایي قرنطین د غرونو په شنو لمنو کې پر کب نیولو تېر کړ
رویټرز په ډاګه کړې؛ د روسیې ولسمشر ولادمیر پوتین دوه اوونۍ مخکې له یو شمېر خلکو سره له لیدنو وروسته ځان قرنطین کړی و.
هغه د سایبریا په غرنیو شنو لمنو کې پر کب نیولو او ګرزېدو خپل وخت تېر کړی.
کرملین ماڼۍ د روسیې له دفاع وزیر سرګي شویګو سره د پوتین داسې ۲۰ انځورونه خپاره کړي، چې ښیي د قرنطین بشپړ وخت یې په سایبریا کې پر ګرزېدو او کب نیولو پای ته رسولی دی.
د یادونې ده، چې ۶۸ کلن ولادمیر پوتین د خپل هېواد د سپوتنیک نومو واکسینو دوه دوزه هم ترلاسه کړي دي.