Connect with us

نړۍ

که روسیه پر اوکراین پوځي برید وکړي؛ بې ساري بندیزونه به پرې ولګول شي – اروپا

خپور شوی

 په

(Last Updated On: سلواغه ۵, ۱۴۰۰)

اروپايي ټولنې مسکو ته خبرداری ورکړی، چې که روسیه پر اوکراین د برید پرېکړه وکړي؛ نو له بې ساري اقتصادي بندیزونو سره به مخ شي.

د اروپايي ټولنې د بهرنیو چارو وزیرانو پرون ویلي، چې مسکو ته به یو ګډ خبرداری واستوي.

د ختيځ او لویديځ ترمنځ کړکېچ له هغې وروسته ډېر شو، چې روسيې له اوکراين سره په پوله کې زرګونه پوځيان ځای پر ځای کړل او ورسره دا وېره ډېره شوه، چې ښايي مسکو پر اوکراين برید وکړ؛ خو مسکو ویلي، چې پر کیف د برید پلان نلري.

د لیتوانیا د بهرنیو چارو وزیر ګابریلیوس لاینډبرګیس په بروکسل کې د اروپايي اتحادیې د بهرنیو چارو وزیرانو غونډې ته وویل: د روسیې د تاکتیکونو له پوهیدو سره باوري یم، چې د دوی یوه موخه د لویدیځ وېشل دي. دا هغه بریا ده، چې مونږ یې روسانو ته ورکولی نشو.

د ډنمارک د بهرنیو چارو وزیر ژپه کوفود خبریالانو ته ویلي: په دې کې شک نشته، چې که روسیه بیا پر اوکراین برید وکړي؛ مونږ چمتو یو، چې پرې بې ساري بندیزونه ولګوو.

ژپه کوفود ونه ویل، چې کومې برخې به یې تر بندیزونو لاندې راشي.

Advertisement

نړۍ

اوکراین باید پر رښتیاوو د پوهېدو لپاره له پوتین سره خبرې وکړي – زیلینسکي

خپور شوی

په

توسط

(Last Updated On: غبرګولى ۷, ۱۴۰۱)

د اوکراین ولسمشر ولادیمیر زیلینسکي د جمعې پر ورځ د غبرګولي ۶ / د می ۲۷ څرګنده کړې، چې اوکراین د روسیې له ولسمشر ولادیمیر پوتین سره خبرو ته لیواله ندی؛ خو د جګړې د پای ته رسولو لپاره دا کار اړین دی.

زیلینسکي وایي؛ واقعیتونه ښيي، چې د روسیې له مشر سره د خبرو لپاره یو څه شته. زه تاسې ته نه وایم، چې خلک مو له هغه سره خبرو کولو ته لیواله دي؛ خو مونږ باید له هغه واقعیتونو سره مخ شو، چې مونږ په کې اوسیږو.

هغه وایي: مونږ له دې ناستې څه غواړو… مونږ خپل ژوند بېرته غواړو… مونږ غواړو، چې په خپله خاوره کې د يوه خپلواک هېواد ژوند بېرته ترلاسه کړو.

هغه زياته کړې، چې روسيه تر اوسه د سولې جدي خبرو ته چمتو نه ښکاري.

Continue Reading

نړۍ

د وینې تویېدنې د مخنیوي لپاره مو روان لاریون ودراوه – عمران خان

خپور شوی

په

توسط

(Last Updated On: غبرګولى ۷, ۱۴۰۱)

د پاکستان د تحریک انصاف ګوند مشر او پخواني لومړي وزیر عمران خان د جمعې پر ورځ د معاملې د رامنځته کېدو راپورونه رد کړل او وایي، چې د لاریون درولو پرېکړه یې د وینې تویولو د مخنیوي لپاره  کړې ده.

هغه په ​​پېښور کې یوې خبري غونډې ته د وینا پر مهال څرګنده کړې، که له وخت مخکې ټاکنې اعلان ونشي؛ نو بیا به سړکونو ته راووځي.

هغه پر لاریونوالو د پولیسو پر برید خواشیني ښکاره کړه او حکومت یې تورن کړ، چې د پی ټي آی له پر نښه کولو دې لاس واخلي.

 عمران خان ویلي؛ له ما پوښتنه وشوه، چې ولې مو احتجاجي ناسته یا تحصن ونکړ. زه هغه سړی یم، چې ۱۲۶ ورځې مې تحصن وکړ. دا زما لپاره ستونزمنه نه ده، خو کله، چې زه ورسیدم زه له روان وضعیته خبر شوم […] زه پوهیدم، چې وینه به تویه شي.

عمران ویلي؛ چارواکو ته لارښوونه شوې وه، چې پر لاريون کوونکیو ډزې وکړي. خلکو د پولیسو “ترهګري” ولیده او هرڅوک جګړې ته چمتو و او خلک د دې ظلم له لیدو هم په غصه ول.

هغه وويل: د غصې پرمهال که ما تحصن کړې وای، زه ډاډه یم، چې وينې به بهېدې؛ ځکه د پوليسو د چارواکو پر وړاندې د کرکې احساس موجود و.

