Connect with us

لوبی

پوتین دې پر اوکراین شر پاروونکی یرغل ودراوي – برازیلي فوټبال ستوری  

Published

 on

(Last Updated On: غبرګولى ۱۲, ۱۴۰۱)

د برازیل د فوټبال ستوري پیلي د چارشنبې پر ورځ د روسیې له ولسمشر ولادیمیر پوتین وغوښتل، چې په اوکراین دې له شره ډک او بې جوازه یرغل پای ته ورسوي.

برازیلي پیل د انسټاګرام له لارې په خپره شوې څرګندونه کې په ډاګه کړې؛ زه غواړم  نننۍ لوبې د خپل دې غږ د پورته کولو لپاره وکاروم، چې: روان برید ودروئ. داسې دلیل نشته، چې تاوتریخوالی پرې روان وساتل شي.

هغه وایي: دا شخړه ناوړه او ناعادلانه ده، چې له درد، وېرې، ترور او کړاو پرته بله پایله نلري.

د نوموړي او پوتین وروستۍ لیدنه پر ۲۰۱۷ زېږدیز کال په مسکو کې له نړیوال جام څخه مخکې ترسره شوې، چې هغه مهال د روسیې مشر؛ برازیلي پیلې د خپلې خوښې لوبغاړی نومولی و.

پیلي څرګندوي: کله، چې مونږ په تېرو وختونو کې سره ولیدل او د روغبړ پر مهال مو د یو او بل لاسونه له خند په ډکه خوله ښه ټینګ ونیول؛ ما هیڅکله فکر نه کاوه، چې یوه ورځ به لکه نن دومره ووېشل شو.

اوکراین د چارشنبې پر ورځ سکاټلینډ ته ۱ پر در۳ ماته ورکړه او د نړیوال جام لوبې ته یې ځان نږدې کړ.

د اوکراین ولسمشر ولادیمیر زیلینسکي له خپلې لوبډلې مننه وکړه، چې له دوه ساعته خوښۍ یې برخمن کړو، چې مونږ ورسره عادت شوي نه یوو.

د یادونې ده، چې پیلي په ۱۹۹۰ لسیزه کې د برازیل د سپورت د وزیر په توګه دنده ترسره کړې ده.

لوبی

د قطر فوتبال نړیوال جام د پیل وخت یوه ورځ رامخکې شو

Published

on

(Last Updated On: زمری ۲۴, ۱۴۰۱)

ټاکل شوې وه، چې د فوتبال ۲۰۲۲ کال نړیوال جام د غوراوي سیالۍ د هالیند او سینیګال تر منځ پیل شي؛ خو اوس فیفا پرېکړه کړې، چې د تېرو ۴ پړاوونو په څېر به دا سیالۍ د کوربه هېواد قطر او اکوادور د لوبډلو ترمنځ یوه ورځ مخې تر سره شي.

دا بدلون د فیفا د مشر جاني انفانتینو او د فوتبال د ۶ لویو کنفدراسیونونو د مشرانو تر منځ له غونډې وروسته رامنځته شو.

فیفا څرګنده کړې، چې دا بدلون د ټولو حاضرو کسانو د رایو له مخې رامنځته شو. د سیالیو د پرانیستې په مهالوېش کې دا بدلون په داسې حال کې رامنځته شوې، چې د دې سیالیو د تکتونو پلور دمخه پیل شوی دی.

دغه بدلون د فوتبال د مینه والو سفري پلانونه غېزمنولی شي.

ویل کیږي، چې دا بدلون د قطریانو او د سویلي امریکا د فوټبال کنفدراسیون کنمبول پر فشار رامنځته شوی دی.

په دې توګه به د نوامبر پر ۲۰ مه نېټه په ۶۰ زره کسیز لوبغالي کې کوربه هېواد له اکوادور سره مخ شي.

 دغه راز د هالیند او سینیګال لوبډلو تر منځ وخت هم ۶ ساعته وځنډول شو او د نومبر پر ۲۱ مه نېټه له غرمې وروسته ۷ بجې ترسره شي.

