تازه خبرونه
اسلامي هېوادونو د افغانستان د ګډوډۍ د مخنیوي لپاره د مرستو ژمنه وکړه
اسلامي هېوادونو د یکشنبې پر ورځ ژمنه وکړه، چې د افغانستان لپاره به د بشري مرستو یو صندوق را منځته کړي؛ ځکه، چې میلیونونه خلک له لوږې او سخت ژمي سره مخ دي.
د پاکستان لومړي وزیر تېره ورځ خبرداری ورکړ، چې که د افغانستان اوسني وضعیت ته پاملرنه ونشي؛ نو سیاسي او اقتصادي ګډوډي به رامنځته شي.
رویټرز راپور ورکړی، چې ناورین مخ پر زیاتېدو دی؛ خو نړیوال زړه نا زړه دي او له اسلامي امارت سره، چې د زمري / اګست په میاشت کې بیا واکمن شول؛ نه یوازې مرستې ځنډولي، بلکې د افغانستان بانکي زیرمې یې هم کنګل کړي دي.
د پاکستان لومړي وزیر عمران خان د یکشنبې پر ورځ په اسلام آباد کې د اسلامي همکاریو ټولنې د بهرنیو چارو وزیرانو غونډې ته څرګنده کړې؛ که د اقتصادي بحران مخه ونه نیول شي، په افغانستان کې به بشري ناورین رامنځته شي.
له افغانستان سره د مرستې صندوق، چې د پاکستان د بهرنیو چارو وزیر شاه محمود قریشي لخوا اعلان شوی؛ د اسلامي پراختیایي بانک تر چتر لاندې به هڅې تر سره کوي.
د غونډې ګډونوالو په دې اړه یو پرېکړه لیک وړاندې کړی او په کې د بشري ناورین د مخنیوي غوښتنه شوې او طالبانو ته هم ځینې سپارښتنې شوې دي.
په پرکړه لیک کې راغلي؛ یاده ټولنه به د افغانستان لپاره ځانګړی استازی ټاکي او همدا راز له دې هېواد سره به د بشري مرستو لپاره یو مالي صندوق هم رامنځته کوي.
دغه راز له طالبانو غوښتنه شوې، چې په حکومت او نورو برخو کې د ټولګډونه اصل په پام کې ونیسي او ښځو ته دې هم په ټولو برخو کې برابر حقونه او د فعالیت اجازه ورکړي.
همدارنګه پرکړه شوې، چې په افغانستان کې د بشري ناورین د مخنیوي لپاره باید د دې هېواد کنګل شوې شتمنۍ ژر تر ژره خوشي شي.
دې ټولنې د نړیوالو دیني عالمانو پر یوې ناستې هم ټینګار کړی، چې له افغان چارواکو (اسلامي امارت) سره د ‘اعتدال او زغم ‘ په څېر پر مهمو مسایلو خبرې وکړي.
په دې ناسته کې، چې د ملګرو ملتونو، امریکا، اروپايي ټولنې او جاپان استازي هم په کې ول؛ ویل شوي، چې له هېواده بهر کنګل شویو زېرمو ته د افغانستان د لاسرسي اجازه به د اقتصادي سقوط د مخنیوي لپاره بنسټیز ارزښت ولري؛ خو په دې ناسته کې دا څرګنده نشوه، چې دا صندوق به څومره پیسې ولري او دغه راز یې د اسلامي امارت حکومت ته هم د رسمي پیژندنه نده ورکړې.
دا په داسې حال کې ده، چې مولوي متقي ویلي؛ پربېړنیو مرستو سربېره، افغانستان د اوږد مهاله اقتصادي ثبات د تضمین لپاره نغدي مرستې ته اړتیا لري، خو ډېر څه به پدې پورې اړه ولري، چې آیا واشنګټن غواړي د مرکزي بانک په زیرمو کې ميلیارډونه ډالر له کنګلتیا وژغوري او لګېدلي بندیزونه لرې کړي، چې ادارې او حکومتونه یې له اسلامي امارت سره له مستقیمې معاملې لرې ساتلي دي.
