روغتيا
افغانستان په سنتي طب کې د هند همکارۍ وغوښته
په دې لیدنه کې دواړو خواوو په کابل کې د سنتي طب د اندتون(انسټیټیوټ او څېړنیز مرکز) د جوړولو، د څانګوالو(متخصصینو) د روزنې او د دوه اړخیزو همکاریو لپاره د هوکړهلیکونو د لاسلیک په اړه بحث او خبرې کړې دي.
د افغانستان اسلامي امارت د عامې روغتیا وزیر نور جلال جلالي د هند د طبیعي طب، یوناني، آیورویډي او سنتي طب له وزیر پرټاپراو جاډهو سره د لیدنې پر مهال د سنتي طب د معیاري کولو غوښتنه وکړه.
په دې لیدنه کې دواړو خواوو په کابل کې د سنتي طب د اندتون(انسټیټیوټ او څېړنیز مرکز) د جوړولو، د څانګوالو(متخصصینو) د روزنې او د دوه اړخیزو همکاریو لپاره د هوکړهلیکونو د لاسلیک په اړه بحث او خبرې کړې دي.
د عامې روغتیا وزیر جلال جلالي د سنتي طب د معیاري کولو لپاره د اړتیا پر ټینګار د هند تجربه ارزښتناکه وبلله.
دغه راز هندي وزیر پرټاپراو جاډهو ژمنه کړې، چې په کابل کې د سنتي طب لپاره د اندتون او څېړنیز مرکز د جوړولو، نصاب پلي کولو او په برخه کې د هر اړخیزې همکاریو د ترسره کولو ډاډ څرګند کړ.