Connect with us

تازه خبرونه

ښایي له وتلو وروسته د تروریزم له ګواښونو سره د مقابلې لپاره امریکایي ځواکونه وساتل شي

خپور شوی

د

پنټاګون په افغانستان کې د امریکايي ځواکونو له وتلو وروسته په سیمه کې د امریکایي ځواکونو د پاتې کیدو شونتیا څېړي.

د هند – پسیفک په چارو کې د امریکا د دفاع وزیر مرستیال ډیویډ هلوي د چارشنبې پر ورځ ( د غویی ۲۲) د ولسي جرګې د وسلوالو خدماتو کمېټې ناستې ته ویلي، چې د امریکا پوځي مشرتابه له افغانستان څخه د ځواکونو له وتلو وروسته له ترهګریزو ګواښونو سره د مبارزې پر وړتیا ساتلو غور کوي.

د افغانستان په ګاونډ هېوادونو کې د امریکايي ځواکونو د ځای پرځای کیدو په اړه د پوښتنې په ځواب کې نوموړي څرګنده کړې: اړینه ده، چې له تروریزم سره د مبارزې وړتیا ساتلو ته پاملرنه وکړو او لکه څنګه، چې ما مخکې یادونه کړې؛ مونږ دغه راز ګواښونه د فارس خلیج په هېوادونو کې لرو؛ خو مونږ په سیمه کې د پوځي او استخباراتي وړتیاوو پر ساتلو غور کوو. مونږ دا کار کوو، چې ګواښونه وڅارو او له مخې یې لرې کړو.

د نوموړي د څرګندونو له مخې؛ د امریکا پوځي رهبري تمه لري، چې پر افغانستان یې د الوتنې وړتیا خوندي پاتې شي.

له نوموړي مخکې د امریکا د مرکزي قومندانۍ عمومي قومندان جنرال کنت مک کینزي هم په دې اړه، چې آیا د خونړیو بریدونو یا د عملیاتو د تر سره کولو لپاره د افغانستان له ګاونډ هېوادونو سره هوکړه شوې؛ ویلي: اوسمهال هیڅ هوکړه نشته. زه به د روانې میاشتې تر پایه د دفاع وزارت د تروریزم ضد ځواکونو ته یوه طرحه وسپارم. په افغانستان کې د امریکا د اوسنۍ پوځي شبکې له لاسه ورکول او د استخباراتي وړتیاوو رامنځته کېدل به بې اغېزې نه وي.

د هند – پسیفک په چارو کې د امریکا د دفاع وزیر مرستیال نېغ په نېغه د دې پوښتنې په ځواب کې، چې آیا په سیمه کې د دوی له پاتې کېدو مخکې به له افغانستان څخه امریکایي سرتېري ووځي؛ څه ونه ویل.

نوموړی وایي: مونږ نیت لرو، چې د امن او مسوولانه وتلو په دوه جبهو کې کار وکړو. مونږ له بهرنیو چارو وزارت او معلوماتي ټولنې سره کار کوو، چې د ترهګرۍ د ګواښونو پر ضد، چې ښایي په راتلونکي کې راپورته شي؛ د مبارزې لپاره زمونږ وړتیاوې خوندي او وساتي.

له دې مخکې وال سټریټ ژورنال د باخبره سرچینو د څرګندونو له مخې څرګنده کړه، چې امریکا به له افغانستان څخه له وتلو وروسته د سرتېرو او تجهیزاتو د لېږد لپاره ازبکستان یا تاجکستان غوره کړي.

ویل کیږي، چې امریکایي چارواکي د افغان حکومت د ملاتړ او د طالبانو او نورو ځانګړیو ډلو څارنه په پام کې ونیسي.

تازه خبرونه

بهرنیو چارو وزارت په ترمذ خبرو کې د سیمه‌ییزې سولې او همکارۍ په اړه خپله ژمنتیا وړاندې کړه

هغه د ​​ازبکستان په ترمذ خبرو کې د وینا پرمهال د سیمه‌ییزې سولې، همکارۍ او پرمختګ لپاره د افغانستان پر ژمنتیا ټینګار وکړ.

Published

on

termez dialogue

د افغانستان بهرنیو چارو وزارت مالي او اداري مرستیال محمد نعیم ويلي، چې افغانستان د مرکزي او جنوبي آسیا ترمنځ د طبیعي پل په توګه کار کوي او چمتو دی، چې په سیمه‌ییزو او نړیوالو نوښتونو کې فعاله او رغنده برخه ولري.

