Connect with us

سوداگري

چین په کابل کې د سوداګرۍ د ودې لپاره نندارتونونه جوړوي

Published

 on

(Last Updated On: سلواغه ۵, ۱۴۰۰)

د چین ګلوبل ټایمز د راپور له مخې؛ په کابل کې چینايي سوداګرو ویلي، چې دوی به په راتلونکي کې د دوه اړخیزو سوداګریزو اړیکو د ودې او پراختیا لپاره د نندارتونونو کوربه وي.

راپور په ډاګه کړې، چې چینایي سوداګر به د اپریل له میاشتې د کابل په چاینا ټاون کې د چین او افغانستان د سوداګریزو توکو د ټکنالوژۍ د لومړني او دغه راز د چین- افغانستان د دوه یم سوداګریز نندارتون کوربتوب ترسره کړي.

په کابل کې د چاینا ټاون یوې سرچینې ګلوبل ټایمز ته څرګنده کړې، چې د دواړو نندارتونونو د جوړولو لپاره چمتووالی نیول شوی او د افغان حکومت چارواکو او چینايي سوداګرو په ګډون مهمو اشخاصو ته بلنلیکونه هم استول شوې دي.

د چاينا ټاون د عمومي مدير مرستيال لي شیجينګ د يکشنبې پر ورځ ګلوبل ټايمز ته په ډاګه کړې: د نندارتون دا بڼه بې سارې ده؛ ځکه، چې پخوا کوم چينايي شرکت دا کار ندی کړی.

نوموړي زیاته کړې: مونږ د افغانستان د حکومت بېلابېلو څانګو ته بلنلیکونه لېږلي او دا ډاډ څرګند شوی، چې له بلنې سره سم به په غونډه کې ګډون وکړي… تمه ده، چې ډېر ګډونوال به ولري.

د نندارتون جوړوونکیو ویلي؛ دوی هیله من دي، چې په دې توګه د چین او افغان ونډوالو او سوداګرو ترمنځ د مستقیمو اړیکو لپاره یو پل جوړ او د سوداګریزو توکو نندارې ته زمینه برابره کړي.

د یادونې ده، چې د افغانستان شاوخوا ۹۵ سلنه سوداګریز توکي راواردېږي او چینايي توکي د ټولو وارداتو ۶۰-۷۰ سلنه جوړوي.

سوداگري

په افغانستان کې د عوایدو راټولول ښه شوي ـ نړیوال بانک

Published

on

(Last Updated On: سلواغه ۹, ۱۴۰۱)

نړیوال بانک د ۲۰۲۲ ز. کال په لومړیو نهو میاشتو کې د افغانستان د صادراتو په کچه کې له ۹۰ سلنه ډېروالي، اسعارو ثبات او د افغانستان د عایداتو زیاتوالی خبر ورکړی دی.

د دغه راپور له مخې، د بهرنیو اسعارو پر وړاندې د افغانۍ نرخ هم نسبي ثبات ساتلی دی.

په دغه راپور کې د انفلاسیون د کمښت اصلي لامل د نړۍ په بازارونو کې د تېلو او خوراکي توکو د بیو ټیټوالی ښودل شوی دی.

د بهرنیو اسعارو پر وړاندې د افغانیو د نسبي ثبات د ساتلو په برخه کې هغه بشري مرستې، چې په پرلپسې ډول د ملګرو ملتونو او نورو خیریه موسسو له لارې افغانستان ته رسېږي، بې اغېزې ندي.

د سپما حسابونو ته د خلکو د لاسرسي په اړه راپور څرګنده کړې، چې له بانکونو څخه د پیسو پر ایستلو محدودیتونه اوس هم روان دي.

هغو شرکتونو او اشخاصو، چې ۱۴۰۰د وږي له دمخه په بانکونو کې پیسې درلودېاوس هم نشي کولی له محدودې کچې له بانکه وباسي.

نړیوال بانک وايي، په تېرو دوه میاشتو کې د دولتي کارکوونکیو معاشونه په منظم ډول ورکړ شوي او ښځینه کارکوونکیو ته د نرینه کارکوونکیو پر پرتله ډېر منظم معاشونه ورکړ شوي دي.

د دغو کارکوونکیو لپاره د پیسو ایستل اسانه کار نه و او دوی ټولو شکایت کاوه، چې د بانک په لیکو کې ډېر وخت پر درېدلو تېريږي.

په دغه راپور کې د نوي حکومت د چارواکو لخوا د مالیاتو او عوایدو د ټولولو بهیر بیان شوی او ویل شوي، چې اسلامي امارت توانیدلی په سرحدونو کې له ګمرکي تعرفو څخه ۱۳۵،۹ میلیارد افغانۍ، چې شاوخوا ۱،۵۴ میلیارد دالر کیږي؛ راټول کړي.

د ډبرو سکرو د بیو لوړوالی او صادرات د اسلامي امارت د عوایدو د زیاتوالي اصلي لامل بلل شوی دی.

د دغه راپور پر بنسټ د افغانستان صادرات د تېرو کلونو پهر پرتله ډېر شوي دي.

نړیوال بانک وايي، چې په ۱۳۹۹ او ۱۴۰۰ کلونو کې د افغانستان صادرات ۰،۸ میلیارد او ۰.۹ میلیارد ته رسېدلي دي. په داسې حال کې چې سږ کال افغانستان شاوخوا ۱،۷ میلیارده دالر صادرات کړي دي.

