Connect with us

تازه خبرونه

چین او پاکستان په افغانستان کې د پراخ بنسټه سیسټم جوړولو غوښتنه وکړه

Published

 on

(Last Updated On: غبرګولى ۳, ۱۴۰۱)

د پاکستان بهرنیو چارو وزیر چین ته د خپل سفر په ترڅ کې له خپل چیني سیال سره د افغانستان د وروستیو تحولاتو په اړه خبرې کړي دي.

 د چین د بهرنیو چارو وزارت په یوه خبرپاڼه کې څرګنده کړې، چې زرداري او “وانګ یي” په دې لیدنه کې د پراخ بنسټه حکومت او همدرانګه د ښځو او ماشومانو د حقونو پر خوندیتوب ټینګار کړی دی.

د پاکستان د بهرنیو چارو نوي وزیر له امریکا څخه وروسته چین ته د خپل لومړني سفر په ترڅ کې له خپل چینایي سیال سره د افغانستان په تړاو خبرې کړي دي.

د چین د بهرنیو چارو وزارت ویلي، چې بلاول بوټو زرداري له وانګ یي سره په لیدنه کې د پراخ بنسټه حکومت او د ښځو او ماشومانو حقونو په خوندیتوب ټینګار کړی دی.

د دې خبرپاڼې په یوه برخه کې له افغانستان سره د همکاریو پر پياوړتیا هم ټینګار شوی او له اسلامي امارت څخه غوښتنه شوې، چې د بهرني او کورني سیاست په برخه کې متعادل ووسي او اجازه ورنکړي، چې د افغاانستان له خاورې ګاونډ هېوادونه وګواښل شي.

دوی څرګنده کړې؛ په افغانستان کې سوله او ثبات د سیمې سوکالۍ او پراختیا لپاره حیاتي ده.

دا هم اړینه ده، چې باید ټولګډونه حکومت رامنځته شي او د ښځو او ماشومانو حقوق په افغانستان کې خوندي شي. مونږ له طالبانو څخه غواړو اجازه ورنکړي، چې د افغانستان خاوره د ګاونډ هېوادونو پر وړاندې وکارول شي.

د چین او پاکستان بهرنیو چارو وزیرانو همدارنګه له نړیوالې ټولنې غوښتي، چې په افغانستان کې د بشري ناورین د پراختیا د مخنیوي لپاره مرسته وکړي او د افغانستان په اقتصاد او بیارغونه کې خپلې ژمنې عملي کړي.

اسلامي امارت له ګاونډ هېوادونو غوښتي، چې د افغانستان له نوي نظام سره په سیاسي تعامل کې پراخه مرسته وکړي.

د اسلامي امارت د ویاند مرستیال بلال کریمي ویلي؛ هېواد کې مو اوس یو نظام رامنځته شوی، چې د خلکو له ملاتړه برخمن هم دی. دغه نظام امنیت خوندي کړی او د نړیوال مشروعیت لپاره یې ټول معیارونه پوره کړي. اوس هغه وخت رارسېدلی، چې نړۍ او ګاونډ هېوادونه یې تر څنګ ودریږي او رسمي تعاملات پیل کړي، چې په سیاسي، اقتصادي او بشري برخو کې د پرمختګونو لیدونکي شوو.

د چین او پاکستان د بهرنیو چارو وزیرانو په دې لیدنه کې همدارنګه هوکړه کړې، چې د دواړو هېوادونو اقتصادي دهلیز له اسلامي امارت سره په مشورې پراخوي.

دا اقتصادي دهلیز سي پیک نوميږي، چې له پرانستلو سره به یې افغانستان د لسګونه میلیارد ډالر ترلاسه کړي.

تازه خبرونه

روسیه له اسلامي امارت سره د اړیکو ټینګول غواړي – پوتین

Published

on

(Last Updated On: چنګاښ ۸, ۱۴۰۱)

د روسیې ولسمشر ولادیمیر پوتین پرون سې شنبه د چنګاښ پر اوومه تاجکستان ته د سفر پر وخت ویلي، چې مسکو هڅه کوي له اسلامي امارت سره اړیکې ټینګې کړي.

ولادیمیر پوتین دا هم ویلي، چې روسیه غواړي په افغانستان کې ټول توکمونه د خپل هېواد په واکمنۍ کې ښکېلتیا ولري.

هغه وایي: مونږ په افغانستان کې د وضعیت د عادي کولو لپاره هرې مرستې ته وردانګو. مونږ هڅه کوو له هغو سیاسي ځواکونو سره غوره اړیکې ولرو، چې روان وضعیت کنټرولوي.

