Connect with us

ساینس او ​​ټیکنالوژي

ګوګل د فیلیپین له ټاکنو مخکې د سیاسي اعلانونو مخه نیسي

Published

 on

(Last Updated On: ليندۍ ۱۰, ۱۴۰۰)

ګوګل د چارشنبې پر ورځ څرګنده کړې: د راتلونکي کال د می په میاشت کې به هغه مهال د فیلیپین د ټاکنو لپاره، چې د ولسمشر روډریګو ډوټرټي ځای ناستی ټاکي؛ پر سیاسي اعلانونو بندیز ولګوي. 

رویټرز راپور ورکړی، چې دا اقدام په داسې حال کې ترسره کیږي، چې په ۲۰۲۰ کې د امریکا د ولسمشرۍ ټاکنو پر سیاسي اعلاناتو هم فشار راوړل شو.

د ټولنیزو رسنیو پلیټ فارمونه په سویل ختیځه آسیا کې د سیاسي جګړو ډګر ګرځیدلی او څېړنې ښیي، چې فیلیپین په ټولنیزو رسنیو کې د لګول شوي وخت لپاره د نړۍ په کچه په درجه بندۍ کې لومړی ځای لري.

ګوګل د خپلې سیاسي منځپانګې پالیسۍ په تازه کولو کې ویلي، ټاکنیز اعلانونه، چې د کوم سیاسي ګوند یا د کوم شخص یا ګوند د عامه دفتر لپاره نوماندۍ ته وده ورکوي یا یې مخالفت کوي؛ د راتلونکي کال د فبرورۍ له ۸ څخه د می تر ۹ پورې به اجازه ونلري.

په فیلیپین کې د می تر ۹ نېټې پورې د ټاکیز کمپاین وخت دی.

ګوګل ویلي، چې د پالیسۍ تازه کولو په اړه به کسانو ته خبرتیاوې هم واستول شي.

ګوګل له دې مخکې په خپل پلیټ فارم کې سیاسي اعلانونه پر ۲۰۱۹  او ۲۰۲۰ کلونو په کاناډا سینګاپور منع کړي وه.

د ټولنیزو رسنیو پلیټ فارمونه لکه فیسبوک د ډوترټي ملاتړي و په پیاوړي کولو کې مرسته کړې او شنونکي یې د تېرو ټاکنو د بریا وسیله بولي.

فیلیپین به د ډوټرټي ځای ناستی وټاکي؛ ځکه، چې د اساسي قانون له مخې د بلې دورې اجازه نلري؛ کولی شي د سناتور څوکۍ غوره کړي.

ساینس او ​​ټیکنالوژي

وآتساپ خپلو کاروونکیو ته د نویو ځانګړتیاوو د وړاندې کولو هڅه پیل کړه

Published

on

(Last Updated On: زمری ۱۸, ۱۴۰۱)

د میتا شرکت مشر مارک زوکربرګ د سې شنبې پر ورځ ډاډ څرګند کړ، چې په وآتساپ کې به ډېر ژر نوې ځانګړتیاوې ښکاره شي.

د مارک زوکربرګ د څرګندونو له مخې؛ درې نوې ځانګړتیاوې به وآتساپ ته زیاتې شي، چې کاروونکي به وکولی شي له یوه ګروپ څخه ووځي او نور کاروونکي پرې پوه نشي او ورسره خپل انلاین سیستم وڅاري. درېیم دا، چې د سکرین شات د اخیستلو مخه به ونیول شي.

د یادو ځانګړتیاوو په مرسته تاسې کولی شئ خپل ګروپ وڅارئ، چې که وغواړئ له یوه ګروپ څخه ځان وباسئ؛ د ګروپ نور ملګري نه پوهیږي.

د اړوند معلوماتو له مخې، یوازې د ګروپ ادمین وکولی شي هغه کاروونکی، چې له ګروپ وځي وګوري.

همداراز د انلاین ښودلو اختیار به هم تاسې کنترول کړئ، چې که وغواړئ څوک مو وګوري انلاین یاست یا ځانونه پټ وښيئ او یا هم ځینې کسانو لپاره یې پټ او ځینو لپاره یې ښکاره کړئ.

پر دغو ځانګړنو سربېره د وآتساپ درېیمه ځانګړتیا د هغو انځورونو ده، چې د یو ځل لیږلو له لارې لیږل شوې وي؛ سکرین شاټ وانخیستل شي.

له دې لارې به د کاروونکیو د وآتساپ پیغامونه به مخامخ خبرو ته ورته خوندي او شخصي شي.

د سکرین شات بلاک کولو وسیله اوسمهال ازمول کیږي او ډېر ژر به کاروونکیو ته وړاندې شي.

