تازه خبرونه
امریکا د افغانستان له زلزله ځپلیو سره ۵۵ میلیون ډالر بېړنۍ مرسته کوي – بلینکن
امریکا د نړیوالې پراختیایي ادارې (USAID) له لارې د افغانستان په پکتیکا او خوست ولایتونو کې د تېرې چارشنبې د مرګونې او ویجاړوونکې زلزلې له زیانمنو خلکو سره د نږدې ۵۵ میلیون ډالرو بېړنۍ بشري مرستې چمتو کړي.
د امریکا د بهرنیو چارو وزیر انتوني بلینکن د سې شنبې پر ورځ ویلي، چې امریکا به افغانانو ته ، چې له اوږدمهاله کړاو سره مخ دي بېړنۍ مرستې چمتو کړي.
د امریکا له مالي ملاتړ برخمنو ونډوالو له دې طبیعي پېښې وروسته بېړنۍ روغتیایي مرسته ورسوله او ولسسمشر بایډن د نورو اړتیاوو د ارزولو لارښوونه کړې ده.
د امریکا بهرنیو چارو وزارت اوس د ولسمشر بایډن د همدې لارښوونې په پایله کې د دغه هېواد د نړیوالې پراختیایي ادارې له لارې افغانستان سره د ۵۵ میلیون ډالرو پر ارزښت بېړنۍ بشري مرسته اعلان کړې ده.
د افغانستان دغه ولایتونه پوره یوه اوونۍ مخکې د رښتر پر کچه ۶ اعشاریه ۱ درجې زلزلې ډېر مالي او ځاني زیانونه رامنځته کړې دي.
د حکومتي سرچینو د څرګندونو له مخې په دې زلزله کې له ۱۱۰۰ ډېر کسان مړه شوي، څه باندې ۳۰۰۰ ټپیان دي او همدا راز زرګونه کورونه ویجاړ شوي دي.
په افغانستان کې د ملګرو ملتونو د مرستو همغږۍ ادارې یا اوچا دا زلزله ناورین نومولی او له زیانمنو خلکو سره یې د بېړنیو مرستو لپاره ۱۱۰ میلیون ډالر وغوښتل.
د دغې ادارې مشر رامز الاکبروف بي بي سي ته ویلي، زلزله ځپلیو ولسوالیو کې پراخه ویجاړي رامنځ ته شوې او هلته ۳۶۲ زره کسان بېړنو مرستو ته اړتیا لري.
د امریکا بهرنیو چارو وزارت علامیه وایي د دوی دغو بېړنیو مرستو کې به د سرپناه وسایل، د پخلي لوښي، کمبلې، کالي، لمریز ګروپونه او د کور نور اړین وسایل شامل وي.
امریکا څرګنده کړې؛ له دې مرستې سره به په روان کال کې د دوی لخوا له افغانانو سره د ټولو ترسره شویو بشردوستانه مرستې کچه ۷۷۴ میلیون ډالرو ته ورسېږي.
دغه راز د څرګندونې ده، چې له امریکا مخکې چین، هند، پاکستان، ایران او ځینو خلیجي هېوادونو هم په افغانستان کې د وروستۍ زلزلې زیانمنو ته مرستې لېږلې دي.
د اسلامي امارت ویاند ذبیح الله مجاهد تېره ورځ تویت وکړ، چې د چین په دوه الوتکو کې د ۸ میلیون ډالرو پر ارزښت مرستې رالېږلي، چې په کې کمبلې، البسه او نور اړین توکي شته دي.
زلزله ځپلي غوښتنه کوي، چې د کورونو او سرپناه په جوړېدو کې دې ورسره مرستو ته لومړیتوب ورکړ شي.
د ملګرو ملتونو د بشري چارو د همغږۍ دفتر (OCHA) خبرداری ورکړی، چې په دې زلزله کې د کولرا خپرېدل د ځانګړې او جدي اندېښنې وړ دي.
