Connect with us

تازه خبرونه

کابل ښاریان په یوه ورځ کې درې چاودنو اندېښمن کړل

خپور شوی

د

(Last Updated On: مرغومی ۳۰, ۱۳۹۹)

کابل ښاریان نن (دوشنبه د مرغومي ۲۹) د ښار په ۳، ۶ او ۱۱ ناحیو کې د نښلیدونکیو ماینونو درې چاودنو اندېښمن کړي دي.

یو نښلیدونکی ماین د کابل په درېیمه امنیتې حوزه کې د اترا د کارمندانو پر موټر چاودېدلی، چې ورپسې د ولسمشر لومړی مرستیال ته نږدې د ابراهیم عاصم پر موټر د کابل د یوولسمې حوزې په اړوند سیمه کې وچاږدېد اودغه راز له غرمې وروسته هم پر یو کرولا موټر د چار کلا په اړوند سړک کې ماین چاودنه وشوه ، چې له کبله یې یو کس مړ او یو شمېر نور ټپیان شول.

د کابل په درېیمه ناحیه کې د ملي شورا پر سړک لومړی برید د اترا پر کارمندانو وشو، چې ځانتي زیان یې نه درلود.

د پېښې شاهد محمد سرور ویلي؛ هره ورځ وژنې دی، دا چارواکي له وخت تېرولو پرته نور څه کوي؟

د کابل بل اوسیدونکي فهیم توخي ویلي: زه دلته په کراچۍ سوپ پلورم. کله، چې نښلیدونکی ماین وچاودید؛ ورسره زما دغه سوپ پلورنځی هم ویجاړ شو.

دوه یمه چاودنه د کابل د خیر خانې په اړوند سیمه کې رامنځته شوه؛ د ولسي جرګې د غړي زلمي نوري د ورور او د ولسمشر د لومړی مرستیال امرالله صالح د نږدې کس ابراهیم عاصم پر موټر د یوولسمې   حوزې اړوند په نهضت کوڅه کې رامنځته شوې، چې ځاني زیان یې نه درلودل.

درېیمه چاودنه له غرمې وروسته ۴:۳۵ د چادهي د چار کلا په سړک کې پر یو شخصي کرولا موټر رامنځته شوې، چې یو کس یې وژلی او بل یې ټپي کړی دی.

په پلازمېنه او نورو لویو ښارونو کې د ډېریدونکيو ناامنیو، چاودنو او وژنو سره همهاله د پاسپورټ د ترلاسه کولو او افغانستان پریښودو لپاره یو ځل بیا اوږدې لیکې او قطارونه جوړ شوي دي.

د پکتیا اوسیدونکی مومن نومی وایي: امنیت او کاروبار نشته؛ هره ورځ وژنې دي او غواړم بهرنیو هیوادونو ته ولاړ شم.

د کابل اوسيدونکې ثريا هم له امنیتي وضعیته اندېښمنه ده او څرګندوي: ناامني زياته شوې ده. زما کورنۍ ډېره اندېښمنه ​​ده او مونږ هم پوهنتون ته ځو؛ خو وېرېږو، چې پر پوهنتون به بيا بريد وشي.

د موخه ییزو وژنو د ډېریدو په غبرګون کې د ولسمشر لومړي مرستیال او د کابل امنیتي مسوول امرالله صالح ویلي؛ نیول شوي طالبان باید اعدام شي، چې طالبانو ته درس ورکړشي؛ خو طالبانو د نوموړي د څرګندونو په ځواب کې ويلي؛ که طالب بندیان اعدام شي، غبرګون به مو بیا بل ډول وي.

که څه هم د ولسمشر د لومړي مرستیال امرالله صالح د سهار د شپږنیمو بجو د ناستو بهیر د کابل د امنیت خوندي کولو لپاره هره ورځ روانې دي؛ خو کابل ښاریانو ويلي، چې امنیتي چارواکي باید ژر تر ژره په کابل کې د خرابېدونکي امنیتي وضعیت د څارنې لپاره عملي کړنې تر سره کړي.

تازه خبرونه

په هند کې د افغانستان سفارت رسماً خپل فعالیتونه وځنډول

Published

on

(Last Updated On: تله ۹, ۱۴۰۲)

په هند کې د افغانستان سفارت اعلان کړی، چې د کوربه حکومت د نه ملاتړ له کبله به له یکشنبې ( د تلې ۹ / د اکتوبر لومړۍ) څخه د دغه سفارت فعالیتونه ودرول شي.