Continue Reading

ساینس او ​​ټیکنالوژي

د فرانسې اوبو ته ورغلی سپین نهنګ له خواړو خوړلو ډډ‌ه کوي

Published

on

(Last Updated On: زمری ۱۸, ۱۴۰۱)

فرانسوي چاپېریال پوهان د فرانسې سین سیند ته د ورغلي سپین نهنګ د تغذیې پر لارو چارو غور پیل کړی، چې خواړو او بېرته ګرزېدو ته یې اړ کړي.

د AP د راپور له مخې؛ چاپېریال پوهان په خپلو هڅو کې ناکام شوي او هغه کبان نه خوري، چې ورته چمتو شوي دي.

د سمندري ساتونکیو ډلې د شنبې پر ورځ تویت کړی، چې زمونږ ډلې ټوله شپه له سپین نهنګ سره تېره کړه؛ خو هغه کبان نخوري، چې ورته په پام کې نیول شوي دي.

دغه سپین نهنګ د همدې اوونۍ په پیل کې ۷۰ کیلو متره لار وهلې او د لومړي ځل لپاره د فرانسې سیند ته رادننه او له خپل استوګنځي لرې شوی دی.

ساینس پوهانو تر اوسه دا نده ښودلې، چې آیا د هغه په ​​پوټکي کې د وړو ټوټو نښې نښانې د سمندر په تازه اوبو کې د لامبو وهلو طبیعي پېښه ده یا حیوان له کومې ناروغۍ سره مخ شوی دی.

سپین نهنګان تل یوازې د شمال قطب په سړو اوبو کې موندل کیږي. که څه هم دا نهنګان په مني کې سویل ته مهاجرت کوي؛ ډېر لږ له خپل طبیعي استوګنځي او سړو اوبو څخه لرې کیږي.

Continue Reading

ساینس او ​​ټیکنالوژي

د جیمز اوب خلایي تلسکوپ د کهکشان یو زړه راکښونکی انځورخپور کړ

Published

on

(Last Updated On: زمری ۱۲, ۱۴۰۱)

د جیمز اوب خلایي تلسکوپ د کهکشان یو داسې زړه راکښونکی کړه ییز انځور خپور کړی، چې له مونږ نږدې ۵۰۰ میلیون نوري کاله لرې موقعیت لري، چې د آسماني پژې یا مجسمې پر بڼه لیدل کیدی شي.

د کهکشان دغه اخیستل شوی انځور اوس نه یوازې مونږ ته د دې کهکشان ښکلا ښیي، بلکې په کې د میلیاردونو کلونو له بدلونونو هم ښکارندویي کوي.

جیمز اوب تر دې دمه بېلابېل انځورونه خپاره کړي؛ خو د دغه تلسکوپ دا نوی انځور د داسې یوه کهکشان دی، چې د نورو پر پرتله خورا ډېر بې ساری ښکاري.

دا کړه ییز کهکشان له یوې داسې چاودنې رامنځته شوی، چې له دوه کړه ییز جوړښته برخمن شوی دی. د ناسا د څرګندونو له مخې؛ دا جوړښت هغو څپو ته ورته دی، چې په یوه ډنډ کې د ډبرې له غورزولو رامنځته کیږي.

د کهکشان دننه برخه د ګرمو دوړو جوړه شوې ده او د کړۍ روښانه برخه د ځوانو ستورو کوربتوب کوي. بهرنۍ کړۍ په تېرو۴۴۰ میلیون کلونو کې د پراخېدو په حال کې ده، چې ستوري رامنځته او وده ورکړې.

د هابل خلایي تلسکوپ پخوا له کړه ییز کهکشان څخه انځور اخیستی و؛ خو اوس جیمز ویب ډېرنور څه په ډاګه کړي، چې دوړې په کې کولی شي د ځانګړیو سرو رڼاګانو مخه ونیسي. لر لید کیمره د ۰.۶ او ۵ مایکرون ترمنځ موجونه ثبتوي او دا معلومات کړه ییز کهکشان ته په نیلي، نارنجي او ژیړ رنګونو کې ښودل کیږي. د منځني کچې کیمرې معلومات هم د ۵ څخه تر ۲۸ مایکرون څپو کې ثبتیږي او سور رنګ خپلوي.

له کړه ییز کهکشان څخه د جیمز اوب لیدنه ښیي، چې دا کهکشان د لېږد په پړاو کې دی.

د پایلې په توګه وړاندویېنه کیږي، چې کړه ییز کهکشان به په راتلونکي کې نور هم پراخه شي او په میلیونونو کلونو کې به بېلابېلې بڼې خپلې کړي.

Continue Reading

Trending

Copyright © 2022 Ariana News. All rights reserved!