تازه خبرونه
ارنچا: موږ هڅه کوو چې د افغانستان او سیمې لپاره ځانګړي پالیسۍ جوړه کړو
دوی زیاتوي چې په افغانستان کې بنسټیزه پانګونې د تر سره کید لپاره ظرفیت شته چې له دې سره به خلکو ته د کار زمینه برابره شي.
د سوداګرۍ د نړیوال مرکز چارواکې له اریانانیوز سره په یوه ځانګړي مرکه کې ووېل: په افغانستان کې په بنسټیزو پروژو پلی کولو لپاره کافی اندازه ظرفیت شتون لري چې په پلي کېدو به یې په سیمه کې بیکاري ختمه او اقتصادي تحرک به رامنځ ته شي. چې دا به لکه د ریل پټلي په برخه کې کاري زمینې، د بریښنا د انتقال په برخه کې، د ټاپي پروژې او داسې نورې برخې هم شته موږ د افغانستان له حکومت سره خپلو همکاریو ته دوام ورکوو او په دې برخه کې به حکومت ته پالیسي هم جوړي کړو.
نوموړې زیاتوي (ارنچا ګونزلیز) د سوداګرۍ د نړیوال مرکز رییسه.(موږ هڅه کوو چې د افغانستان او سیمې لپاره ځانګړي پالیسۍ جوړه کړو تر څو په سیمه او افغانستان کي د کار د رامنځ ته کولو لامل شي او له دې لارې مېرمنو او ځوانانو ته په افغانستان کې د کار زمینه برابره شي)
همداراز اغلي ګونزلیز زیاتو چې د افغانستان داقتصادي بنسټو نو د پانګونې لپاره ښې طرحې لري چې حکومت یی باید ملاتړ وکړي.
په ورته وخت کې د افغانستان د پانګوني او صنایعو عالی شورا مسولین وایی که له حکومت سره په اقتصادي برخه کې نړیوال سازمانونه همکاري وکړي اغیزه به یې مثبت وی.
همدا راز شبیر بشیري د پانکوڼي او صنایعو عالی شورا رییس عامل .(موږ د نړیوالو سازمانو خصوصاً چې په اقتصادي برخه کې فعالیت کوي هرکلی کوو دوی باید حکومت ته د خصوصي سکتور سره د رښتینې همکاري په برخه کې پالیسي ګانې ورکړي تر څو په افغانستان کي خصوصي سکتور وده وکړي)
د پانګوني او صنایعو عالی شورا مسولین وایي که څه هم په تیرو شپاړسو کلو نو کې کار شوی؛ خو لاهم په هغه اندازه چي په افغانستان کې تولید او صنایعو پراختیا موندلي وای هغومره کار ندی شوی البته په دې برخه کې.
خبریال: اسلم حجاب