Connect with us

لوبی

کرکټ ملي لوبدلې د ۳۶ منډو پر توپیر نیډرلینډ له ماتې سره مخ کړ

خپور شوی

 په

(Last Updated On: سلواغه ۲, ۱۴۰۰)

د افغانستان کرکټ بورډ په ډاګه کړې، چې ملي لوبډلې تېره ورځ د سلواغې لومړۍ د ۳۶ منډ پر توپیر د  نیډرلیند ملي لوبډله له ماتې سره مخ کړه.

د کرکټ بورډ د څرګندونو له مخې؛ د افغانستان او نيدرلینډ ملي لوبډلې په دوحه کې د سوپر ليګ سياليو لوبلړۍ پیل کړه، چې د لومړنۍ سيالۍ بریا افغان ملي لوبډلې ته د لوبډلمشر حشمت الله شهیدي او رحمت شاه د غوره توپوهنې او د راشدخان، مجیب الرحمن او یمین احمدزي د غوره توپ اچونې په پایله کې پر برخه شوه.

د لوبې په پیل کې د نيدرلینډ کرکټ ملي لوبډلې پچه وګټله او لومړۍ توپ اچونه یې پیل کړه چې په پایله کې یې د افغانستان کرکټ ملي لوبډلې له لوري په ټاکلو ۵۰ آورونو کې سیالې لوبډلې ته د ۲۲۳ منډو هدف وټاکل شو.

د افغان اتلانو له لوري لوبډلمشر حشمت الله شهيدي ۷۳، رحمت شاه زرمتي ۷۰ او عثمان غني ۲۴ منډې جوړې کړې؛ خو د نيډرلينډ لوبډلې په ګټه برنډن ګلور درې او فريډ کلاسين دوه ويکټې ترلاسه کړې.

نيډرلينډ لوبډلې که څه هم ښه پيل درلود؛ خو د افغان ملي لوبډلې توپ اچوونکیو یې مخه ونیوله او ټاکلی هدف یې ترلاسه نکړ.

د نيډرلنډ په توپوهنه کې سکاټ اډورډز ۶۸ او لوبډلمشر پيټر سيلار ۳۲ منډې جوړې کړې.

په دې لوبه کې د افغانستان لپاره راشد خان درې، مجيب الرحمن او يمين احمدزي هر يوه ۲ ويکټې ترلاسه کړې او افغان لوبډلمشر حشمت الله شهيدي په ۷۳ منډو جوړولو د يادې سيالۍ غوره لوبغاړی ونومول شو.

د یادونې وړ ده، چې د افغانستان کرکټ ملي لوبډله به له نيډرلنډ ملي لوبډلې سره خپله دوه يمه لوبه د یکشنبې پر ورځ د غرمې ۱۱:۳۰ ترسره کړي.

لوبی

زمبابوی ته د سفر لپاره د افغان کرکټ لوبډلو نوملړ په ډاګه شو

خپور شوی

په

توسط

(Last Updated On: غبرګولى ۳, ۱۴۰۱)

د افغانستان کرکټ بورډ غوراوي کمیټې د زمبابوې پر وړاندې د درې یو ورځنیو او درې شل آوریزو لوبو لپاره د ملي لوبغاړیو نوملړ اعلان کړ.

ټاکل شوې دغه لوبې به د غبرګولي پر ۱۴ پیل او تر ۲۴ به روانې وي.

د افغانستان کرکټ بورډ څرګنده کړې، چې د یو ورځنیو نړیوالو سیالیو لپاره په دغه نوملړ کې رحمان الله ګوربز، ریاض حسن، ابراهیم ځدراڼ، حشمت الله شهیدي (روزونکی)، رحمت شاه، نجیب الله ځدراڼ، شاهد کمال، اکرام علي خېل او محمد نبي شامل دي. عظمت الله عمرزی، راشد خان، مجیب الرحمن، ضیاء الرحمن اکبر، فضل الحق فاروقي، فرید ملک او یامین احمدزی هم په پام کې نیول شوي، چې پر دې سربېره نور احمد او نجات مسعود هم د احتیاطي لوبغاړیو په نوملړ کې شته دي.

همدارنګه د شل آوریزو سیالیو په نوملړ کې رحمان الله ګوربز د (ویکټ کیپر) په توګه، حضرت الله ځاځی، عثمان غنی، احسان الله جنت، نجیب الله ځدراڼ، دروېش رسولی، کریم جنت، محمد نبی (روزونکی)، عظمت الله عمرزی، شرف الدین اشرف شامل دي. افسر ځاځی، راشد خان، نور احمد، فضل فاروقي، فرید ملک او نجات مسعود شامل دي. په داسې حال کې، چې سید احمد شېرزاد او ظاهر خان په احتیاطي نوملړ کې دي.

افغان لوبغاړي، چې دا مهال په هېواد کې دننه تمرین کوي، د جون پر ۴، ۶ او ۹ به د زمبابوی پر وړاندې په یو ورځنیو نړیوالو لوبو کې لوبېږي. په داسې حال کې، چې د جون پر ۱۱، ۱۲ او ۱۴ نېټه به د زمبابوی پر وړاندې د ۲۰ آوریزو لوبو په لړ کې میدان ته ننوځي.

