Connect with us

تازه خبرونه

ښایي له وتلو وروسته، وسلوال طالبان پر پوځي تجهیزاتو برلاسي شي – امریکا

خپور شوی

 په

(Last Updated On: غبرګولى ۱, ۱۴۰۰)

 د امریکا پوځي چارواکو ویلي؛ له افغانستان څخه د بهرنیو ځواکونو له وتلو وروسته ښایي پر پوځي تجهیزاتو یې طالبان او ترهګرې ډلې برلاسي شي.

د ګډو ځواکونو د لوی درستیز مرستیال برید جنرال ماټیو ټرولینګر د امریکا کانګریس غونډې ته د وینا پر مهال څرګنده کړې؛ هیڅ ډاډ نشته، چې د امریکا تجهیزات به طالبا تر لاسه نکړي.

دغه امریکايي چارواکي ویلي، چې له افغانستان څخه د امریکايي ځواکونو تر وتلو پورې به دوی د دې کار د مخنیوي هڅه وکړي.

هغه زیاته کړې: مونږ به یو شمېر پوځي تجهیزات او وسایط افغان ځواکونو ته وسپارو، چې افغان امنیتي او دفاعي ځواکونه وکولی شي د خپل هېواد ساتنه پرې وکړي.

جنرال ټرولینګر وايي؛ یو شېر پوځي تجهیزات به امریکا او د سیمې هېوادونو ته ولېږدول شي.

دغه امریکایي جنرال په دې اړه زیاته کړې: مونږ به یو څه هغه وسایل، چې امریکا او نورو سیمو ته د لېږد وړ دي ولیږدوو او هغه تجهیزات، چې کارول شوي؛ د لېږد او افغانانو ته یې د سپارلو اجازه نلرو؛ ویجاړوو او له منځه یې وړو.

د امریکا مرکزي قومنداني په یوه اعلامیه کې په ډاګه کړې، چې دوی له افغانستان څخه د پوځي تجهیزاتو ۱۱۵ الوتنې کړې دي.

 دغه راز څرګنده شوې، چې له ۵۰۰۰  ډېر پوځي تجهیزات د ویجاړولو لپاره چمتو شوي دي.

دوی دا هم په ډاګه کړې، چې تر دې دمه یې پېنځه بهرنۍ اډې د افغانستان دفاع وزارت ته سپارلي دي.

دا په داسې حال کې ده، چې د امریکا مرکزي قومندانۍ پرون ویلي وه، چې له افغانستان څخه د امریکایي سرتېرو بېرته ستنېدو بهیر له ۱۳ څخه  تر ۲۰ سلنه بشپړه شوی دی.

تازه خبرونه

هیچا ته به د ګډوډۍ رامنځته کولو اجازه ورنکړ شي – مولوي محمد یعقوب مجاهد

خپور شوی

په

توسط

(Last Updated On: غویی ۳۱, ۱۴۰۱)

د اسلامي امارت د دفاع وزارت چارسمبالي مولوی محمد یعقوب مجاهد تېره ورځ پنجشیر ولایت ته په سفر کې ډاډ څرګند کړی، چې هیچا ته به د ګډوډۍ د رامنځته کولو اجازه ورنکړ شي.

نوموړي د دغه ولایت له خلکو، قومي مخورو او امنیتي مسوولینو سره وکتل او له خلکو یې وغوښتل، چې د دښمن پر تبلیغاتو ونه غولېږي او خپل عادي ژوند روان وساتي.

مولوي محمد یعقوب مجاهد د دې ولایت د خلکو وړاندیزونه هم واورېدل او پر خلکو یې غږ وکړ، چې د نظم په ټینګښت کې له خپلو چارواکو سره پوره همکاري وکړي.

نوموړي ډاډ ورکړ، چې هیڅ ډول وسلوالو ته به اجازه ورنکړ شي، چې امنیت ګډوډ کړي.

د ملي دفاع وزارت چارسمبالي د دغه ولایت امنیتي وضعیت ښه وګاڼه او د اسلامي امارت د مسوولینو او ځواکونو له کړنو او دندو څخه یې ستاینه وکړه.

د یادونې ده، چې مجاهد د امنیت د خوندي ساتنې په اړه اړوند مسوولینو ته لازمې لارښوونې هم وکړې.

Continue Reading

تازه خبرونه

اسلامي امارت له رسنیو خپل ملاتړ روان ساتي – مجاهد

خپور شوی

په

توسط

(Last Updated On: غویی ۲۹, ۱۴۰۱)

د اسلامي امارت ویاند ویلي، چې حکومت له رسنیو او خبریالانو سره همکاري کوي او رسنۍ دې هم په خپلو خپرونو کې اسلامي ارزښتونه، د رسنیو اصول او ملي ګټې په پام کې ونیسي.

د اسلامي امارت ویاند ذبیح الله مجاهد نن پنجشنبه د غويي ۲۹ د مطبوعاتو د آزادۍ د نړیوالې ورځې په نمانځغونډه کې څرګنده کړې چې د رسنیو د سرغړونو کمیسیون نن خپل کار پیل کړی او اطلاعاتو ته د لاسرسي هغه به هم په نږدې راتلونکي کې خپل کار پیل کړي.

