تازه خبرونه
اجرائیه رییس د امریکایي ځواکونو د وتلو احتمال تائیدوي
د افغانستان د ملي وحدت حکومت اجرئیه رییس عبدالله عبدالله له سي ان ان تلویزیوني شبکې سره په مرکه کې څرګنده کړې، چې د امریکایي ځواکونو د وتلو په اړه د امریکا د ولسمشر پرېکړه وروستۍ شوې نده؛ خو له افغانستان څخه د بهرنیو ځواکونو وتل به په بيړه او ناڅاپي نه وي.
په افغانستان کې څوارلس زره امریکایي سرتېري حضور لري؛ دا ځواکونه په ځینو پوځي عملیاتو کې له افغان ځواکونو سره همکار دي او روزنه هم ورکوي.
د اجرائیه رییس عبدالله عبدالله د څرګندونو له مخې؛ واشنګتن ډاډ ورکړی، چې په افغانستان کې د سولې تر ټینګښت پورې له کابل څخه خپل ملاتړ روان ساتي.
نوموړی وایي؛ څومره، چې مونږ پوهیږو، د بهرنیو ځواکونو وتل به په بیړه او ناڅاپي نه وي. د امریکا استازيو که ملکیان دي او که پوځیان مونږ ته ډاډ راکړی، چې له افغانستان سره به یې مرستې او اړیکې تر هغې روانې وی، چې په دې هېواد کې سوله نه وي راغلې.
اجرائیه رییس دا هم ویلي، چې د امریکایي ځواکونو حضور د سویلي آسیا له تګلارې او د افغانستان له امنیتي شرایطو سره تړلي دي.
څلور ورځې کیږي، چې طالب او امریکایي استازي له افغانستان څخه د بهرنیو ځواکونو د وتلو په تړاو سلا مشورې کوي؛ خو اجرائیه رییس په قطر کې له طالبانو سره د زلمي خلیلزاد د خبرو اترو پر جزئیاتو بې خبري ښیي.
ښاغلی عبدالله عبدالله وایي: کله، چې د سولې خبرو په تړاو خبرې کوو؛ نو دا خبرې به هغه مهال پیل شي، چې طالبان له افغان حکومت سره خبرو اترو ته چمتو شي. د امریکا ځانګړی استازی ښاغلی خلیلزاد له یوې مودې راپدیخوا ډېرې هڅې کوي؛ خو د هغه د دوحې د ناستې په تړاو ډېر نه یم خبر. هیله لرم، چې په دې برخه کې پرمختګونه شوي وي.
اجرائیه رییس له طالبانو او داعش سره د مبارزې لپاره د بهرنیو ځواکونو حضور یوه جدي اړتیا بولي او وایي؛ دا په دې معنا نده، چې په افغانستان کې امنیتي ننګونې پای ته رسیدلي او دا هم پدې معنا نده، چې په سیمه کې له نورو هېوادونو سره په اړیکو کې ستونزې نشته. مونږ باید له دې ستونزو سره په ګډه ځان مخامخ کړو.
مخکې ویل شوي وه، چې ولسمشر دونالد ترمپ غواړي له افغانستان څخه تر اوړي پورې خپل نیمایي عسکر وباسي، چې په اړه یې غور روان دی؛ خو وروسته سپینې ماڼۍ وویل، چې پدې تړاو هیڅ پرېکړه نده شوې.
تازه خبرونه
امیرخان متقي په کابل کې د ملګرو ملتونو له ۲۱ کسیز پلاوي سره وکتل
د بهرنیو چارو وزارت چارسمبالي امیرخان متقي د ملګرو ملتونو مالي او اداري مشورتي کمیټې له ۲۱ کسیز پلاوی سره، چې کابل ته د لومړیتوبونو د څېړلو لپاره راغلی؛ په کتنه کې ویلي: اسلامي امارت نهغواړي، چې افغانستان د ډېر وخت لپاره پر بشردوستانه مرستو تکیه وکړي او دا مرستې باید اوس پر کار، کورنیو تولیداتو او صنایعو ولګول شي.
د دغې کمیټې مشر بچار بونګ عبدالله له امیر خان متقي سره په خبرو کې ویلي، چې کابل ته د دوی د سفر موخه په افغانستان کې د یوناما د چارو ارزونه ده او دوی غواړي، چې د افغان لوري لومړیتوبونه وڅېړي او د ملګرو ملتونو عمومي ناستې ته یې وړاندې کړي.
امیرخان متقي د منځنۍ سوداګرۍ وده، پراختیایي پروژو ته پاملرنه، د کروندګرو لپاره د بدیل کښت برابرولو او په بشري مرستو پورې محدود نهپاتې کیدل مهم لومړیتوبونه وګڼل او څرګندوي، چې له څو کلنو جګړو او بې ثباتیو وروسته د ټاپي پروژې، کاسا -۱۰۰۰، افغان ټرانس اورګاډي پټلۍ سترو پرژو عملي کېدو ته زمینه برابره ده.