پوتین بیا هم ټینګار کړی، چې مونږ د افغانستان په اداره کولو کې د ټولو توکمونو ونډه اړینه بولو.

د روسيې ولسمشر دغه څرګندونې له خپل تاجکستاني سيال امام علي رحمان سره د ليدنې پر مهال کړي او دا یې د اوکراین د جګړې له پیل راپدیخوا لومړنی سفر دی.

د یادونې ده، چې تاجکستان له افغانستان سره ګډه پوله لري او طالبانو تل ګاوند هېوادونو ته امنیتي ډاډ څرګند کړی دی.

Continue Reading

تازه خبرونه

امریکا د افغانستان له زلزله ځپلیو سره ۵۵ میلیون ډالر بېړنۍ مرسته کوي – بلینکن

Published

on

(Last Updated On: چنګاښ ۸, ۱۴۰۱)

امریکا د نړیوالې پراختیایي ادارې (USAID) له لارې د افغانستان په پکتیکا او خوست ولایتونو کې د تېرې چارشنبې د مرګونې او ویجاړوونکې زلزلې له زیانمنو خلکو سره د نږدې ۵۵ میلیون ډالرو بېړنۍ بشري مرستې چمتو کړي.

د امریکا د بهرنیو چارو وزیر انتوني بلینکن د سې شنبې پر ورځ ویلي، چې امریکا به افغانانو ته ، چې له اوږدمهاله کړاو سره مخ دي بېړنۍ مرستې چمتو کړي.

د امریکا له مالي ملاتړ برخمنو ونډوالو له دې طبیعي پېښې وروسته بېړنۍ روغتیایي مرسته ورسوله او ولسسمشر بایډن د نورو اړتیاوو د ارزولو لارښوونه کړې ده.

د امریکا بهرنیو چارو وزارت اوس د ولسمشر بایډن د همدې لارښوونې په پایله کې د دغه هېواد د نړیوالې پراختیایي ادارې له لارې افغانستان سره د ۵۵ میلیون ډالرو پر ارزښت بېړنۍ بشري مرسته اعلان کړې ده.

د افغانستان دغه ولایتونه پوره یوه اوونۍ مخکې د رښتر پر کچه ۶ اعشاریه ۱ درجې زلزلې ډېر مالي او ځاني زیانونه رامنځته کړې دي.

د حکومتي سرچینو د څرګندونو له مخې په دې زلزله کې له ۱۱۰۰ ډېر کسان مړه شوي، څه باندې ۳۰۰۰ ټپیان دي او همدا راز زرګونه کورونه ویجاړ شوي دي.

په افغانستان کې د ملګرو ملتونو د مرستو همغږۍ ادارې یا اوچا دا زلزله ناورین نومولی او له زیانمنو خلکو سره یې د بېړنیو مرستو لپاره ۱۱۰ میلیون ډالر وغوښتل.

د دغې ادارې مشر رامز الاکبروف بي بي سي ته ویلي، زلزله ځپلیو ولسوالیو کې پراخه ویجاړي رامنځ ته شوې او هلته ۳۶۲ زره کسان بېړنو مرستو ته اړتیا لري.‌

د امریکا بهرنیو چارو وزارت علامیه وایي‌ د دوی دغو بېړنیو مرستو کې به د سرپناه وسایل، د پخلي لوښي، کمبلې، کالي، لمریز ګروپونه او د کور نور اړین وسایل شامل وي.

امریکا څرګنده کړې؛ له دې مرستې سره به په روان کال کې د دوی لخوا له افغانانو سره د ټولو ترسره شویو بشردوستانه مرستې کچه ۷۷۴ میلیون ډالرو ته ورسېږي.

دغه راز د څرګندونې ده، چې له امریکا مخکې چین، هند،‌ پاکستان، ایران او ځینو خلیجي هېوادونو هم په افغانستان کې د وروستۍ زلزلې زیانمنو ته مرستې لېږلې دي.

د اسلامي امارت ویاند ذبیح الله مجاهد تېره ورځ  تویت وکړ، چې د چین په دوه الوتکو کې د ۸ میلیون ډالرو پر ارزښت مرستې رالېږلي، چې په کې کمبلې، البسه او نور اړین توکي شته دي.

زلزله ځپلي غوښتنه کوي، چې د کورونو او سرپناه په جوړېدو کې دې ورسره مرستو ته لومړیتوب ورکړ شي.

