تازه خبرونه
افغانستان په نړۍ کې تر ټولو کم ارزښته پاسپورټ لري
په دوه زره یوویشتم کال کې د افغانستان پاسپورټ تر ټولو کم ارزښته او د جاپان د لوړ ارزښت لرونکی پېژندل شوی.
د هنلي بنسټ د تازه څرګندونو له مخې؛ د پاسپورتونو د رده بندۍ په لښتيلیک (جدول) کې افغانان کولی شي، چې له خپلو پاسپورټونو سره د نړۍ ۲۶ هېوادونو ته له وېزو پرته سفر وکړي. په داسې حال کې، چې جاپانیان کولی شي د نړۍ ۱۹۱ هېوادونو ته له ویزو پرته سفر وکړي.
د سینګاپور پاسپورټونه ۱۹۰ هېوادونو ته د سفر کولو اجازه لري او په دوه یم ځای کې دي. د سویلي کوریا او جرمني پاسپورتونه پرته له ویزې ۱۸۹ هېوادونو ته د سفر جواز له لرلو سره په درېیم ځای کې دي.
د نړیوالو اړیکو کارپوه عزیز معارج ویلي؛ افغانان کولي شي بنګله دېش، کامبوج، کیپ ورد، شنې دماغې، کومور، ماکائو، ماداګاسکار، مالډیو، مورټانيا، موزمبیق، پالو، روانډا، ساموآ، سیشل سومالیا، ټیمور، توګو، توالو او اوګانډا هېوادونو ته له ویزې پرته سفر وکړي.
د جاپان، سینګاپور، سویلي کوریا او جرمني اتباع شاوخوا۱۹۰ هېوادونو ته له ویزې پرته سفر د سفر لپاره له خورا پیاوړيو پاسپورټونو برخمن دي.
افغانان ناراضه دي او پوښتي، چې د افغانستان پاسپورټونه ولې دومره کم ارزښته دي؟
د روان کال د تلې پر دېرشمه د ننګرهار ولایت په جلال آباد ښار کې دولس ښځې د پاکستان کونسلګرۍ مخې ته د ویزو د تر لاسه کولو په حال کې له ټیل ماټېله مړې شوې او دولس نور د درې نرینه وو په ګډون ټپیان شول.
کارپوهانو په دې اړه ویلي، چې دا د بهرنیو چارو وزارت د ډیپلوماسۍ کمزورتیا ښیي.
د هېواد د بهرنیو چارو وزارت نه غواړي، چې ووايي، ولې د افغانستان پاسپورټ د لښتیلیک په پای کې ځای لري.
له افغانستان وروسته عراق، سوریه، پاکستان، سومالیا، یمن، د فلسطین تر کورواکې ادارې لاندې سیمې، نیپال او شمالي کوریا د هنلي د رده بندي د جدول په پای کې لیدل کیږي.
تازه خبرونه
د ازبکستان بشري مرستې بلخ ته راورسېدې
نن پنجشنبه ( د غویي شپږمه ) له ازبکستان څخه د بشري مرستو یوه ټولګه د بلخ په سوداګریز بندر حیرتان کې د دې ولایت سیمهییزو چارواکو ته وسپارل شوه.
د سیمهییزو چارواکو د څرګندونو له مخې؛ په دغو مرستو کې ۶۰ ټنه خوراکي توکي( اوړه، غوړي، غنم، بوره او غوښه ) شته، چې د ازبکستان د سرخاندریا د والي لهخوا د بلخ چارسمبالي والي ته سپارل شوې ده.
د سرخاندریا والي د دغو مرستو موخه د افغانستان له خلکو ملاتړ یاد او د دواړو هېوادونو ترمنځ يې د ښو اړيکو پر پراختيا ټينګار څرګند کړ.
په تېرو دوه کلونو کې دا څووم ځل دی، چې ازبکستان افغانستان ته دا ډول مرستې را لیږي.
