تازه خبرونه
کابل ته د نغدي بشري مرستو د رالېږلو په اړه د اسلامي امارت څرګندونې ګمراه کوونکې دي – یوناما

یوناما یا په افغانستان کې د ملګرو ملتونو مرستندویه پلاوي د افغانستان بانک د اعلان په غبرګون کې ویلي، چې د نغدي ټولګې په اړه د ملګرو ملتونو له ټولنې پرته د نورو بنسټونو اعلانونه بې ګټې او ګمراه کوونکي دي.
د افغانستان بانک د شنبې پر ورځ د مرغومي ۲۴ په ډاګه کړې، چې افغانستان ته د ۴۰ میلیون دالرو یوه ټولګه را رسیدلې او په کابل کې یوه خصوصي سوداګریز بانک ته سپارل شوې ده.
له هغې وروسته، چې اسلامي امارت په نادولتي موسسو کې د ښځو پر کار کولو بندیز ولګاوه، کابل ته د مرستو رسولو لړۍ له یوې میاشتې راپدیخوا وځنډول شوه.
یو شمېر مرستندویه موسسو اعلان کړی، چې په افغانستان کې یې د ښځو د کار د بندېدو له کبله خپل فعالیتونه درولي دي.
یوناما وايي، چې د ملګرو ملتونو لخوا افغانستان ته رالېږل شوې نغدي مرستې د دغې ټولنې په حسابونو کې په ځانګړي یا خصوصي بانک کې ساتل کېږي او د ملګرو ملتونو د ادارې لخوا میلیونونه افغانانو ته د بشري مرستو په برخه کې کارول کېږي.
د ملګرو ملتونو سیاسي دفتر ټینګار کړی، چې افغانستان ته د نغدو پیسو د لېږد تر ټولو مهم لامل د ۲۰۲۱ کال له اګست میاشتې راپدیخوا د نړیوالو بانکونو په راکړه ورکړه او د نغدو د ستونزو په برخه کې د ګډوډۍ رامنځته کېدل دي.
یوناما له دې مخکې ویلي وه، چې د ۲۰۲۱ ز. کال له دسمبر راپدیخوا د دغې ټولنې او د هغې د شریکانو د فعالیتونو د پرمخ بیولو لپاره شاوخوا یو اعشاریه ۸ میلیارد دالره نغدي پیسې افغانستان ته رالېږدول شوې دي.
ملګري ملتونه او مرستندویه بنسټونه وايي، چې د افغانستان د اسلامي امارت لخوا د ښځو پر کار؛ بندیز د افغانستان خلکو ته د بشري مرستو رسولو ته زیان رسوي. دغو سازمانونو په پرلپسې توګه له اسلامي امارت څخه د ښځو پر کار او زدکړو د بندیز د لغوه کولو غوښتنه کړې؛ خو اسلامي امارت د نړیوالې ټولنې او ملګرو ملتونو په غبرګون کې ویلي، چې اسلامي شریعت نافذوي او نړیواله ټولنه باید اسلامي احکامو ته درناوی وکړي.
تازه خبرونه
نړیواله ټولنه باید افغانان هیر نکړي – د مهاجرینو وزیر

د کډوالو او راستنیدونکیو چارو وزیر په کابل کې پر اړمنو ښځو د مرستو د وېش په غونډه کې وویل، نړیواله ټولنه دې افغانان نههېروي او له بشري مسلو سره باید سیاسي معامله ونهکړي.
افغانستان د نړۍ د بېوزلو هېوادونو یو بېوزلی هېواد دی، د یو لړ څرګندونو له مخې ۲۸ میلیون کسان بشري مرستو ته اړتیا لري.
د کډوالو او راستنیدونکیو چارو وزیر خلیل الرحمن حقاني ویلي؛ اوس په افغانستان کې سوله راغلې او نړیواله ټولنه باید د افغانان کډوالو په راستنولو کې له دوی سره همکاري وکړي.
نوموړی زیاته کړې؛ اوس په ټول افغانستان کې سوله ټینګه شوې او نړیواله ټولنه باید کډوالۍ ته د افغانانو د کډوال کولو پر ځای افغانستان ته د افغان کډوالو په راستنولو کې له دوی سره همکاري وکړي.
په افغانستان کې ډېری کورنۍ له بېوزلۍ او فقر سره مخ دي. هر ځای د مرستندویو ټولنو د دفترونو مخې ته ښځې او نرینهوو کتارونه جوړ کړي دي.
ځيني کورنۍ وايي، چې د خپلو اولادونو د ګیډې مړولو توان نهلري او خپل ماشومان یې نورو ته سپارلي دي.
د ښځو لپاره د ښځو موسسې رییس فریدالدین نوري ویلي؛ که څه هم دغه مرستې د دې کورنیو ستونزې د لنډې مودې لپاره اوارولی شي؛ خو غوښتنې یې دا دي، چې د بېوزلۍ د له منځه وړلو لپاره بنسټيز کارونه وشي.
نړیوالو ټولنو پر وار وار په افغانستان کې د بشري وضعیت د خرابېدو په اړه خبرداری ورکړی؛ خو نړیوالې ټولنې اوس هم بشري ټولنو ته په افغانستان کې د اړمنو کسانو د پاملرنې لپاره لږې مالي سرچینې برابرې کړې دي.
تازه خبرونه
افغانستان او پاکستان د تګ راتګ د اسانتیا لپاره پر کاري ډلې جوړولو هوکړه وکړه

