تازه خبرونه
اسلامي امارت له رسنیو څخه پر ملاتړ ټینګار وکړ
د افغانستان اسلامي امارت د چارشنبې پر ورځ ( د غویی ۱۳) د مطبوعاتو د آزادۍ د نړیوالې ورځې پر مناسبت اعلان وکړ، چې د رسنیو ملاتړ کوي او د رسنیو لپاره یې ارزښتناکه ګڼي.
د غوایی دیارلسمه / د مې درېیمه نېټه د مطبوعاتو د آزادۍ له نړیوالې ورځې سره برابره ده. په ۱۹۹۳ ز. کال کې د ملګرو ملتونو د فرهنګي ټولنې یونسکو پر وړاندیز او د عمومي اسامبلې پر تائيد د مې درېیمه د مطبوعاتو د آزادۍ د نړیوالې ورځې په توګه ومنل شوه.
په کابل کې نن د اطلاعاتو او فرهنګ وزارت او د رسنیو ملاتړو بنسټونو هم د دې ورځې پر یاد غونډې جوړې کړې.
د افغانستان اسلامي امارت د ویاند مرستیال بلال کریمي وايي، نن د مطبوعاتو د آزادۍ نړیواله ورځ ده او مونږ یې د رسنیو لپاره ارزښتناکه ګڼو.
هغه په یو لړ ټویټونو کې څرګنده کړې: رسنۍ د ملي ګټو او اسلامي اصولو په رڼا کې د عامه ذهنیت د روښانولو او د خلکو او رژیم ترمنځ د منځګړتوب په لاره کې خپل ځانګړی ځای نیولی شي.
بلال کریمي دغه راز زیاته کړې، اسلامي امارت له ژمنو رسنیو ملاتړ کوي او په رسنیز ډګر کې د لا زیاتې ژمنتیا او غوره هڅو غوښتنه کوي.
د افغانستان د آزادو خبریالانو د ملي اتحادیې چارواکي د مطبوعاتو د آزادۍ د نړیوالې ورځې پر مناسبت وايي؛ په تېر کال کې د خبریالانو پر وړاندې د امنیتي چارواکو لخوا د تاوتریخوالي پر ډېر شمېر پېښې ثبت کړې دي او په تېر کال کې د اقتصادي ستونزو له کبله لس رسنۍ تړل شوي دي.
یو شمېر خبریالان اطلاعاتو ته د لاسرسي په برخه کې له ستونزو شکایت کوي او وايي، چې اطلاعاتو ته د لاسرسي کمیته او د رسنیو د سرغړونې کمیتې باید سمې فعالې شي.
د افغانستان د آزادو خبريالانو د ملي اتحاديې رییس حجت الله مجددي وايي، چې په تېر کال کې یې د امنیتي مسوولینو لخوا له خبريالانو سره د تاوتريخوالي ١٢٣ قضيې ثبت کړي او په همدې موده کې لس رسنیو د اقتصادي ستونزو له کبله دروازې تړلې دي.
د خبریالانو د خوندیتوب کمیتې د رسنیو د آزادۍ د نړیوالې ورځې په غونډه کې ویلي، چې خبریالان اوس هم اطلا عاتو ته د لاسرسي په برخه کې ستونزې لري.
دوی وايي، چې د حکومت او رسنیو ترمنځ د همغږۍ لپاره باید ډېر وکار شي.
یو شمېر پوهانو او خبریالانو په اوسني وضعیت کې د افغان خبریالانو د کار ستاینه کوي.
د اطلاعاتو او فرهنګ وزارت ویاند عبدالمتین قانع ويلي، د رسنیو د سرغړونې کمیسیون خپل فعالیت پیل کړی او وزارت هڅه کوي، چې دغه کمیسیون نور هم پیاوړی کړي.
دا په داسې حال کې ده، چې په افغانستان کې د ۲۰۲۱ ز. کال له بدلون وروسته شاوخوا ۲۲۵ رسنۍ د اقتصادي ستونزو له کبله بندې شوي او د رسنیو له ۱۲۰۰۰ کارکوونکیو څخه ۱۰۰۰ یې له افغانستان څخه وتلي او د ښځو په ګډون ۷۰۰۰ نورو خپلې دندې له لاسه ورکړي دي.
تازه خبرونه
په قطر کې د ګامبیا د سفیر او سهیل شاهین لیدنه؛ د دوه اړخیزو اړیکو ارزونه او د پانګهونې فرصتونه
په دوحه کې د افغانستان سفارت د خبرپاڼې له مخې؛ عمر جاح هممهاله د افغانستان لپاره د ګامبیا د سفارت چارې هم پر مخ وړي.