یاد سفارت د شنبې پر ورځ په یوه اعلامیه کې څرګنده کړې، چې دوی د افغانستان او خپلو اتباعو د ګټو د خوندي کولو لپاره د اړتیاوو او غوښتنو په پوره کولو کې خپلې نیمګړتیاوې مني، چې لامل یې په هند کې د دیپلوماټیک ملاتړ او په کابل کې د قانوني فعال حکومت نه‌شتوالی دی.

سربېره پر دې دا سفارت د پرسونل او منابعو کمښت د تړل کیدو لامل بولي.

په هند کې د افغانستان سفارت ویلي، چې افغان وګړیو ته به د قونسلګرۍ عاجل خدمتونه تر هغې روان وي، چې استازیتوب یې کوربه هېواد ته نه وي سپارل شوی.

سفارت هم د دیپلوماتیکو کارکوونکیو تر منځ د شخړو یا داخلي شخړو تورونه رد کړي دي.

د دغه سفارت په اعلاميه کې دا هم راغلي، چې په هند کې د افغانستان د کونسلګرۍ فعاليتونه، چې په خپلواکه توګه ترسره کېږي، د ديپلوماتيک ماموريت له اصولو سره په ټکر کې دي.

Continue Reading

تازه خبرونه

افغان میرمنو ته د زده‌کړو او کار امکانات برابر کړئ – رینا امیري

Published

on

(Last Updated On: تله ۸, ۱۴۰۲)

د افغانستان د ښځو او بشري حقونو لپاره د امریکا ځانګړې استازې رینا امیري ټینګار کړی، چې نړیواله ټولنه باید د اسلامي امارت د محدودیتونو د مخنیوي لپاره ښځو ته د زدهکړو، تحصیلي بورسونو او کار زمینه برابره کړي.

رینا امیري د شنبې پر ورځ په ایکس چینل کې له خپلو همکارانو او افغان فعالانو سره د تېرې میاشتې د لیدنو په اړه څرګنده کړې، چې ښايي په افغانستان کې د “ویجاړونکي” وضعیت د ښه کولو لپاره لارې چارې توپیر ولري؛ خو هغه کسان، چې د بشري حقونو د خوندیتوب په لټه کې دي باید مدني فضا رامنځته کړي. خبرې اترې او زغم، چې دوی یې هیله لري په افغانستان کې رامنځته او وځلوي.

هغې څرګنده کړې: مونږ باید په ټولیزه توګه طالبانو (اسلامي امارت) ته دا روښانه کړو، چې که څه هم مونږ د ویجاړونکي وضعیت د ښه کولو هڅه کوو؛ خو د روان حالت په ښه ‌کېدو کې به پرمختګ تر هغې رانه‌شي، چې هغوی د افغانانو حقونو ته درناوی ونه‌کړي.

نوموړې زیاته کړې: مونږ باید د افغانانو په ځانګړي توګه له ښځو څخه د ملاتړ په برخه کې خپل بیانونه د طالبانو (اسلامي امارت) له افراطي او ظالمانه کړنو سره د مقابلې لپاره د زده‌کړو، تحصیلي بورسونو، کار او نورو وسایلو د برابرولو لپاره، چې له زمونږ له غوښتنو سره مطابقت ولري؛ پخپلو سرچینو سمبال کړو.

رینا اميري ويلي، چې د ملګرو ملتونو په عمومي ناسته کې څو لوړپوړې ناستې ترسره شوې، چې يوه يې په افغانستان کې د ښځو د حقونو په اړه د وزيرانو پر کچه غونډه وه.

هغه وایي؛ پیغام مو روښانه دی: که طالبان (اسلامي امارت) د افغانانو حقونو ته درناوی ونه‌کړي او د ټولنې نیمايي وګړي حذف کړي؛ د نړیوالې ټولنې د یوې برخې کیدو تمه هم نه‌شي کولی.

دغه راز څرګندوي، چې د ملګرو ملتونو د عمومي ناستې په څنډه کې یې د مسلمانو هېوادونو له استازو سره په کتنه کې هوکړه کړې، چې د طالبانو (اسلامي امارت) ظالمانه تګلارې په ځانګړي توګه د ښځو او نجونو پر وړاندې؛ د افغانستان او نړۍ لپاره ویجاړوونکې او ښې نه‌دي.

هغې زیاته کړې: مونږ هوکړه وکړه، چې باید د افغانستان د ښځو او نجونو په اړه نړیوال پیوستون وساتو او د دیپلوماتیکو او کوټلو هڅو له لارې په افغانستان کې دننه او بهر له افغان میرمنو او نجونو ملاتړ روان وساتو.

دا په داسې حال کې ده، چې اسلامي امارت د شریعت په چوکاټ کې د ښځو د تعلیم او کار کولو د حقونو په ګډون د بشري حقونو درناوي ته خپله ژمنتیا تل ښکاره کړې ده.