تازه خبرونه
د ټاپي ګاز شرکت اجرائیه رییس د پروژې له پرمختګه خوښ شو
د کانونو او پټرولیم وزیر شهاب الدین دلاور د پنجشنبې پر ورځ ( د وري نهمه ) د ټاپي پروژې له اجرائیوي رییس او په کابل کې د ترکمنستان له سفیر سره وکتل او د دغې پروژې د پرمختګ په اړه یې خبرې وکړې.
د ترکمنستان او افغانستان، پاکستان او هند (ټاپي) د ګازو نلیکې د پروژې اجرائیوي رییس مراد امانوف د پروژې له وروستي پرمختګه ډاډ څرګنده کړ او د پروژې د عملي پیل په اړه یې خبرې وکړې.
د افغانستان د کانونو او پټرولیم وزارت چارسمبالي شهاب الدین لاور ويلي، چې د ټاپي پروژې لومړني کارونه چټک روان دي او په نږدې راتلونکي کې به د دې نلليکې د غځولو چارې پيل شي.
ویل کیږي، چې د ترکمنستان سفیر یاد هېواد ته د افغان پلاوي د وروستي سفر په اړه معلومات وړاندې کړل او څرګندوي، چې په نږدې راتلونکي کې به د دغه هېواد یو پلاوی هرات ولایت ته سفر وکړي.
TAPI د طبیعي ګاز یوه نللیکه ده، چې د آسیا پراختیایي بانک په ګډون د ګالکینیش – TAPI نللیکې شرکت لهخوا پراختیا مومي.
دغه نللیکه به د ترکمنستان له ګالکینیش ګازو څخه طبیعي ګاز د افغانستان له لارې پاکستان او بیا هند ته لېږدوي.
تازه خبرونه
تحول: په افغانستان کې د بریټانیا د پوځي ماموریت ارزونه
تازه خبرونه
په فاریاب او سرپل کې سېلابونو ځاني او مالي زیانونه اړولي
سیمهییزو چارواکو ویلي؛ د سېلابونو له کبله دوه کسانو خپل خوږ ژوند له لاسه ور کړی او د مالي زيانونو تر څنګ د دې دوه ولايتونو د يو شمېر ولسواليو د تګ راتګ لارې هم تړل شوې دي.
دوی زياته کړې، چې پر کرنيزو ځمکو، استوګنې کورونو، د ښار او کلي تر منځ د پلونو پر نړېدو سربېره سېلابونو د خلکو ژوند له ستونزو سره مخ کړى دى.
د يادونې ده، چې د سېلابونو له کبله زيانمنې شوې کورنۍ له دولت او مرستندويه ادارو څخه د بېړنیو مرستو غوښتنه کوي.
-
تازه خبرونه2 days ago
په پاکستان کې ځانمرګي د ۵ چینايي انجینرانو په ګډون ۶ کسان ووژل
-
سوداگري3 days ago
افغانستان ته د پاکستان راغلی پلاوی پر اقتصادي همکاریو خبرې کوې
-
تازه خبرونه4 days ago
په هرات کې له ۵۰۰ ډېر لرغوني آثار موزیم او آرشیف ته سپارل شوي
-
تازه خبرونه3 days ago
بیات بنیاد په ننګرهار کې اړمنو کورنیو ته د روژې مرستې ووېشلې
-
تازه خبرونه4 days ago
د ښځو پر وړاندې د اسلامي امارت فرمانونه افغانستان پر بهرنیو مرستو متکي ساتي – رینا امیري
-
تازه خبرونه3 days ago
د پاکستان په تورخم کې سرحدۍ ځواکونو د فډرالي څېړنو ادارې ۶ کارکوونکي وهلي
-
سوداگري2 days ago
د افغانستان او پاکستان د سوداګرۍ استازیو پر ننګونو خبرې وکړې
-
سیمه ییز خبرونه2 days ago
په بلوچستان کې د پاکستان د بحري ځواک پر هوايي اډه وسلوال برید وشو