د ذبیح الله مجاهد د څرګندونو له مخې؛ اسلامي امارت د اسلامي شریعت په چوکاټ کې د رسنیو ملاتړ ته ژمن دی. نوموړي پر رسنيو غږ وکړ، چې په خپلو خپرونو کې ملي ګټې او اسلامي ارزښتونه پام ونيسي.

نوموړی وایي: حکومت له رسنیو سره اقتصادي ملاتړ ته دوام ورکوي او مونږ غواړو، چې د رسنیو ستونزې صفر ته راکښته کړو.

هغه له رسنیو وغوښتل، چې د اسلامي اصولو پر بنسټ د رسنیو فعالیت تروان وساتل شي.

د اطلاعاتو او فرهنګ وزارت د معلوماتو له مخې، د تېر حکومت له نسکورېدو وروسته اوسمهال په هېواد کې ۱۹۸ چاپي او غږیزې رسنۍ شته، چې ۱۷۰ رسنۍ له اقتصادي ستونزو له کبله تړل شوې دي.

د اطلاعاتو او فرهنګ وزارت د خپرونو مشر عبدالحق حماد ويلي: ډېري رسنۍ، چې بندې دي؛ مسوولين يې له افغانستان څخه وتلي او نورې يې د بهرنيانو په ملاتړ پورې تړلې وې، چې اوس فعالې ندي.

په افغانستان کې وروستیو سیاسي پرمختګونو د رسنیو پر وضعیت هم اغېز کړی، چې د راپورونو له مخې د یو شمېر رسنیو د تړل کېدو له کبله د رسنیو شاوخوا ۶۰۰۰ کارکوونکطو خپلې دندې له لاسه ورکړې دي.

Continue Reading

تازه خبرونه

امریکا له پاکستان سره د اړیکو پراخولو هڅه کوي – انتوني بلینکن

خپور شوی

په

توسط

(Last Updated On: غویی ۲۹, ۱۴۰۱)

د امریکا د بهرنیو چارو وزیر انتوني بلینکن د چارشنبې پر ورځ د پاکستان له بهرنیو چارو وزیر بلاول بوټو زرداري سره د اړیکو او ملګرتیاوو پر پراخولو خبرې وکړې.

د امریکا د بهرنیو چارو وزیر له خپل پاکستاني سیال سره په افغانستان کې د ثبات پر ټینګښت ټینګار کړی دی.

د امريکا د بهرنيو چارو وزير ويلي، چې پاکستان د امريکا لپاره د يوه ستراتيژيک ملګري په توګه خپل دريځ ساتلى او واشنګټن ژمن دی، چې د پاکستان له نوي حکومت سره د دواړو هېوادونو لپاره د ترهګرۍ د خطر په ګډون پر سيمه ييزو ستونزو کار وکړي.

د پاکستان د بهرنیو چارو وزیر، چې ظاهراً د خواړو د خوندیتوب په نړیواله غونډه کې د ګډون لپاره امریکا ته تللی، وايي؛ له امریکا سره د اړیکو بیارغول او د باور رامنځته کول یې بنسټیزه موخه ده.

امريکا ته له تللو يو ساعت وروسته بلاول بوټو زرداري له خپل امريکايي سيال انتوني بلينکن سره ليدنه وکړه، چې له امريکا سره يې د پياوړیو او ښو اړيکو پر لرلو ټينګار وکړ.

د پاکستان د بهرنیو چارو وزیر بلاول بوټو ویلي؛ پاکستان د ترهګرۍ په ګډون له ډېرو ستونزو سره مخ دی او نن زه خوشحاله یم، چې دواړه هېوادونه د خپلو اړیکو نوی پړاو پیلوي او مونږ د ښې او پراخې همکارۍ او اړیکو هیله لرو.

په دې کتنه کې دواړه هېوادونه دې هوکړې ته ورسېدل، چې له ترهګرۍ سره به ګډه مبارزه کوي.

دوی په افغانستان کې د ثبات پر تامین هم ټینګار شوی دی.

د امریکا د بهرنیو چارو وزیر انتوني بلینکن وایي: مونږ پر ډېرو مسایلو خبرې وکړې او دواړه هېوادونه په ګډه کار کوي. مونږ د امنیتي مسایلو، تروریزم او د دواړو هېوادونو ترمنځ د پراخو او هر اړخیزو اړیکو  پر پیاوړتیا وغږیدو.

له دې لیدنې مخکې دواړو لوریو د دوه اړخیزو اړیکو، سیمه ییزو پرمختګونو او د افغانستان پر وضعیت خبرې وکړې.

د امریکا او ترکیې د بهرنیو چارو وزیرانو هم د خواړو د خوندیتوب د نړیوالې غونډې په څنډه کې د افغانستان په اړه خبرې کړې دي.

Continue Reading

Trending

Copyright © 2022 Ariana News. All rights reserved!