هغه د ​​ازبکستان په ترمذ خبرو کې د وینا پرمهال د سیمه‌ییزې سولې، همکارۍ او پرمختګ لپاره د افغانستان پر ژمنتیا ټینګار وکړ.

نعیم په خپلو څرګندونو کې د ازبکستان له حکومت څخه د “سولې، دوستۍ او سوکالۍ لپاره د ګډې فضا رامنځته کول” تر سرلیک لاندې د دغو سیمه‌ییزو خبرو له کوربتوب څخه د زړه له کومې مننه وکړه.

هغه له ازبکستان څخه د نږدې ګاونډي او سټراټیژیک ملګري په توګه هم ستاینه وکړه او په وروستیو کلونو کې یې د دوه اړخیزو اړیکو پر بې سارې پراختیا اعتراف وکړ.

هغه وایي، چې سیمه‌ییزه همکاري نه یوازې د ښکېلو هېوادونو د ګټې لپاره ښه ده، بلکې د نړیوالې سولې او ثبات لپاره هم اړینه ده. افغانستان غواړي، چې په اقتصادي ادغام او سیمه‌ییز اتصال کې یو باوري ملګری پاتې شي.

محمد نعیم د افغانستان او ازبکستان ترمنځ د شته ګډو طرحو د یادونې په ګډون د افغان- ټرانس اوسپنې‌پټلۍ جوړول یوه اړینه پروژه یاده کړه، چې موخه یې د مرکزي او سویلي آسیا ترمنځ د اتصال زیاتوالی دی.

هغه له سرخان دریا څخه تر پلخمري پورې د ۵۰۰ کیلو ولټه برښنا مزي لېږد ته هم نغوته(اشاره) وکړه، چې تمه ده ورسره برښنا ته د افغانستان لاسرسی د پام وړ زیات شي.

سربېره پردې هغه د عصري ټکنالوژیو پر کارولو د ګډو کرنیزو پروژو یادونه وکړه او د دواړو هېوادونو ترمنځ یې د ۲.۵ میلیارډ ډالرو پر ارزښت د انرژۍ، کرنې او صنعت په سکټورونو کې د تړونونو پر لاسلیک ټینګار وکړ.

هغه ټینګار وکړ، چې دا بدلونونه د دوامداره پرمختګ او سیمه‌ییز ثبات لپاره د دواړو هېوادونو ګډې ژمنې ښیي.

هغه د اسلامي امارت بهرنۍ پالیسي یو ځل بیا تائید کړه، چې په اقتصادي همکارۍ، سیمه‌ییزې ښکېلتیا او متقابل درناوي ولاړه ده.

هغه ټینګار وکړ، چې د افغانستان خاوره به د بل هېواد پر ضد ونه کارول شي او په دې اړه به د متقابل چلند غوښتنه وکړي.

د بهرنیو چارو وزارت مرستیال د بېخبناوو، ټرانسپورټ، انرژۍ، سوداګرۍ، تعلیم، اقلیمي بدلون او دوامداره پراختیا په اړه په سیمه‌ییزو نوښتونو کې د فعال ګډون لپاره د افغانستان چمتووالی څرګند کړ.

هغه ټینګار وکړ، چې متوازن سیمه‌ییز پرمختګ، خبرې اترې، همغږي او باور جوړونه د معنا لرونکي او دوامداره پرمختګ بنسټونه دي.

نعیم له نړیوالې ټولنې، سیمه‌ییزو حکومتونو، نړیوالو بنسټونو او مالي ادارو څخه وغوښتل، چې افغانستان د یو باوري ملګري په توګه وپېژني او په بېخبناوو، ظرفیت جوړونې او اقتصادي پراختیا کې د پانګونې له لارې د دې هېواد ملاتړ وکړي.

نوموړي په پای کې له ترمذ ډیالوګ څخه د افغانستان پر کلک ملاتړ ټینګار وکړ او هغه یې د نظرونو د تبادلې، متقابلې همغږۍ د ودې او عملي همکارۍ رامنځته کولو لپاره د یو اړین بنسټ په توګه وستایه.

نعیم څرګنده کړې: “مونږ د دې خبرو پایلو ته د زړه له کومي سترګې پر لار یوو، چې زمونږ سیمې او خلکو ته د روښانه او پوره سوکاله راتلونکي لپاره لار اواره کړي.”