په دې اړه د بهرنیو چارو وزارت په خبرپاڼه کې رغلي: مرستې بايد په داسې ډول ولګول شي، چې خلکو ته کار پيدا شي، کورني توليدات او صنعت وده وکړي او افغانستان له خپلو بازارونو څخه خپلې اړتياوې پوره کړي او د افغانستان د خصوصي سکټور ملاتړ رامنځته شي. دغه راز د کروندګرو لپاره بدیل کښت برابر او د وړو کسبونو ملاتړ وشي.
د بهرنیو چارو وزارت چارسمبالي زیاته کړې؛ اسلامي امارت نه غواړي، چې په اوږدمهاله بشري مرستو تکیه وکړي، بلکې غواړي د افغانستان ملي اقتصاد پخپلو پښو ودریږي.
د دغې کمیټې غړیو په بېلا بېلو برخو کې د اسلامي امارت لاسته راوړنې وستایلې او څرګندوي، چې په پام کې لري د وضعیت د ارزونې لپاره د افغانستان یو شمېر ولایتونو ته هم سفر وکړي.
افغانستان ته د ملګرو ملتونو د دغه پلاوي سفر په داسې حال کې ترسره کېږي، چې په تېرو درې کلونو کې نړيوالو مرستندويه سازمانونو په افغانستان کې د بېوزلۍ د کچې د زياتوالي او پراخېدو او د مرستو لپاره د بودجې کموالي په اړه څو ځلې خبردارى ورکړى دی.
تازه خبرونه
په بدخشان ولایت کې ماین چاودنې ۸ کسانو ته مرګ او ژوبله اړولې
کورنیو چارو وزارت تائید کړې، چې په بدخشان ولایت کې د یوه نښلېدونکي ماین په چاودنه کې ۳ امنیتي سرتېري وژل شوي او ۵ نور ټپیان دي.
د کورنیو چارو وزارت ویاند عبدالمتین قانع وايي: له بده مرغه نن له غرمې مخکې شاوخوا ۱۱ بجې د بدخشان ولایت د فیضآباد ښار د جوزون په اړوند سیمه کې پر موټرسایکل نښلول شوي ماین چاودنه کړې ده.
د عبدالمتین قانع زیاته کړې؛ دغه ماين هغه مهال چاودنه وکړه، چې د پوليسو د موټرو یو کاروان له ياد سړک څخه د کوکنارو د کښت د له منځه وړلو لپاره له سیمې څخه د تېرېدو په حال کې و.
ده زياته کړې، چې دغه پېښه د پوليسو تر څېړنې لاندې ده.
تر اوسه کومې ډلې یا شخص د دې پېښې مسوولیت پر غاړه ندی اخیستی.
تازه خبرونه
د سې شنبې پر ورځ خراسان او سرخ پوشان لوبډلو لوبه وګټله
د سې شنبې پر ورځ ( د غویي اتلسمه) د افغانستان فوټبال اتلانو لیګ د سیالیو په پېنځه دېرشمه لوبه کې د خراسان فاریاب لوبډلې کابل استقلال لوبډلې ته ۱ د صفر پر توپیر ماتې ورکړه.
د خراسان فارياب لوبډلې لوبغاړي فريد احمد يو ګول وواهه او د ميدان غوره لوبغاړی ونومول شو.
دغه راز په شپږدېرشمه لوبه کې سرخ پوشان خوافې لوبغاړو سرسبز یاشلر لوبډلې ته ۴ پر۱ ماتې ورکړه.
حبيب الله هوتک او اميد رجبي د سرخپوشانو لوبغاړو ګولونه وکړل او حبيب الله هوتک هم وتوانېد، چې د ډګر د غوره لوبغاړي نوم خپل کړي.
د نن چارشنبه د ثور نولسمه د غرمې ۱:۳۰ ابو مسلم فراه او عدالت فراه او له غرمې وروسته ۳:۳۰ بجې میوند او جوانان واحدي لوبډلې سره مخ کېږي.
د يادونې ده، چې دغه سيالۍ له آريانا ټلويزيون څخه پر ژوندۍ بڼه خپرېږي.
-
تازه خبرونه3 days ago
په غور کې د سېلابونو له کبله سلګونه خلک بې ځایه شول
-
تازه خبرونه4 days ago
اسلامي امارت په بدخشان کې د اعتراضي لاريون د څېړلو لپاره یو پلاوي وټاکه
-
تازه خبرونه4 days ago
په افغانستان کې پر کوکنارو د بندیز له کبله کروندګرو خپل عاید له لاسه ورکړی – نړیوال بانک
-
تازه خبرونه3 days ago
د اسلامي همکاریو ټولنې سرمشریزې په افغانستان کې د نجونو پر زدهکړو ټینګار څرګند کړ
-
نړۍ3 days ago
اسرائیلي ځواکونو بیت المقدس ته نږدې د الجزیرې پر رسنیز دفتر چاپه ووهله
-
سوداگري4 days ago
د ترکمنستان د سوداګرو او صنایعو اتحادیې مشر هرات ته سفر وګړ
-
تازه خبرونه17 hours ago
د پاکستان خاوره د افغانستان پر ضد کارول کیږي
-
لوبی3 days ago
ابو مسلم فراه افسي میوند فوټبال لوبډلې ته ۹ پر ۱ ماتې ورکړه