تازه خبرونه
امریکایانو ولسمشریزو ټاکنو ته د ګډوډیو له اندېښنو سره سره رای ورکول پیل کړي
امریکایانو د سې شنبې پر ورځ په ولسمشریزو ټاکنو کې برخه واخیسته، چې د راتلونکیو څلور کلونو لپاره د دې هېواد مشرتابه ته یا دونالد ترمپ او یا هم جو بایدن غوره کړي.
په ټوله امریکا کې رایې ورکونکي د رایی ورکولو لپاره ولاړ دي. په داسې حال کې، چې د رای ورکولو په مرکزونو کې د پراخو ګډوډیو وېره هم شتون لري.
له ۱۰۰ میلیون څخه ډېرو رای ورکوونکیو د سې شنبې د ټاکنو دمخه یا د پوست له لارې یا په شخصي توګه رای ورکړې ده.
بایدن پخوانی دیموکرات مرستیال دی، چې په عامه ژوند کې یې نیمه پیړۍ سیاسي ژوند کړیاو د جمهوریت غوښتونکي ولسمشر په پرتله په ملي نظر پوښتنه کې د اوږدې مشرۍ لرونکی دی.
ترمپ په پام کې لري، چې د دیموکراتانو د بري مخه ډب کړي او دیمو کراتان نه غواړي، چې ترمپ یو ځل بیا سپینې ماڼۍ ته وردننه شي.
دا په داسې حال کې ده، چې ترمپ د جمهوریت غوښتونکیو ځالې ویرجینیا ته رسیدلی او ګواښ یې کړی، چې دی به د ټاکنو ګټونکی وي او پُستي رایې د ټاکنو له ورځې وروسته د امریکا لپاره خطرناکې دي.