کابل او تاشکند دا مهال ښې اقتصادي او سیاسي اړیکي لري او دا دواړه هېوادونه په پام کې لري، چې په روان کال کې د افغان ټرانس د اوسپنې پټلۍ کار هم پیل کړي.
تازه خبرونه
په سیمه او هېواد کې امنیتي پېښې وارداتي دي – امیر خان متقي
نن پنجشنبه ( د غویی شپږمه ) د اسلامي امارت بهرنیو چارو وزارت چارسمبالي امیرخان متقي د افغان-قزاق نندارتون د پرانیستې په مراسمو کې د افغانستان او سیمې امنیتي پېښې وارداتي یادې کړې دي.
نوموړي په دې اړه په خپلو خبرو کې ویلي: متاسفانه زمونږ درې ګاونډي هېوادونه په نوبت سره؛ په یوه هېواد کې د داعش لپاره بشري قوه او افراد تیاریږي؛ مونږ او تاسې ولیدل، چې د نړۍ په بېلابېلو برخو کې یې پېښې تر سره کړې.
بل هېواد د هغې لارې پر سر پروت دی، چې امن خرابوونکي افراد ترې راتېریږي.
او بل هېواد بیا په خپله خاوره کې دوی ته د مرکزیت، د تمویل او پلان جوړونې مراکز ورکړي دي. که دا درې هېوادونه خپل مسوولیت ادا کړي؛ په افغانستان او سیمه کې هیڅ مشکل نشته.
ویل کیږي، چې بد امني پر ګډه همکارۍ او همغږۍ له منځه وړل کیږي.
تازه خبرونه
له اسلامي امارت سره نړیوالې اړیکې ورځ تر بلې پراخیږي – ذبیح الله مجاهد
د اسلامي امارت ویاند ذبیح الله مجاهد افغانستان ته د ګڼشمېر ډیپلوماټیکو استازو راتګ او نورو هېوادونو ته د افغان لوړ پوړیو چارواکو سفرونو ته په نغوته کې ويلي، چې اسلامي امارت په پراخه کچه منل شوی؛ اړیکې ورسره خوندي او لیدنې یې روانې دي.
ذبیح الله مجاهد زیاته کړې؛ له اسلامي امارت سره د نړۍ د هېوادونو اړیکې ورځ تر بلې پراخېږي او اغېزمنتیا یې مخ پر ډېرېدو ده.
د اسلامي امارت ویاند ټینګار کړی: د ځینو خلکو او کړیو دا تصور، چې افغانستان انزوا ته تلی او اقتصاد یې مخ پر خرابېدو دی او له نورو هېوادونو سره یې اړیکې نشي خوندي کېدی؛ ټول دروغ ثابت شول.
د نوموړي د څرګندونو له مخې؛ اوس څرګنده شوه، چې افغانستان له سیاسي او اقتصادي پلوه د ودې او پراختیا پر لوري چټک ګامونه اخلي او دا هڅې به نورې هم ګړندۍ شي.
-
تازه خبرونه3 days ago
وروستیو سیلابونو په افغانستان کې ۱۵۰۰ کورنیو ته زیانونه رسولي
-
نړۍ5 days ago
د جاپان دوه پوځي چورلکې بحر ته وغورځېدې
-
نړۍ3 days ago
د مالیزیا بحري ځواکونو د چورلکو په ټکر کې ۱۰ کسان مړه شول
-
تازه خبرونه5 days ago
د پاکستان سرحدونو وزیر د افغان کډوالو پر باعزته ستنېدا ټینګار وکړ
-
لوبی4 days ago
عینو مېنې، استقلال کابل او اټکانرژي فوټبال لوبډلې، خدیم افسي مات کړل
-
تازه خبرونه2 days ago
راشد خان د افغان بیسیم سوداګریز سفیر شو
-
لوبی3 days ago
د موج ساحل لوبغاړي د جوانان واحدي لوبډلې پر وړاندې زړهراکښونکی ګول ترسره کړ
-
سیمه ییز خبرونه3 days ago
د ایران ولسمشر پر درې ورځني سفر پاکستان ته ولاړ