په دوحه کې د افغانستان اسلامي امارت د سفارت چارسمبالي(سرپرست) په قطر کې د ګامبیا له سفیر او ځانګړي استازي عمر جاح سره پر دوه اړخیزو اړیکو خبرې کړې دي.
په دوحه کې د افغانستان سفارت د خبرپاڼې له مخې؛ عمر جاح هممهاله د افغانستان لپاره د ګامبیا د سفارت چارې هم پر مخ وړي.
په دې لیدنه کې دواړو لوریو د افغانستان او ګامبیا ترمنځ پر دوهاړخیزو اړیکو، په افغانستان کې امنیتي وضعیت، د پانګونې فرصتونو، اقتصادي همکاریو او نورو ګډو موضوعاتو اندونه وړاندې کړي دي.
تازه خبرونه
که په واک کې ښه چارواکي وای، د ډیورنډ کرښې دواړو غاړو ته به خلکو آزاد تګ راتګ کاوه – اڅکزی
هغه په یوه غږیزه خپرونه کې ویلي، چې نور هېوادونه لکه روسیه، جرمني او بریټانیا، له تاریخي جګړو سره – سره نن خلاصې پولې لري؛ یوازې یوه «کاغذي کرښه» یې ترمنځ پاتې ده او د څارنې او ارزونې هیڅ کومه سخته ارزونه نشته.
د پاکستان په ملي شورا کې د اپوزیسیون مشر او د پښتونخوا د عوامي ملي ګوند مشر محمود خان اڅکزي ویلي، چې که ښه مشران په واک کې وای: نو د ډیورنډ کرښې په اوږدو کې به خلکو آزاد تګ راتګ کولی شو.
هغه په یوه غږیزه خپرونه کې ویلي، چې نور هېوادونه لکه روسیه، جرمني او بریټانیا، له تاریخي جګړو سره – سره نن خلاصې پولې لري؛ یوازې یوه «کاغذي کرښه» یې ترمنځ پاتې ده او د څارنې او ارزونې هیڅ کومه سخته ارزونه نشته.
اڅکزي زیاته کړې، کېدی شو؛ په سیمه کې ورته وضعیعت رامنځته شوی وای.
هغه ټینګار کړی: «دلته ستونزه څه ده؟ پنجابي په کندهار کې نڅا کوله او پښتانه دلته راتلل. که څه هم مونږ په ښکاره یو هېواد نهیوو، خو کولی مو شو په عمل کې یو هېواد واوسو.»
هغه د شوروي اتحاد او امریکا لهخوا پر افغانستان د یرغل یادونه وکړه او څرګندوي؛ افغانستان حق لري، چې له دې هېوادونو د جګړې د زیانونو او بیارغونې لپاره د تاوان غوښتنه وکړي.
دې پاکستاني سیاستوال له پښتنو سره د پاکستان د حکومت پر چلند نیوکه کړې او ادعا کوي، چې په ځینو ښارونو لکه لاهور او کراچۍ کې هغوی نیسي او جبري ایستل کیږي.
تازه خبرونه
د کونړ زلزلهځپلو ته په ننګرهار کې نمرې وویشل شوې
د دې وزارت د خپرې شوې خبرپاڼې له مخې؛ یاد ښارګوټی د معیاري ښاري پلان له مخې طرحه شوی، چې په کې د اوسېدو د نمرو تر څنګ سړکونه او بنسټیزې آسانتیاوې په پام کې نیول شوې دي.
د کور او ښار جوړولو وزارت د کونړ ولایت هغو زلزلهځپلو کورنیو ته، چې د وروستۍ زلزلې له کبله یې کورونه ویجاړ شوي وه؛ د ننګرهار ولایت د ښېوې ولسوالۍ د ګمبیري د اړوند سیمې په ۱۰۰۰ جریبه ځمکه کې د نوي جوړ شوي ښارګوټي استوګنیزې نمرې وېشلي دي.
د دې وزارت د خپرې شوې خبرپاڼې له مخې؛ یاد ښارګوټی د معیاري ښاري پلان له مخې طرحه شوی، چې په کې د اوسېدو د نمرو تر څنګ سړکونه او بنسټیزې آسانتیاوې په پام کې نیول شوې دي.
دغه راز په دې ښارګوټي کې د ښوونځي، مدرسې، جوماتونو، روغتیایي کلینیک او هدیرې لپاره ځانګړې ځمکې پر نښه شوې دي، چې اوسېدونکو ته د یو منظم او باعزته ژوند بشپړ چاپېریال برابر شي.
