امريكا د هغو زندانيانو سوابق خپاره كړي، چي په پام كي ده د افغان حكومت لخوا خوشې شي

< ![endif]–>

د امريكا دفاع وزارت وايي، چي افغانستان هغه زندانيان له بنده خوشې كوي، چي د افغان او بهرنيو ځواكونو په وژنو كي لاس لري. د امريكا د دفاع وزارت د بګرام له زندان څخه د ۳۷ زندانيانو د خوشي كېدو د پرېكړې په اړه خبر داری وركوي او وايي، چي د دوی لاسونه د ډېرو افغانانو او بهرنيو ځواكونو په وينو سره دي.

د امريكا د دفاع وزارت د افغانستان د بګرام له زندان د ۳۷ زندانيانو د خوشې كېدو د پرېكړې په اړه خبر داری وركړ.

د امريكا د دفاع وزارت چار واكو د هغه ۳۷ زندانيانو سوابق خپاره كړي، چي په پام كي ده د افغان حكومت لخوا خوشې شي.

د دغه چارواكو په وېنا د دغه ۳۷ زندانيانو په ډله كې درې داسي كسان دي، چي د افغان او بهرنيو ځواكونو سره د جګړي پر مهال نيول شوي دي.

لدې ډلې زندانيانو ۱۷ د لاسي ماينونو د جوړېدو او خښولو په تور نيول شوي دي.

امريكايي پوځيان وايي، چي ۲۲ دغو زندانيانو تر نيول كېدو وروسته د ازمايښتونو پر اساس په ډاګه شوي، چي د دوی په بدن او جامو كي د چاودنو نښې ليدل شوې دي.

اندرس فوګ راسموسن د ناټو سر منشي وایي، ((كه هغوی د سياسي لاملونو له امله د محكمي او قانوني پېګرد پرته خوشې شي نو د اندېښني وړ خبره ده. ))

خو د بګرام د زندانيانو د دوسيو د څېړنو د كمېټې غړی عبدالشکور دادرس له دغه ۳۷ زندانيانو څخه دفاع كوي.

ايمل فيضي د ولسمشر وياند هم د بهر ني چارواكو د څرګندونو په اړه غبر ګون ښيي.

صديق صديقي د كورنيو چارو وزارت وياند وایي، د تر هګرو نيول د امنيتي ارګانونو دنده ده او دغه پوځيان د جګړې پر مهال ډېرې ستونزې ويني.

د بګران زندان د زندانيانو په اړه د افغان حكومت او امريكا تر منځ ډېري خبرې شوي ان دا، چي د كابل او اشنګنتن په اړيكو كي یی هم ژوره اغېزه كړې ده.