 د پي ټي آی مشر عمران خان دا هم ویلي؛ پولیس هم زموږ دي، دا د دوی ګناه نده. دا د حکومت سپارښتنه وه. که تاوتریخوالی روان وساتل شي، نو دا به په هېواد کې یوازې ګډوډي رامنځته کړي.

د نوموړي د څرګندونو له مخې؛ دا فکر مه کوئ، چې دا زمونږ ضعف دی او دا فکر مه کوئ، چې معامله شوې ده. زه عجیب شیان اورم، چې له حکومت سره معامله شوې ده. ما له هیچا سره معامله نده کړې.  

هغه دا هم څرګنده کړې، چې پي ټي آی به له “وارد شوي حکومت” سره خبرې اترې نکوي او مني یې هم نه.

هغه وایي: زه دا یو جهاد ګڼم. زه به د دې پر وړاندې تر هغې ودریږم، چې ژوندی یم.

 نوموړي یو ځل بیا حکومت ته د ټاکنو د وخت د اعلان لپاره شپږ ورځنی وخت ورکړ. که دوی په ښکاره توګه د ټاکنو یا د مجلسونو د لغو کولو نېټه اعلان نکړي؛ زه به بیا سړکونو ته راووځم. اجازه راکړئ، چې دا روښانه کړم؛ دا ځل به مونږ پوره چمتوو.

Continue Reading

نړۍ

روسیې د اوکراین په دونباس کې  پر۴۰ ښارګوټي بریدونه کړي

خپور شوی

په

توسط

(Last Updated On: غبرګولى ۵, ۱۴۰۱)

د اوکراین پوځ ویلي، روسي ځواکونو د اوکرایین په ختیځ دونباس سیمه کې له ۴۰ ډېر ښارګوټي بمبارد کړي او د نورو بریدونو ګواښ یې یې هم کړی دی.

د اوکراین له پلازمېنې کیف وروسته په دوه یم لوی ښار خارکوف کې له ناکامۍ وروسته روسیه هڅه کوي د دونباس بشپړ کنټرول ترلاسه کړي، چې بیلتون غوښتونکي یې د استازیتوب ادعا کوي.

روسیې په زرګونه پوځیان سیمې ته استولي او له درې لوریو یې د اوکراین د ځواکونو د محاصره کولو هڅه یې روانه ساتلې ده.

د اوکراین د وسلوالو ځواکونو د ګډ کاري ځواک په فیسبوک کې په ډاګه شوې، چې د دغو توغنديزو بریدونو په پایله کې پېنځه ملکي وګړي وژل شوي او ۱۲ نور ټپیان دي. دغو نیواکګرو په دونیتڅک او لوهانڅک سیمو کې له ۴۰ څخه زیات ښارګوټي بمبارد کړي، د ۳۸ کورونو او یوه ښوونځي په ګډون یې ۴۷ ملکي ځایونه ویجاړ کړي او یا هم زیانمن دي.

په خبرپاڼه کې راغلي، چې د دښمن ۱۰ بریدونه پر شا وتمبول شول، څلور ټانګونه او څلور بې پیلوټه الوتکې له منځه لاړې او د دښمن ۶۲ سرتېري ووژل شول.

د اوکراین ولسمشر ولادیمیر زیلینسکي ویلي، د ختیځ په ځینو برخو کې د روسي پوځیانو شمېر له مونږ څخه ډېر دی.

رویټرز ونه توانید په خپلواکه توګه د جګړې د ډګر راپورونه تائید کړي.

مسکو هڅه کوي په خپله خاوره کې خپله ولکه ټینګه کړي. ولسمشر ولادیمیر پوتین یو فرمان لاسلیک کړی، چې د نویو نیول شویو ولسوالیو د اوسیدونکیو لپاره د روسیې تابعیت او پاسپورت ترلاسه کولو پروسه ساده کړي.

د روسیې پارلمان د چارشنبې پر ورځ په اردو کې د قراردادي خدمت لپاره د عمر لوړ حد لغوه کړ او د ورک شوي سرتېرو پر ځای یې د نورو ځای پر ځای کولو اړتیا پر ګوته کړه.

زیلینسکي د روسیې پر تازه دمو سرتېرو په تبصره کې ویلي: (دوی) نور کافي ځوانان نلري، خو دوی اوس هم د جګړې اراده لري او د دې ارادې ماتول به وخت ونیسي.

زیلینسکي په روانه اوونۍ کې ویلي، چې شخړه یوازې د هغه او پوتین ترمنځ له مستقیمو خبرو اترو سره پای ته رسیدلی شي.

روسیه او اوکرایین په نړۍ کې د خوراکي توکو او سونتوکو له لویو تولیدوونکیو هېوادونو څخه دی، چې دمګړۍ یې اروپا په ځانګړي توګه بریتانیا له لو لړ بشري ستونزو سره مخ کړې ده.

دا په داسې حال کې ده، چې روسیه په اوکراین کې د اوکراین د بې وسلې کولو او له فاشیستانو څخه د هېواد ژغورل خپل ځانګړي عملیات بولي؛ خو اوکراین او لویدیځ ويلي، چې د فاشیست تورونه بې اساسه دي او دا جګړه یو بې بنسټه یرغل دی.

Continue Reading

Trending

Copyright © 2022 Ariana News. All rights reserved!