Continue Reading

تازه خبرونه

د افغانستان بهرنیو چارو وزارت چارسمبالي امیر خان متقي د خبرو اترو لپاره چین ته ورسېد

د بهرنیو چارو وزارت ويلي، چې د صنعت او سوداګرۍ وزارت مرستیال  احمدالله زاهد هم په دې پلاوي کې دی.

Published

on

د افغانستان  اسلامي امارت د بهرنیو چارو وزارت چارسمبالی امیر خان متقي نن دوشنبه د یوه پلاوي پر مشرۍ چین ته رسیدلی دی.

د بهرنیو چارو وزارت ويلي، چې د صنعت او سوداګرۍ وزارت مرستیال  احمدالله زاهد هم په دې پلاوي کې دی.

تمه ده، چې امیر خان متقي به د خپل چینایي سیال وانګ يي سره د دوه اړخیزو سیاسي، اقتصادي او سوداګریزو اړیکو په اړه خبرې وکړي.

هغه به د چین او پاکستان د بهرنیو چارو وزیرانو سره په ګډه غونډه کې هم ګډون وکړي.

Continue Reading

تازه خبرونه

له امریکا څخه ایستل شوي افغانان به له خطر سره مخ نشي – اسلامي امارت

دغه راز د مولوي عبدالکبیر په دې پیغام کې، چې راستنیدونکو ته د هند د مرستو د وېش په مراسمو کې ولوستل شو راغلي، چې په افغانستان کې د ژوند شرایط ښه شوي او د هیچا ژوند په خطر کې ندی.

Published

on

د اسلامي امارت د مهاجرینو او راستنېدونکو چارو وزارت د چارسمبالي په هغه پیغام کې، چې ریاست الوزرا د دفتر د چارو د تنظیم د رییس ذاکرالله ذاکر  لخوا ولوستل شو په امریکا کې د افغان کډوالو د موقت محافظت حیثیت لغوه کولو ته په نغوته(اشاره) کې ډاډ ورکړی، چې که دا کډوال هېواد ته راستانه شي؛ نو له خطر سره به مخ نشي.

دغه راز د مولوي عبدالکبیر په دې پیغام کې، چې راستنیدونکو ته د هند د مرستو د وېش په مراسمو کې ولوستل شو راغلي، چې په افغانستان کې د ژوند شرایط ښه شوي او د هیچا ژوند په خطر کې ندی.

په لوستل شوي پیغام کې راغلي: “تاسې شاید اوریدلي وي، چې امریکا شاوخوا ۱۴ زره افغان کډوال له خپل هېواده شړي. دا ټول افغانان او زمونږ وروڼه دي. پر ورین تندي له هغو هرکلی کوو. دوی دې پخیر راشي. په افغانستان کې د کار او ژوند لپاره غوره شرایط رامنځته شوي. د هر چا ژوند او مال خوندي دی. د هیچا لپاره خطر نشته. د عمومي بخښنې په نظر کې نیولو سره له هیڅوک د پخوانۍ دندې پر دلیل نه پوښتل کیږي.”

د دې وزارت د پیغام له مخې؛ د هند مرستې د ۵ زره راستنېدونکو او مستحقو اشخاصو لپاره تر وېش لاندې دي.

د کډوالو او راستنیدونکو چارو وزارت د څرګندونو له مخې؛ راستنېدونکي اوسمهال مرستې ته اړتیا لري او دوی له هغو هېوادونو څخه مننه کوي، چې مرسته کوي.

دغه راز د کډوالو او راستنېدونکو چارو وزارت مالي او اداري مرستیال کلیم الرحمن فاني ویلي: “هغه کسان، چې له بهر څخه هېواد ته راستنیږي دردېدلي او مستحق کسان دي. “مونږ غواړو له هر هغه چا څخه مننه وکړو، چې پدې برخه کې زمونږ سره مرسته کوي.”

د کابل ولایت د مهاجرینو چارو ریییس عبدالرحمن حبیب‌زي د مرستو د شفاف وېش ډاډ څرګند کړی او وایي، چې دا ریاست هڅه کوي د بېلابېلو مرستندویو ادارو مرستې منسجمې او مستحقو کورنیو ته ورسوي.

د نوموړي د څرګندونو له مخې، د راستنیدونکو لپاره به په ۳۱ ولایتونو کې ۵۸ ښارګوټي جوړ شي.

 ویل کیږي، چې د هند لخوا برابرې شوي دا مرستې ۱۱ قلمه بېلابېل خوراکي توکي لري.

Continue Reading
Advertisement

Trending

Copyright © 2025 Ariana News. All rights reserved!