 

Continue Reading

تازه خبرونه

په افغانستان کې د ټولګډونه حکومت په جوړولو کې پرمختګ نه‌دی شوی – اعلامیه

Published

on

(Last Updated On: تله ۸, ۱۴۰۲)

د روسیې په کازان ښار کې د مسکو غونډې ګډونوالو په یوه اعلامیه کې څرګنده کړې؛ په افغانستان کې یو داسې رښتینی ټولګډونه حکومت رامنځته شوی نه‌دی، چې د هېواد د ټولو توکمونو او سیاسي ډلو ګټې وځلوي.

په دې اعلاميه کې، چې د روسيې بهرنيو چارو وزارت خپره کړې راغلي: د کابل په اداره کې د بېلابېلو افغان توکمونو د انفرادي استازو له ټاکل کېدو سره – سره ګوندي سياسي کثرت نه‌ليدل کیږي.

دوی له اسلامي امارت څخه غوښتنه کړې، چې د سولې بهیر د بشپړېدو او له پراخو، هراړخیزو، ځواب‌ویونکیو او مسوولو بنسټونو سره د متوازن حکومت د رامنځته کولو لپاره د سیاسي او قومي ډلو له استازو سره عملي او پایله لرونکې خبرې اترې وکړي.

د دې غونډې ګډونوالو په افغانستان کې د کار، زده‌کړې او عدالت د مساوي حقونو په ګډون د جنسیت، توکم او مذهب له تبعیض پرته د بنسټیزو حقونو او آزادیو د درناوي په اړه خبرې وشوې او د ښځو د کار او د نجونو د زده‌کړې پر محدودیتونو یې د اندېښنې ترڅنګ ټینګار هم څرګند کړ.

دوی له اسلامي امارته وغوښتل، چې په ښوونځیو کې د نړیوالو معیارونو سره سم عصري زده‌کړې اجازه ور کړي.

د دې غونډې ګډونوالو د داعش په ګډون د ترهګرو ډلو د فعالیتونو د زیاتوالي له کبله په افغانستان کې د سخت امنیتي وضعیت په اړه هم اندېښنه څرګنده کړه.

دوی د داعش پر وړاندې د جدي مبارزې له کبله د اوسني افغان چارواکو ستاینه وکړه او له هغوی یې وغوښتل، چې د نورو ترهګرو ډلو پر وړاندې هم همداسې وکړي.

دوی د افغانستان له اوسنیو چارواکو وغوښتل، چې په افغانستان کې د هر ډول ترهګرو ډلو د ځالې د له منځه وړلو او مخنیوي لپاره هڅې وکړي او د سیمې هېوادونو ته یې د خپرېدو مخه ونیسي.

د غونډې برخه‌والو دغه راز په افغانستان کې د کوکنارو د کښت د کمښت په اړه د اوسنيو افغان مقاماتو د برياليو هڅو ستاینه کړې او د هغو راپورونو په اړه، چې د صنعتي نشه‌يي توکو د توليد په ګډون د نشه‌يي توکو زیاتوالی ښیي؛ پر مبارزه ټینګار څرګند کړی دی.

د اعلامیې پر بنسټ، د غونډې اکثرو ګډونوالو ویلي؛ له سیمې بهر له هېوادونو سره همکاري هغه مهال ممکنه ده، چې د امریکا په مشرۍ لویدیځ ائتلاف د افغانستان د شل کلنې جګړې د ویجاړیو د بیارغونې مسوولیت پر غاړه واخلي او د افغانستان ملي شتمنۍ آزادې او خپل یو اړخیز بندیزونه لرې کړي.

دوی همداراز د ګډو ګټو پر موضوعاتو د بحث لپاره د سیمه ییزو اړیکو ډلې د جوړولو له لارې د افغانستان په اړه د سیمه ییزو همکاریو د پیاوړتیا لپاره د ایران وړاندیز ته هم نغوته وکړه.

د افغانستان په اړه د مسکو مشورتي ناسته د جمعې پر ورځ د چین، هند، ایران، قزاقستان، قرغزستان، پاکستان، روسیې، ترکمنستان او ازبکستان د ځانګړيو استازو او لوړ پوړیو چارواکو پر کچه جوړه شوه. په دې کتنه کې د افغانستان د بهرنیو چارو وزارت چارسمبالي هم حضور درلود. په دې مراسمو کې د سعودي عربستان، قطر، عربي متحده اماراتو او ترکیې استازو د معززو میلمنو په توګه حضور درلود.

Continue Reading

Trending

Copyright © 2022 Ariana News. All rights reserved!