دغه راز د فوتبال نړيوال جام رسمي پاڼې د دغه سيالۍ له پيل څخه سل ورځې مخکې د فوتبال د نړۍ د سل ستوریو له انځور سره يو پوستر خپور کړ، چې په کې د ايران د ملي لوبډلې له لوري مهدي طارمي، سردار آزمون او عليرضا جهانبخش برخوال دي.

د پوره معلوماتو لپاره  دا ځای کېکاږئ

 

Continue Reading

لوبی

د افغانستان کرکت ملي لوبډلې په درېیمه ۲۰ آوریزه لوبه کې ایرلنډ ته ماتې ورکړه

Published

on

(Last Updated On: زمری ۲۲, ۱۴۰۱)

د افغانستان کرکت ملي لوبډلې د جمعې پر ورځ (د زمري ۲۱) په درېیمه شل آوریزه لوبه کې ایرلنډ ته پر ۲۲ منډو ماتې ورکړه.

افغان لوبډلې توپ وهنه پیل کړه او کوربه لوبډلې ته یې د ۱۹۰ منډو هدف وټاکه.

رحمان الله ګربز په ۳۵ توپونو ۵۳ منډو او نجیب الله ځدراڼ په ۱۸ توپونو او ۴۲ منډې وکړې. حضرت الله ځاځي ۳۹ او ابراهیم ځدراڼ ۳۶ منډې وکړې.

دغه راز د ايرلنډ لوبډلې د نهه لوبغاړیو پر سوځېدو ۱۶۷ منډې جوړې کړې؛ خو بریالۍ نشوه، چې ځان ټاکل شوې موخې ته ځان ورسوي.

د دې لوبډلې لپاره جورج دوکریل تر ټولو ډېرې (۵۸) منډې جوړې کړې.

د افغانستان د توپ اچونې په برخه کې نوین الحق درې او مجیب الرحمن او فضل الحق فاروقي دوه دوه لوبغاړي وسوځول.

دا د ایرلند پر وړاندې د شل آوریزو سیالیو په لړۍ کې د افغانستان لومړۍ بریا وه. د دې تورنمنت لومړۍ دوه لوبې ایرلند ګټلې وې.

ټاکل شوې د دغو دواړو لوبډلو ترمنځ راتلونکې لوبه د دوشنبې پر ورځ ترسره شي.

Continue Reading

لوبی

ایرلیند افغانستان ته د شل آوریزو سیالیو په لومړۍ لوبه کې پر اوو ویکتو ماتې ورکړه

Published

on

(Last Updated On: زمری ۱۹, ۱۴۰۱)

ایرلیند د سې شنبې پر ورځ په بیلفاست کې د شل آوریزو نړیوالو سیالیو په لومړۍ لوبه کې افغانستان ته پر اووه ویکتو ماتې ورکړه.

جورج داکرل ګټونکي څلوریزه ووهله او ایرلینډ ته یې د ۱۶۹ هدف له ټاکلو وروسته د درې لوبغاړیو له سوځېدو سره ۱۷۱ منډې جوړې کړې.

افغانستان په وروستیو دوه اورونو کې د اووه لوبغاړیو له سوځېدو سره ۱۶۸ منډې جوړې کړې، چې ابراهیم ځدراڼ په ۱۸ توپونو ۲۹ ناسوځېدلې منډې ترسره کړې.

د افغانستان له لوري تر ټولو زیاتې منډې جوړونکي عثمان غني په ۴۲ توپونو د دوه شپږیزو او شپږ څلوریزو پر مرسته ۵۹ منډې وکړې.

د افغانستان په لوبډله کې د راشد خان او محمد نبي په ګډون تجربه کاره ستوري شته؛ خو ترڅنګ یې یو شمېر ځوانو لوبغاړیو ته هم په لوبډله کې حق ورکړشوی دی.

دواړه خواوې به د پنجشنبې پر ورځ د دوی د پېنځه لوبو په لړۍ کې د دوه یم ځل لپاره د ستارمونت ښار په ورته ملکي خدماتو کرکت کلب ځای کې سره وګوري.

Continue Reading

Trending

Copyright © 2022 Ariana News. All rights reserved!