تازه خبرونه
کابل ته د نغدي بشري مرستو د رالېږلو په اړه د اسلامي امارت څرګندونې ګمراه کوونکې دي – یوناما

یوناما یا په افغانستان کې د ملګرو ملتونو مرستندویه پلاوي د افغانستان بانک د اعلان په غبرګون کې ویلي، چې د نغدي ټولګې په اړه د ملګرو ملتونو له ټولنې پرته د نورو بنسټونو اعلانونه بې ګټې او ګمراه کوونکي دي.
د افغانستان بانک د شنبې پر ورځ د مرغومي ۲۴ په ډاګه کړې، چې افغانستان ته د ۴۰ میلیون دالرو یوه ټولګه را رسیدلې او په کابل کې یوه خصوصي سوداګریز بانک ته سپارل شوې ده.
له هغې وروسته، چې اسلامي امارت په نادولتي موسسو کې د ښځو پر کار کولو بندیز ولګاوه، کابل ته د مرستو رسولو لړۍ له یوې میاشتې راپدیخوا وځنډول شوه.
یو شمېر مرستندویه موسسو اعلان کړی، چې په افغانستان کې یې د ښځو د کار د بندېدو له کبله خپل فعالیتونه درولي دي.
یوناما وايي، چې د ملګرو ملتونو لخوا افغانستان ته رالېږل شوې نغدي مرستې د دغې ټولنې په حسابونو کې په ځانګړي یا خصوصي بانک کې ساتل کېږي او د ملګرو ملتونو د ادارې لخوا میلیونونه افغانانو ته د بشري مرستو په برخه کې کارول کېږي.
د ملګرو ملتونو سیاسي دفتر ټینګار کړی، چې افغانستان ته د نغدو پیسو د لېږد تر ټولو مهم لامل د ۲۰۲۱ کال له اګست میاشتې راپدیخوا د نړیوالو بانکونو په راکړه ورکړه او د نغدو د ستونزو په برخه کې د ګډوډۍ رامنځته کېدل دي.
یوناما له دې مخکې ویلي وه، چې د ۲۰۲۱ ز. کال له دسمبر راپدیخوا د دغې ټولنې او د هغې د شریکانو د فعالیتونو د پرمخ بیولو لپاره شاوخوا یو اعشاریه ۸ میلیارد دالره نغدي پیسې افغانستان ته رالېږدول شوې دي.
ملګري ملتونه او مرستندویه بنسټونه وايي، چې د افغانستان د اسلامي امارت لخوا د ښځو پر کار؛ بندیز د افغانستان خلکو ته د بشري مرستو رسولو ته زیان رسوي. دغو سازمانونو په پرلپسې توګه له اسلامي امارت څخه د ښځو پر کار او زدکړو د بندیز د لغوه کولو غوښتنه کړې؛ خو اسلامي امارت د نړیوالې ټولنې او ملګرو ملتونو په غبرګون کې ویلي، چې اسلامي شریعت نافذوي او نړیواله ټولنه باید اسلامي احکامو ته درناوی وکړي.
تازه خبرونه
د نړیوالې جنایي محکمې حکمونه د اسلامي امارت مذهبي دریځ اغېزمنولی نشي – ذبیح الله مجاهد
د اسلامي امارت ویاند په یوه غږیزه څرګندونه کې ویلي: “مونږ د نړیوالې جنایي محکمې پر نوم اداره نه پېژنو او نه هم مونږ د هغې د حکمونو منلو ته اړ یوو.”

ذبیح الله مجاهد د اسلامي امارت د مشر او قاضي القضات د نیولو په اړه د هاګ نړیوالې جنایي محکمې د راپور د خپرېدو په غبرګون کې ويلي، چې دا ډول حکمونه د اسلامي امارت پر” اراده او مذهبي دریځ” اغېزه نشي کولی.
د اسلامي امارت ویاند په یوه غږیزه څرګندونه کې ویلي: “مونږ د نړیوالې جنایي محکمې پر نوم اداره نه پېژنو او نه هم مونږ د هغې د حکمونو منلو ته اړ یوو.”
مجاهد زیاته کړې، چې په غزه کې د فلسطینیانو نسل وژنه د اسرائیلو لخوا او د دې رژیم د ملاتړ کوونکو هېوادونو پر ملاتړ ترسره کیږي او هره ورځ سلګونه ماشومان او ښځې پرته له کوم دلیل څخه وژل کیږي.
د نوموړي د څرګندونو له مخې؛ د نړیوالې جنایي محکمې لخوا د بشري حقونو شعار یوه “شرموونکې” موضوع ده.
په هاګ کې د جرمونو نړیوالې محکمې نن (سېشنبه) له “بشري حقونو د سرغړونې” پر تور د اسلامي امارت د رهبر هبةالله آخوندزاده او د قاضي القضات عبدالحکیم حقاني د نیولو امر صادر کړی دی.
تازه خبرونه
بیات بنیاد د هرات په اسلامکلا پوله کې زرګونو کډوالو ته مرستې ووېشلې
د بیات بنیاد لوی مشر احسان الله بیات ويلي، چې له ایران څخه راستنېدونکو کډوالو ته د دې بنیاد مرستې د پولې په صفري نقطه کې د خیمو ایښودل، د خوراکي توکو د بستو وېشل او د اسلامکلا له پولې څخه د زرګونو خلکو لېږدول رانغاړي.

