Connect with us

نړۍ

چین دې روسیې ته له مرستو برابرولو ډډه وکړي – امریکا

Published

 on

(Last Updated On: کب ۲۴, ۱۴۰۰)

امریکا چین ته خبرداری ورکړی، چې روسیې ته دې له سیاسي اقتصادي او پوځي مرستو برابرولو ډډه وکړي.

د رویټرز د څرګندونو له مخې؛ په داسې حال کې، چې په اوکراین کې جګړې زور اخیستی او پر روسیې د لویدیځ بندیزونه زیاتیږي، امریکا چین ته خبرداری ورکوي، چې له روسیې سره دې له سیاسي، اقتصادي او پوځي مرستو ډډه وکړي.

د امریکايي چارواکو ړ څذګندونو له مخې؛ روسیې له چین څخه د پوځي او اقتصادي مرستو غوښتنه کړې. داسې ښکاري، چې چین مرستې ته چمتو دی.

مسکو دا ردوي او وايي، چې د خپلو ټولو موخو د ترلاسه کولو لپاره پوره سرچینې لري.

د چین د بهرنیو چارو وزارت هم د مرستو راپورونه ناسم وبلل.

د امریکا د بهرنیو چارو وزارت ویاند نډ پرایس له هغې وروسته، چې د امریکا د ملي امنیت سلاکار جیک سلیوان په روم کې د چین له لوړپوړي ډیپلوماټ یانګ جیچي سره وکتل؛ خبریالانو ته وویل مونږ بیجینګ ته دا روښانه کړې، چې مونږ به پر شا نشو. مونږ به هیڅ هېواد ته اجازه ورنکړو، چې روسیې د روسیې لاسنیوی وکړي.

امریکايي چارواکو د یکشنبې پر ورځ رویټرز خبري آژانس ته ویلي؛ روسیې پر اوکراین له برید وروسته له چین څخه د پوځي تجهیزاتو غوښتنه کړې او دې کار د جوبایډن اداره اندېښنې کړې، چې بیجینګ ښايي د مسکو د پوځ له پیاوړي کولو سره په اوکراین کې د لویدیځ ملاتړ کمزوری کړي.

روسیې د چین د پوځي مرستې غوښتنه رد کړې او ویلي یې دي، چې په اوکراین کې د خپلو ټولو اهدافو د ترلاسه کولو لپاره کافي پوځي نفوذ لري.

دا په داسې حال کې ده، چې د اوکراین ولسمشر ولادیمیر زیلینسکې روسیې ته د هوایي او ځمکنیو زیانونو اړولو په اړه رسنیزې څرګندونې کړې دي.

نړۍ

د پاکستان په یوه جومات کې چاودنې لږ تر لږه ۱۹ لمونځ کوونکي وژلي

Published

on

(Last Updated On: سلواغه ۱۰, ۱۴۰۱)

د پاکستان په شمال لویدیځ ښار پېښور کې د دوشنبې پر ورځ په یوه جومات کې چاودنې لږ تر لږه ۱۹ لمونځ کوونکي وژلي او لسګونه نور یې ټپیان کړي دي.

د پاکستانيو رسنیو د څرګندونو له مخې؛ په دې چاودنه کې لږ تر لږه ۵۰ کسان ټپیان دي.

د سرچینې د څرګندونو له مخې، ډېرى ټپيان پوليس دي، چې د ماسپښين د لمانځه لپاره راغلي وه.

دپولیسو د څرګندونو له مخې؛ د چاودنې پر مهال په جومات کې شاوخوا ۲۶۰ کسانو لمونځ کاوه.

يوه عيني شاهد ځايي خبري چينل جيو تلويزيون ته ويلي، چاودنه د لمانځه پرمهال رامنځته شوې؛ يوه دوه پوړيزه ودانۍ نړېدلې؛ خو د چاودنې پر مهال له جوماته بهر و.

د پېښور د ليدي ريدنګ روغتون وياند محمد عاصم ويلي: په چاودنه کې ۱۹ کسان مړه او ۹۰ نور ټپيان شوي، چجې د ډېرو روغتیایي حالت د اندېښنې وړ دی.

د پولیسو په وینا، ډېري لمونځ کوونکي تر ویجاړیو لاندې دي.

د پوليسو يوه چارواکي سکندر خان ويلي: د ودانۍ يوه برخه نړېدلې او څو کسان تر لاندې شوي دي.

Continue Reading

نړۍ

ایران پخپلې پوځي اډې د بې پیلوته الوتکې برید شنډ کړ

Published

on

(Last Updated On: سلواغه ۹, ۱۴۰۱)

د ایران دولتي رسنیو د یکشنبې پر ورځ د دفاع وزارت د څرګندونو له مخې راپور ورکړ، چې د ایران د مرکزي ښار اصفهان په یوه پوځي فابریکه کې د بې پیلوته الوتکې د ناکام برید له کبله یوه زوروره چاودنه رامنځته شوې ده.

سرچینې زیاته کړې یوه بې پیلوته الوتکه د دافع هوا لخوا ووېشتل شوه او دوه نور بریدونه او چاودنې شنډې شوې. له نېکه مرغه، دغه ناکام برید کوم ځاني زیان ندی اړولی؛ خو د ورکشاپ چت ته یې لږ زیان اړولی دی.