د افغانستان کرکټ بورډ په ډاګه کوي؛ د دغو سیالیو د لړۍ یو ورځنۍ لوبې د ۲۰۲۳ کال نړیوال جام ته د غوراوي لوبو یوه برخه ده او راتلونکي نړیوال جام ته د بشپړ چمتووالي پر موخه د ۲۰ آوریزو لوبو لړۍ ده او د یادو لوبو په درجه بندۍ کې شامل دي.

د افغانستان کرکټ بورډ زیاته کړې، چې د زمبابوی پر وړاندې به ټولې یادې لوبې د پلازمېنې په هراري لوبغالي کې ترسره شي، چې یو ورځنۍ سیالۍ به د افغانستان پر وخت شاوخوا ۱۱:۴۵ پیل شي او دغه ۲۰ آوریزه نړیواله سیالۍ به د افغانستان پر وخت په ۳:۳۰ بجو پیل شي.

Continue Reading

لوبی

هندوکش د زرغون افغانستان د یو ورځني جام اتلولي وګټله

خپور شوی

په

توسط

(Last Updated On: غویی ۳۱, ۱۴۰۱)

د جمعې پر ورځ د خوست په کرکټ لوبغالي کې هندوکش له پامیر لوبډلې څخه د زرغون افغاستان د یو ورځنیو سیالیو اتلولي وګټله.

د لوبې د پچې له ګټلو وروسته پامیر لوبډلې په ۳۹ آورونو کې د ۴ لوبغاړیو پر سوځېدو ۱۷۲ منډې جوړې کړې.

د هندوکش ته ابراهیم ځدراڼ ۶۰ او بهیر شاه ۵۵ منډې جوړې کړې.

د پامیرته سمیع الله شینواري ۵۵ ناسوځېدلې منډې وکړې، ورپسې ګلبدین نایب ۴۴ منډې جوړې کړې، نایب هم درې لوبغاړي وسوځول، چې په دغه لوبه کې تر ټولو زیاتې منډې جوړونکي لوبغاړي دي.

د زرغون افغانستان د سیالیو په پایلوبه کې په زرګونه د کرکټ مینه والو ګډون کړی و.

د لومړي وزیر مرستیال عبدالسلام حنفي په شمول د افغانستان اسلامي امارت لوړپوړیو چارواکو هم ګډون درلود.

مولوي عبدالسلام حنیفي ویلي، چې اسلامي امارت په هېواد کې د ټولو ورزشکارانو لپاره په هره برخه کې لازمې آسانتیاوې برابرې کړي او د دوی د هڅونې او روزنې په برخه کې به لا ډېره پاملرنه وشي.

د زرغون افغانستان يو ورځنۍ سيالۍ د غويی پر اتمه پيل شوي، چې د ميوند په ګډون درې لوبډلو په کې برخه لرله.

ټولټال اووه لوبې په ۱۲ ورځو کې ترسره شوې دي.

دغو لوبډلو د ملي کچې ټول موجود لوبغاړي په ګوته کړل؛ ځکه، چې دوی راتلونکیو نړیوالو لوبو ته چمتو کوي

Continue Reading

لوبی

کرکټ ملي لوبډله شل آوریزو لوبو ته چمتووالی نیسي

خپور شوی

په

توسط

(Last Updated On: غویی ۲۹, ۱۴۰۱)

د افغانستان کرکټ بورډ د پنجشنبې پر ورځ په ډاګه کړې، چې د افغانستان کرکټ ملي لوبډله به د اګست له ۹ څخه تر ۱۷ پورې ایرلنډ ته سفر وکړي او سیالۍ به یې په سټورمونټ لوبغالي کې ترسره شي.

د یاد بورډ اجرائیوي مشر نصیب خان ویلي: افغانستان له یوې لسیزې راپدیخوا له ایرلینډ سره د لوبې کولو کافي تجربه لري او دا لوبه به د دواړو لوبډلو ترمنځ د ښې سیالۍ بڼه خپله کړي.

هغه زیاتوي: دغه راز مونږ په نږدې راتلونکي کې له ایرلینډ سره یوه ټیسټ او درې یو ورځنیو لوبې ترسره کیږي.

افغانستان وروستی ځل د ۲۰۲۱ کال د مارچ په میاشت کې د هند په ګریټر نودا کې له ایرلنډ سره د شل آوریزو لوبو لړۍ ترسره کړه او افغانستان د درې لوبو لړۍ ۲-۱ وګټله.

د افغانستان او ایرلنډ ترمنځ د شل آوریزو لوبو لړۍ:

د اګسټ پر ۹: افغانستان د ایرلینډ پر وړاندې، لومړۍ شل آوریزه لوبه په سټورمونټ لوبغالي کې تر سره کیږي.

د اګست پر ۱۱: افغانستان د ایرلنډ پر وړاندې دوه یمه شل آوریزه لوبه په سټورمونټ لوبغالي کې تر سره کیږي.

د اګست پر ۱۲: افغانستان د ایرلینډ په وړاندې درېیمه شل آوریزه لوبه کوي.

د اګست پر ۱۵: افغانستان د آیرلنډ پر وړاندې څلورمه شل آوریزه لوبه لري.

د اګست پر ۱۷: افغانستان او ایرلینډ، پېنځمه شل آوریزه لوبه تر سره کوي.

Continue Reading

Trending

Copyright © 2022 Ariana News. All rights reserved!