د افغانستان د روغتیا وزارت ویاند شرافت زمان رویټرز ته ویلي، خلک خوراکي توکو او پاکو اوبو ته سخته اړتیا لري.
هغه زیاته کړې، چې چارواکو د اوس لپاره درمل سمبال کړي؛ خو د هغو کسانو سمبالول به یوه ننګونه وي، چې خپل کورونه یې له لاسه ورکړي دي.
هغه زیاته کړې: مونږ له نړيوالې ټولنې، خلکو او بشردوستانه موسسو څخه غواړو، چې د خوراکي توکو او درملو په برخه کې له مونږ سره مرسته وکړي، ښايي ژوندي پاتې شوي کسان پر ناروغيو اخته شي؛ ځکه، چې د ژوند کولو لپاره مناسب کورونه او سرپناه نلري.
ملګرو ملتونو او یو شمېر هېوادونو اغېزمنو سیمو ته مرستې رسولي او په راتلونکیو ورځو کې به نورې مرستې هم ورورسيږي.
د تېرې سې شنبې د شپې زلزله د یوه لوی ناورین په توګه د اسلامي امارت لپاره یوه لویه آزموینه ده؛ خو
له زرګونه افغانانو سره مرسته هم د هغو هېوادونو لپاره یوه ستونزه ده، چې د افغانستان پر دولتي ادارو او بانکونو یې بندیزونه لګولي او مستقیمې مرستې یې پرې بندې کړي دي.
دا په داسې حال کې ده، چې د ریاست الوزرا د اقتصادي مرستیال ملا عبدالغني برادر پر مشرۍ خوست او پکتیکا ته تللي پلاوي د خلکو د سرپناوو په رغولو کې د نغدي مرستې ژمنه وکړه.
تازه خبرونه
چینايي کارګر د افغانستان پولې ته نږدې د لویې لارې جوړولو کار ته راستانه شول
د راپور له مخې، د ۲۰۲۵ز. کال په وروستیو کې د بنسټیزو ودانیو پر ډلو له خونړیو بریدونو او امنیتي اندېښنو وروسته د دې پروژې چارې درېدلې وې. هغه مهال د چین حکومت هم له خپلو وګړو غوښتي وه، چې سرحدي سیمې پرېږدي.
اوراسیانټ رسنۍ راپور ورکړی، چې چینایي کارګر له څو میاشتو ځنډ وروسته د تاجکستان د دوشنبه–کولما لویې لارې د یوې برخې د جوړولو کار بېرته پیل کړی دی.
د راپور له مخې، د ۲۰۲۵ز. کال په وروستیو کې د بنسټیزو ودانیو پر ډلو له خونړیو بریدونو او امنیتي اندېښنو وروسته د دې پروژې چارې درېدلې وې. هغه مهال د چین حکومت هم له خپلو وګړو غوښتي وه، چې سرحدي سیمې پرېږدي.
اوراسیانټ لیکلي، چې تاجکستاني چارواکو بېجینګ ته د امنیتي ډاډ پر ورکولو د دې پروژې د بیا پیل زمینه برابره کړې او اوس د تاجکستان ځانګړي امنیتي ځواکونه د چینايي کارګرو امنیت ساتي.
په راپور کې راغلي؛ ټاکل شوې، چې د چین او تاجکستان امنیتي ځواکونه په سپټمبر کې ګډ پوځي روزنیزې هڅې ترسره کړي.
له دې مخکې دواړو هېوادونو د روان کال په می کې د «دوستۍ تړون» لاسلیک کړی و، چې د چینايي شرکتونو په ګډون یې د ۸ میلیارډ ډالرو پر ارزښت قراردادونو ته لاره هواره کړې ده.