د افغانستان اسلامي امارت د بهرنیو چارو وزارت څرګنده کړې، چې د دواړو هېوادونو ترمنځ د وګړیو د تګ راتګ د اسانتیا لپاره به د دغه وزارت قونسلي ریاست او په کابل کې د پاکستان سفارت تر منځ یوه ګډه کمیته جوړه شي.
د دغه وزارت د معلوماتو له مخې؛ د دې کمیتې د جوړېدو هوکړه د شنبې پر ورځ ( د غبرګولي ۶ ) د افغانستان د بهرنیو چارو د وزیر امیرخان متقي او په کابل کې د پاکستان سفارت د چارسمبالي عبیدالرحمن نظاماني ترمنځ په کتنه کې وشوه.
د بهرنيو چارو وزارت د ویاند مرستيال حافظ ضياء احمد تکل څرګنده کړی، چې د اسلامي امارت د بهرنيو چارو وزير پر غوښتنه او ټينګار د دغې کمیتې پر جوړېدو هوکړه شوې ده.
حافظ ضیا احمد تکل په ډاګه کړې: د پاکستان سفارت چارسمبالي د هغو پاکستانيو محصلینو لپاره، چې افغانستان ته د زدهکړو لپاره راځي؛ د ویزې د وخت غزولو غوښتنه وکړه.
د بهرنیو چارو وزارت د ویاند مرستیال د څرګندونو له مخې؛ متقي په دې برخه کې د اسلامي امارت له همکارۍ ډاډ څرګند کړ.
ویل کیږي، چې د دواړو هېوادونو تر منځ پر ګنو نورو دوه اړخیزو مسایلو هم خبرې شوي او د متقابلو اغېزمنو همکاریو پر دوام ټینګار شوی دی.
تازه خبرونه
د رښتر پر کچه ۵ اعشاریه ۲ درجې زلزلې افغانستان ولړزاوه

د امریکا د ځمکپوهنې ادارې په ډاګه کړې؛ د یکشنبې پر ورځ ۱۰:۱۹ د افغانستان په شمال ختیځ کې د رښتر پر کچه ۵ اعشاریه ۲ درجې زلزله رامنځته شوه، چې مرکز یې د جرم ولسوالۍ سهیل ختیځ لوري ته په ۳۶ کیلومترۍ کې دی.
د زلزلې ټکانونه د هند، پاکستان او جنوبي تاجکستان په ګډون په ټوله سیمه کې احساس شوي دي.
تر اوسه د زلزلې له کبله د ځاني او مالي زیان په اړه راپورونه ورکړ شوي نهدي.
-
روغتيا4 days ago
د افغانستان د روغتیايي خدمتونو لپاره نږدې ۵۰۰ میلیون دالرو ته اړتیا ده – اوچا
-
سیمه ییز خبرونه2 days ago
په ایران کې نیول شوی بلجیمي مرستندویه د بندیانو په تبادله کې خوشې شو
-
سیمه ییز خبرونه1 day ago
په پاکستان کې ځانمرګي بریدکوونکي ۲۱ امنیتي ځواکونو ته مرګ و ژوبله واړوله
-
سیمه ییز خبرونه4 days ago
ایران د خپل نوي بالستیک توغندي مخکتنه وکړه
-
تازه خبرونه5 days ago
اسلامي امارت په بهرنیو بنسټونو کې د ښځو کاري دستورالعمل وروستي کېدو ته نږدې کړی
-
سوداگري5 days ago
د کابل او چین تر منځ د آریانا الوتنې بیا پیل شوې
-
روغتيا5 days ago
اروپايي ټولنې له افغانستان سره د ۹۸ ټنو درملو او طبي توکو مرسته وکړه
-
تازه خبرونه2 days ago
هرات موزیم د تاریخي آثارو د معیاري ساتنې له ودانۍ پرته ۱۰۰ کلن شو