تازه خبرونه
چین ته له پاکستاني لوري سره د خبرو لپاره د اسلامي امارت د منځنۍ کچې د پلاوی سفر تائید شو
د افغانستان بهرنیو چارو وزارت د ویاند عبدالقهار بلخي د خپرې شوې خبرپاڼې له مخې؛ د خبرو دا بهیر د چین په غوښتنه او له دغه هېواد سره د متقابل درناوي او رغنده تعامل پر بنسټ مخته وړل کېږي.
د افغانستان بهرنیو چارو وزارت د پنجشنبې پر ورځ( د وري دیارلسمه ) تائید کړې؛ د اسلامي امارت د منځنۍ کچې یو پلاوی د چین پر نوښت دغه هېواد ته رسېدلی، چې له پاکستاني لوري سره د خپل اصولي دریځ له مخې رسمي خبرې اترې ترسره کړي.
د افغانستان بهرنیو چارو وزارت د ویاند عبدالقهار بلخي د خپرې شوې خبرپاڼې له مخې؛ د خبرو دا بهیر د چین په غوښتنه او له دغه هېواد سره د متقابل درناوي او رغنده تعامل پر بنسټ مخته وړل کېږي.
د بلخي د څرګندونو له مخې؛ افغان پلاوی په دې ناستو کې د متوازن او اصولي دریځ له مخې ګډون کوي او په پام کې لري، چې له مقابل لوري سره د ښه ګاونډیتوب، سوداګریزو اړیکو د پیاوړتیا او د امنیتي موضوعاتو پر ګټورتوب هراړخیزې او مسوولانه خبرې اترې تر سره کړي.
نوموړي ویلي؛ اسلامي امارت باور لري، چې د متقابل درناوي، نه مداخلې او رغنده تفاهم پر بنسټ ډیپلوماټیک تعامل کولی شي د پاکستان او افغانستان ترمنځ شته موضوعاتو ته عملي او دوامدار حللارې ومومي او د سیمې د ثبات او همکارۍ لپاره زمینه برابره کړي.