تازه خبرونه
افغانستان سږ کال هم د نړۍ تر ټولو خفه هېواد وپېژندل شو
د نړۍ د نفوسو د خوښ هېوادونو د سروې د وروستي راپور له مخې؛ افغانستان د پرله پسې دوه یم کال لپاره د نړۍ تر ټولو خفه هېواد پېژندل شوی دی.
دغه راپور، چې د نړۍ د نفوسو د سروې په اوبپاڼه کې خپور شوی؛ په ۲۰۲۱ زېږدیز کال کې تر ټولو خوښ او خفه هېوادونه ښودل شوي دي.
د دغه راپور له مخې؛ فنلنډ، ډنمارک، سویس، آیسلنډ، هالنډ، ناروې او سویډن اوسمهال د نړۍ خوښ هېوادونو په سر کې پېژندل شوي دي.
افغانستان، زمبابوی، روانډا، بوټسوانا او لیسوټو هم د نوملړ په پای کې راغلي دي.
په دې سروې کې ۱۴۶ هېوادونه خوښ او خفه حساب شوي دي، چې افغانستان یې د نوملړ په پای کې دی.
دا ارزونه په داسې حال کې کېږي، چې افغان وګړي له لسیزو راپدیخوا له جګړې، فساد، بېوزلۍ او لوږې سره مخ پاتې دي.