ساینس او ټیکنالوژي
اسلامي امارت کابینې د ټیک ټاک او پابجي د تړلو سپارښتنه شوې
د افغانستان اسلامي امارت کابینې د مخابراتو او معلوماتي ټکنالوجۍ وزارت ته لارښوونه کړې، چې انټرنټي پابجي PUBG آنلاین لوبه او ټیک ټاک اپلیکیشن بند کړي.
د اسلامي امارت د ویاند مرستیال انعام الله سمنګاني نن (پنجشنبه د د غویی لومړۍ / د اپریل ۲۲ ) ټویټ کړی، چې دا پروګرامونه ځوان نسل بې لارې او ګمراه کوي.
هغه زیاته کړې: کابینې د مخابراتو وزارت څخه وغوښتل، چې د امکان تر حده د هغو چینلونو د خپرولو مخنیوی وکړي، چې غیر اخلاقي خپرونې کوي.
سمنګاني د دغو چینلونو د بڼې په اړه څه ندي ویلي.
دا په داسې حال کې ده، چې تېر حکومت هم پابجي لوبه نامشروع اعلان کړې وه.