خبرپاڼه زیاتوي؛ په همدې مناسبت جوړه شوې غونډه کې د کور او ښار جوړولو وزارت وزیر نجیبالله حیات حقاني د ننګرهار ولایت د والي مرستیال مولوي غلام الرحمن حیدري، د علماوو شورا رییس او د زلزلهځپلو د مرکزي کمیسیون مشر شیخ خیر محمد فاروقي، د کونړ د جهادي مدرسې مشر شیخ عبدالقهار صدیقي، د ننګرهار ولایت د مقام استازی شمس العارفین او یو شمېر نورو مسوولانو ګډون کړی و.
د کور او ښار جوړولو وزارت وزیر نجیبالله حیات حقاني دغو مراسمو ته په وینا کې ویلي؛ اسلامي امارت هڅه کوي، چې زلزلهځپلې کورنۍ پیاوړې کړي او د ټولنې د فعالو غړو په توګه یې وروزي، چې د مرستې له اخیستونکو څخه د مرستې کوونکو کچې ته ورسېږي.
نوموړي د دې پلان پر ارزښت ټینګار وکړ او وایي: دا «پلان هغه ګټوره نسخه ده، چې خړه دښته د سرو زرو پر ارزښت بدلوي او د انساني ټولنې د پرمختګ لپاره عملي کېږي.»
ویل کیږي، چې د ننګرهار ولایت د مقام استازي شمس العارفین څرګنده کړې، چې د ننګرهار ولایت مقام د زلزلهځپلو د ملاتړ او د یاد ښارګوټي د ښه مدیریت لپاره د هر راز همکاریو ډاډ ور کړ.
په قطر کې د ګامبیا د سفیر او سهیل شاهین لیدنه؛ د دوه اړخیزو اړیکو ارزونه او د پانګهونې فرصتونه
که په واک کې ښه چارواکي وای، د ډیورنډ کرښې دواړو غاړو ته به خلکو آزاد تګ راتګ کاوه – اڅکزی
امریکا او ایران د جګړې د پای ته رسولو او د اټومي خبرو د پیل لپاره سره نږدې شوي – راپور
د کونړ زلزلهځپلو ته په ننګرهار کې نمرې وویشل شوې
امریکا به له ایران څخه غني شوي یورانیم ترلاسه کړي – ټرمپ
د افغانستان، ازبکستان او قرغزستان د استازو سوداګریزه ناسته ترسره شوه
د هائیټي په تاریخي کلا کې د ګڼې ګوڼې له کبله مرګ او ژوبله رامنځته شوې
آیا ایران په هرمز تنګي کې پر بېړیو پیسې وضع کولی شي؟
د جګړې له پایلو د اماراتو اندېښنه؛ د تېلو په راکړه ورکړه کې د ډالرو دډې ته کولو احتمال
ایران د هرمز تنګي پر سټرټیژیکه لار خپل واک او څار زیات کړ
تحول: د ایران او امریکا په شخړه کې ډیپلوماټیک بدلون
څار: له اسلامي امارت سره د هېوادونو د تعامل زیاتوالی
تحول: له جرمني څخه د افغان کډوالو د ایستلو روان بهیر
څار: د پاکستان پر پالیسۍ نیوکې
تحول:د افغانستان پر وړاندې د پاکستان دوه ګونی سیاست
-
سوداگري5 days agoله قزاقستان څخه افغانستان ته د غنمو په صادراتو کې د پام وړ زیاتوالی راغلی دی
-
سیمه ییز خبرونه5 days agoامریکا په هرمز تنګي کې د بندو کښتیو د خوندي لېږد چارې پیل کړې
-
سوداگري3 days agoد منځنۍ آسیا له لارې د چین– افغانستان نوې ټرانزیټي لاره پرانیستل شوه
-
سیمه ییز خبرونه3 days agoپه بېجینګ کې لوړپوړې خبرې؛ په هرمز تنګي کې د امریکا او ایران پر کړکېچ ټینګار
-
نړۍ4 days agoسپینې ماڼۍ ته نږدې نښته؛ یو وسلهوال ټپي او روغتون ته ولېږدول شو
-
سیمه ییز خبرونه2 days agoامریکا او ایران د جګړې د پای ته رسولو او د اټومي خبرو د پیل لپاره سره نږدې شوي – راپور
-
نړۍ2 days agoامریکا به له ایران څخه غني شوي یورانیم ترلاسه کړي – ټرمپ
-
روغتيا4 days agoد قابلو نړیواله ورځ؛ د م.م وګړو صندوق د میندو د ژغورنې لپاره د قابلو پر زیاتېدا ټینګار وکړ