رویترز د راپور له مخې؛ ایراني خبري آژانسونو د لویې چاودنې راپور ورکړی او یوه ویدیو یې خپره کړې، چې په فابریکه کې د اور لمبې ښیي، چې ویل کیږي د مهماتو فابریکه وه او د بېړنيو او له کارخونې بهر د اور وژنې د موترو انځورونه ښیي.

د جولای په میاشت کې ایران ویلي وه، چې دوی د ورانکارو وسلوالو کردانو یوه ډله نیولې، چې غواړي په اصفهان کې د اسرائیلو لپاره د “حساس” دفاعي صنعت مرکز ته چاودنه ورکړي.

د دفاع وزارت په خبرپاڼه کې راغلي: دغه برید زمونږ پر تاسیساتو او ماموریت اغېز ندی کړی او دا ډول ړانده اقدامات به د هېواد د پرمختګ پر دوام هم اغېز ونلري.

رویترز راپور ورکړی چې په تېرو څو کلونو کې د ایران د پوځي، اټومي او صنعتي تاسیساتو په شاوخوا کې یو شمېر چاودنې شوې دي.

اسرائیل له اوږدې مودې راپدیخوا ګواښ کړی، چې که د واشنګتن او تهران ترمنځ غیر مستقیمې خبرې د ۲۰۱۵ کال د اتومي تړون په ژغورلو کې ناکامې شي؛ د ایران پر ضد به پوځي اقدام وکړي.

دا اعلان په داسې حال کې شوی، چې د تهران د اتومي پروګرام پر سر له پخواني دښمن اسرائیلو سره کړکېچ روان دی او اسرائیلو ويلي؛ ایران د اتومي وسلو د جوړولو په لټه کې دی؛ خو تهران دا خبره ردوي.

Continue Reading

نړۍ

هند د می میاشتې په ناسته کې د پاکستان بهرنیو چارو وزیر ته د ګډون بلنه ورکړه

Published

on

(Last Updated On: سلواغه ۵, ۱۴۰۱)

د رویترز د راپور له مخې؛ هندي رسنیو د چارشنبې پر ورځ راپور ورکړ، چې د می په میاشت کې به هند د شانګهای همکارۍ ټولنه (SCO) غونډې ته د پاکستان بهرنیو چارو وزیر رابللی دی.

دا بلنه څو ورځې وروسته له هغه څرګنده شوې، چې د پاکستان لومړي وزیر شهباز شریف له هند سره د کشمیر د لانجمنې سیمې په ګډون د ټولو موجودو مسلو په اړه د خبرو اترو غوښتنه وکړه.

د رویترز خبري آژانس د راپور له مخې؛ یوازې یوه میاشت وړاندې د ملګرو ملتونو د امنیت شورا د غونډې په څنډه کې د پاکستان د بهرنیو چارو وزیر بلاول بوتو زرداري د هند د لومړي وزیر نریندرا مودي په اړه د څرګندونو په اړه په هند کې لاریونونه وشول. هند د زرداري څرګندونې غیر تمدني بللې.

د دواړو هېوادونو د بهرنیو چارو وزارت ویاندویانو سمدستي په دې اړه له څه ویلو ډډه کړې.

په شانګهای ټولنه کې چین، هند، روسیه، پاکستان او د منځنۍ آسیا څلور هېوادونه شامل دي.

د اندین ایکسپریس ورځپاڼې د راپور له مخې، دغه بلنه په اسلام‌آباد کې د هند د عالي کمیشنرۍ لخوا ورکړ شوی دی.

که پاکستان ومني؛ نو زرداري به لومړی د بهرنیو چارو وزیر وي، چې له نږدې ۱۲ کلونو وروسته هند ته سفر کوي.

پاکستان او هند په ۱۹۴۷ ز. کال کې له بریتانوي واکمنۍ څخه د خپلواکۍ له اخیستو راپدیخوا درې جګړې کړې دي.

هند پر پاکستان تور لګوي، چې تر خپل کنټرول لاندې د مسلمانانو په اکثریت سیمه کې له لسیزو راپدیخوا بغاوت ته لمن وهي؛ خو پاکستان د هند تورونه ردوي.

د ۲۰۱۹ په وروستیو کې یو ځل بیا تاوتریخوالی راپورته شو، چې کله هند په یو اړخیز ډول د کشمیر خودمختاره حیثیت لغو کړ.

رویترز راپور ورکړ، چې هغه مهال شریف ویلی، چې د نوي ډیلي اقدامات د رویترز د بشري حقونو د سرغړونې لامل شو.

د دواړو هېوادونو تر منځ رسمي خبرې له هغه وخت راپدیخوا ځنډول شوي دي. که څه هم د پټې دیپلوماسۍ له لارې د خبرو اترو د بیا پیل لپاره ځینې هڅې شوي دي.

عربي متحده اماراتو په ۲۰۲۱ کې منځګړیتوب وکړ او شریف بیا له هند سره د خبرو اترو بیا پیلولو لپاره د مرستې غوښتنه وکړه.

Continue Reading

Trending

Copyright © 2022 Ariana News. All rights reserved!