سیمه ییز خبرونه
افغان ولسمشر د امريكايانو له خوا د افغانانو د كورونو له پلټلو سره مخالفت ښودلى دى
Last Updated on: لړم ۳, ۱۴۰۱
راپورونه وايي، ولسمشر حامد كرزي د افغانستان او امريكا تر منځ د امنيتي هوكړه ليك په متن كې د امريكايانو له خوا د افغانانو د كورونو له پلټلو سره مخالفت ښودلى دى.
خو د مشورتي لويي جرګې د چمتوالي د كميسيون وياند عبدالخالق حسيني پشه وایي، داسې هيلې هم شته، چې د امنيتي هوكړه ليك په باب د كابل او واشنګټن تر منځ اختلافونه ښايي تر جوړېدونكې مشورتي لويي جرګې حل شي.
ولسمشرۍ ماڼۍ دا د نظر اختلافات تائيدوي، د ولسمشرۍ رياست وياند ايمل فيضي آريانا ټلویزیون ته په ټيليفوني خبرو كې وويل:
د دواړو لورو تر منځ په دې باب خبرې په جدي توګه دوام لري.
سياسي كارپوهان احمد سعیدي او شکریه بارکزۍ په دې باوردي، چې د امنيتي هوكړه ليك په متن كې بايد نه سيخ وسوځي او نه هم كباب.