بیات بنیاد ویلي، چې د هرات په اسلامکلا پوله کې یې زرګونو افغان کډوالو ته خوراکي او ناخوراکي مرستې وېشلې دي.
د بیات بنیاد لوی مشر احسان الله بیات ويلي، چې له ایران څخه راستنېدونکو کډوالو ته د دې بنیاد مرستې د پولې په صفري نقطه کې د خیمو ایښودل، د خوراکي توکو د بستو وېشل او د اسلامکلا له پولې څخه د زرګونو خلکو لېږدول رانغاړي.
احسان الله بیات ویلي: ” له ګاونډ هېواد څخه زمونږ د عزیزانو بېرته راستنېدل په داسې غمجن حالت کې د منلو وړ ندي. دوی باید دومره ځوریدلي نه وای. له همدې کبله زه د خپلې کورنۍ، بیات بنیاد پر استازیتوب او له افغان بېسیم شرکت سره پر همکارۍ هڅه کوو، چې د خپلو هېوادوالو دا بېرته کډوالي آسانه کړو.”
نوموړي زیاته کړې: “مونږ یو لړ ترتیبات د ټرانسپورټ، خوړو، اوبو او ځینو نورو توکو په ګډون، چې عزیزان (کډوال) مو ورته د تغذیې لپاره اړتیا لري؛ په پام کې نیولي او دا مرستې نورې هم پراخوو.”
بیات ټینګار کړې؛ دا همکاري د مهاجرو د لېږد رالېږد د بهیر د آسانه کولو پر موخه ترسره کیږي.
د نوموړي د څرګندونو له مخې؛ له ایران حخه راستنطدونکو ته دا امکانات نور هم براخیږی.
هغه ټینګار وکړ، چې د دې بنیاد د همکاريو موخه د مهاجرینو د لېږد آسانه کول او له ایران څخه راستنېدونکو مهاجرینو ته د آسانتیاوو برابرول دي.
احسان الله بیات وایي، چې په راتلونکو پړاوونو کې به د بیات بنیاد لخوا د همکارۍ د زیاتوالي هڅې روانې وساتل شي.
هغو کډوالو، چې د بیات بنیاد مرستې ترلاسه کړي؛ ترې خپل رضایت څرګندوي او غواړي، چې را بنیاد خپلې مرستې روانې وساتي.
تازه خبرونه
په ۱۴۰۴ کال کې د افغانستان نفوس ۳۶.۴ میلیون اټکل شوی
د دغه راپور له مخې، د دې نفوس ۵۱ سلنه نرینه او ۴۹ سلنه ښځینه دي.

د احصائې او معلوماتو ملي ادارې د څرګندونو له مخې؛ په ۱۴۰۴ لمریز لېږدیز کال کې د اټکلونو پر بنسټ د افغانستان نفوس شاوخوا ۳۶.۴ میلیون ته رسېدلی دی.
د دغه راپور له مخې، د دې نفوس ۵۱ سلنه نرینه او ۴۹ سلنه ښځینه دي.
د احصائې ادارې زیاته کړې، چې د هېواد په ولایتونو کې کابل تر ټولو ډېر نفوس لرونکی ولایت دی، چې د اټکلونو له مخې؛ په کې شاوخوا ۶.۱ میلیون خلک ژوند کوي.
دا اټکلونه په ټولنیزو خدماتو، اقتصادي پراختیا، عامې روغتیا او تعلیمي سکټورونو کې بنسټیز رول لري، چې د پالیسۍ جوړولو او ملي سرچینو د تخصیص بنسټ ګڼل کیږي.
-
تازه خبرونه3 days ago
له افغانستان وتل مو د تاریخ له شرمه ډکه شېبه وه – ټرمپ
-
تازه خبرونه3 days ago
د محرم لسمه د امن په فضا کې ترسره شوه
-
تازه خبرونه3 days ago
په تېرو ۱۰۰ ورځو کې د دوغارون له لارې ۴۹۰ زره افغانان ستانه شول
-
تازه خبرونه4 days ago
په غزني کې د سلطان بند د ساتنې او څارنې پروژه پرانیستل شوه
-
تازه خبرونه3 days ago
د کونړ ولایت په لرې پرتو ولسوالیو کې پر ۳۵ پرمختیایي پروژو کار پیل شو
-
تازه خبرونه2 days ago
په ټګزاس کې د سیلابونو له کبله د مړو شمېر ۷۸ کسانو ته ورسېد
-
تازه خبرونه2 days ago
په اسلام آباد کې د افغانانو په ګډون د ویزو د جعل کارۍ یوه ډله ونیول شوه
-
تازه خبرونه2 days ago
د چین یو خصوصي شرکت په بېلابېلو ولایتونو کې ګډ بازارونه، لارې او صنعتي پارکونه جوړوي