د ملګرو ملتونو د بشري چارو د همغږۍ دفتر (OCHA) خبرداری ورکړی، چې په دې زلزله کې د کولرا خپرېدل د ځانګړې او جدي اندېښنې وړ دي.

د افغانستان د روغتیا وزارت ویاند شرافت زمان رویټرز ته ویلي، خلک خوراکي توکو او پاکو اوبو ته سخته اړتیا لري.

هغه زیاته کړې، چې چارواکو د اوس لپاره درمل سمبال کړي؛ خو د هغو کسانو سمبالول به یوه ننګونه وي، چې خپل کورونه یې له لاسه ورکړي دي.

هغه زیاته کړې: مونږ له نړيوالې ټولنې، خلکو او بشردوستانه موسسو څخه غواړو، چې د خوراکي توکو او درملو په برخه کې له مونږ سره مرسته وکړي، ښايي ژوندي پاتې شوي کسان پر ناروغيو اخته شي؛ ځکه، چې د ژوند کولو لپاره مناسب کورونه او سرپناه نلري.

ملګرو ملتونو او یو شمېر هېوادونو اغېزمنو سیمو ته مرستې رسولي او په راتلونکیو ورځو کې به نورې مرستې هم ورورسيږي.

د تېرې سې شنبې د شپې زلزله د یوه لوی ناورین په توګه د اسلامي امارت لپاره یوه لویه آزموینه ده؛ خو

له زرګونه افغانانو سره مرسته هم د هغو هېوادونو لپاره یوه ستونزه ده، چې د افغانستان پر دولتي ادارو او بانکونو یې بندیزونه لګولي او مستقیمې مرستې یې پرې بندې کړي دي.

دا په داسې حال کې ده، چې د ریاست الوزرا د اقتصادي مرستیال ملا عبدالغني برادر پر مشرۍ خوست او پکتیکا ته تللي پلاوي د خلکو د سرپناوو په رغولو کې د نغدي مرستې ژمنه وکړه.

Continue Reading

تازه خبرونه

ټاکل شوې په کابل کې د دیني عالمانو او مخورو لویه غونډه جوړه شي

Published

on

(Last Updated On: چنګاښ ۷, ۱۴۰۱)

ټاکل شوې، چې د چارشنبې پر ورځ د چنګاښ پر ۸ به په کابل کې د دیني عالمانو او ولسي مخورو ستره  درې ورځنۍ غونډه پیل شي.

ویل کیږي، چې په دې غونډه کې به له ۳۴ ولایتونو څخه شاوخوا ۳۰۰۰ دیني عالمان او قومي مخور مشران ګډون وکړي، چې له اوسني کړکېچ څخه د افغانستان او خلکو د وتلو لپاره د حل لارې لټول یې یوه بنستیزه موخه یاده شوې ده.

د یادې غونډې ګډونوال به خپل اندونه او وړاندیزونه د اسلامي امارت مشرتابه ته وړاندې او راتلونکیو پرېکړو ته به زمینه برابره کړي.

سیاسي شنونکی توریالی همت وایي: د هغو معلوماتو له مخې، چې زه یې لرم؛ ټول هغه کسان، چې دې غونډې ته رابلل شوي، عالمان، وطن دوستان او خیرخواهان دي. د دې غونډې او نورو غونډو ترمنځ توپیر دا دی، چې د هېوادونو سفیرانو ورته خلک ګمارل؛ خو اوس هغه کسان ټاکل شوي، چې خلکو، هېواد او اسلام ته ژمن دي.

کارپوهان وايي، چې د نجونو د ښوونځیو بیا پرانستل باید د اجنډا په سر کې وي.

د ښځو د حقونو هڅانده ډیوه پتنګ څرګندوي؛ که څه هم تر اوسه د دې غونډې اجنډا نده روښانه؛ خو د هېواد د نورو مسايلو تر څنګ به د نجونو د ښوونځيو بيا پرانيستل د دې غونډې په اجنډا کې د سر ټکی وي.

دغه راز یو شمېر دیني عالمان، چې غونډې ته ببل شوي ندي په اړه یې خپلې اندېښنې او ناخوښي څرګندوي.

تمه دا ده، چې په دې غونډه کې به د هېواد سیاسي، اقتصادي او ټولنیزو ستونزو ته مناسبې حل لارې ولټول شي او د هېواد د راتلونکي لپاره به پلانونو جوړ شي.

Continue Reading

Trending

Copyright © 2022 Ariana News. All rights reserved!