د نړیوال بانک د موندنو له مخې، سږ کال د افغانستان تر ټولو زیات صادرات کرنیز محصولات، کانونه او ټوکر ول، چې د دغو صادراتو ۶۵ سلنه هدف پاکستان او ۲۰ سلنه نور یې هند و.

په دغه راپور کې دا دهم راغلي، چې د سړې هوا او واورې له پیلېدو وروسته د ماهرو او غیر مسلکي کارګرو غوښتنه کمه شوې او د کرنې او ساختمان په څېر صنعتونه چې ډېر کارګران جذبوي اوس کارګرانو ته اړتیا نلري.

د ملګرو ملتونو د راپور له مخې، سږ کال لږ تر لږه ۲۸.۳ میلیون افغانان د ژوندي پاتې کېدو لپاره بشري مرستو ته اړتیا لري.

د اسلامي امارت ویاند ذبیح الله مجاهد د افغانستان د صادراتو د زیاتوالي په اړه د نړیوال بانک د احصائې له خپرولو سره دا اقتصادي پرمختګ بللی دی.

دا احصائې د هغه څه څخه توپیر لري، چې اتباعو ته پېښیږي.

کتونکي وايي، چې د نړیوال بانک لخوا د هڅوونکیو احصائیو له خپرېدو سره سره اوس‌مهال خلک له سړې هوا او سوړ ژمي سره مخ دي. د بېوزلۍ او یخنۍ په درشل کې، ښاریان باید د خپلو کورونو او خواړو لپاره سون توکو ته اړتیا لري.

Continue Reading

سوداگري

د ازبکستان وارداتي برښنا به په ۲۴ ګړیو کې له افغانستان سره ونښلیږي

Published

on

(Last Updated On: سلواغه ۴, ۱۴۰۱)

 د ازبکستان د انرژۍ وزارت څرګنده کړی، چې افغانستان ته به د چارشنبې پر ورځ د برښنا صادرات بیا پیل کړي.

 افغانستان ته د ازبکستان برښنا د جدي له څلیریشتمې نېټې په بشپړه توګه پرې شوې وه. د ازبکستان د انرژۍ وزارت یې د پرې کېدو دلیل تخنیکي ستونزې بللې وې.

د ازبکستان د انرژۍ وزارت په ډاګه کړې؛ په ازبکستان کې تولیدېدونکې برښنا یوازې د کورني لګښت لپاره ده. د برښنا یوازې یوه برخه د حکومتونو ترمنځ د هوکړې پر بنسټ افغانستان ته صادریږي.

د افغانستان د بهرنیو چارو وزارت د ویاند مرستیال ضیا احمد تکل وايي، چې د ازبکستان ۲۵۰ میګاواته برښنا به په راتلونکیو څلیریشت ګړیو کې له افغانستان سره ونښلیږي.

د کابل د برښنا رییس مولوي حکمت الله آخوندزاده وايي، د برښنا اساسي ستونزه په ازبکستان کې رامنځته شوې تخنیکي ستونزو ده. هغه وایي: یوه ستونزه، چې له مونږ سره شریکه شوې د ازبکستان په څاګانو کې د ګازو کمښت دی، چې د برښنا د تولید لپاره کارول کیږي.

په کابل او د هېواد په یوشمېر ولایتونو کې د برېښنا نشتوالي خلک له ګڼو ستونزو سره مخ کړي دي؛ خو دا، چې په راتلونکیو څو ساعتونو کې به بېرته برښنا ونښلیږي؛ خلک هیله من کړي دي.

یو شمېر کارپوهان وايي؛ د افغانستان اسلامي امارت ته په کار ده، چې هغه هېوادونه، چې له افغانستان سره تړونونه لري؛ د تړون بشپړ پلي کولو ته اړ کړي.

دا په داسې حال کې ده، چې د افغانستان برښنا شرکت د څرګندونو له مخې؛ د دوشنبې پر ورځ د ترکمنستان په پلازمېنه عشق‌آباد ښار کې د وارداتي برښنا غزولو تړون لاسلیک شو.

افغانستان اوسمهال خپله د اړتیا وړ برښنا له ازبکستان، تاجکستان، ترکمنستان او ایران څخه اخلي.

Continue Reading

سوداگري

د لومړي ځل لپاره افغان باروړونکیو لاریو ترکیې ته د افغانستان محصولات ولېږدول

Published

on

(Last Updated On: مرغومی ۲۹, ۱۴۰۱)

د ترانسپورت او هوايي چلند وزارت څرګنده کړې؛ د لومړي ځل لپاره د افغانستان صادراتي توکي افغان لاریو د آقینې بندر له لارې ترکیې ته ولېږدول.

دغه وزارت د چارشنبې پر ورځ څرګنده کړې؛ له دې وروسته به د هېواد صادراتي مالونه د کورنیو ترانسپورتي شرکتونو لخوا د بار وړونکیو موټرو په وسیله، چې د افغانستان نمبر پلیټونه به ولري؛ ترکیې ته صادر شي.

دغه وزارت زیاته کړې؛ د صادراتو بهیر له آقینې بندر څخه پیل شوی، چې له ترکمنستان او ایران څخه له تېرېدو وروسته ترکیې ته رسېږي.

Continue Reading

Trending

Copyright © 2022 Ariana News. All rights reserved!