تازه خبرونه
هیڅ ګاونډ هېواد خپل بل ګاونډی له منځه وړلی نهشي؛ جګړه د حل لار نهده – عبدالسلام حنفي
هغه دا څرګندونې په کابل کې د صنعت او کانونو د اوونۍ د پېنځم ملي او نړیوال نندارتون د پرانیستې په مراسمو کې وکړې او څرګندوي، چې په یوویشتمې پېړۍ کې جګړه د ستونزو حل نهدی او باید د هېوادونو سرچینې او انرژي د ویجاړولو پر ځای پر پرمختګ او ودې ولګول شي.
د ریاستالوزراء اداري مرستیال عبدالسلام حنفي وایي، هیڅ ګاونډ هېواد نهشي کولی بل ګاونډ هېواد له منځه یوسي او د اختلاف په صورت کې دواړه لوري زیانمن کېږي.
هغه دا څرګندونې په کابل کې د صنعت او کانونو د اوونۍ د پېنځم ملي او نړیوال نندارتون د پرانیستې په مراسمو کې وکړې او څرګندوي، چې په یوویشتمې پېړۍ کې جګړه د ستونزو حل نهدی او باید د هېوادونو سرچینې او انرژي د ویجاړولو پر ځای پر پرمختګ او ودې ولګول شي.
عبدالسلام حنفي ویلي:« که مونږ له یو بل سره جګړه وکړو، ټوله انرژي به مو د یو بل پر ویجاړولو ولګیږي؛ ولې باید په دې پېړۍ کې خپله انرژي د ملتونو د پرمختګ لپاره ونهکاروو؟»
هغه د نړیوالو جګړو تجربو ته په نغوته کې ویلي: هغه هېوادونه، چې پخوا په جګړو کې ښکېل ول؛ اوس دې پایلې ته رسېدلي، چې جګړه حل نهده او باید د پرمختګ او همکارۍ پر لوري حرکت وشي.
د ریاستالوزراء اداري مرستیال ټینګار کړی، چې د اسلامي امارت سیاست له ټولو هېوادونو سره د متقابل احترام او نهلاسوهنې پر بنسټ سولهییز ژوند دی.
هغه زیاته کړې؛ د همدې سیاست له مخې هیڅ فرد یا ډله اجازه نهلري، چې د افغانستان له خاورې د نورو هېوادونو پر ضد استفاده وکړي او په مقابل کې هیڅ هېواد هم د افغانستان په کورنیو چارو کې د لاسوهنې حق نهلري.
حنفي همدارنګه ویلي، چې په دې نندارتون کې د کورنیو تولیداتو نندارې ته وړاندې کول د افغانستان د صنعتي ودې ښکارندویي کوي.
هغه زیاته کړې، چې څو لسیزو جګړو افغانستان له هر اړخه زیانمن کړی او اسلامي امارت د جګړې د پایلو د کمولو او د سوداګرۍ د پراختیا لپاره هڅې کوي.
حنفي وایي؛ هڅه کېږي، چې افغانستان له وارداتي هېواد څخه پر صادراتي هغه بدل شي.
هغه د صنعتکارانو د ملاتړ لپاره د شاوخوا ۲۵ ډول آسانتیاوو د برابرولو یادونه کړې، چې په کې د صنعتي ځمکو وېش، د مالیاتي معافیتونو او نورو آسانتیاوو برابرول شامل دي.
هغه له پانګهوالو غوښتي، چې د هېواد په کانونو او نورو برخو کې پانګونه وکړي او له رامنځته شویو فرصتونو څخه بشپړه ګټه واخلي.
تازه خبرونه
روسیې له افغانستان او پاکستان څخه د اختلافونو د ډیپلوماټیک حل غوښتنه وکړه
د یاد وزارت په خبرپاڼه کې پر ختیځو سیمو د پاکستان وروستیو هوايي بریدونو ته نغوته شوې او دا پېښه یې «غملړلې» بللې ده.
د روسیې بهرنیو چارو وزارت له افغانستان او پاکستان وغوښتل، چې د وروستیو ترینګلتیاوو د پای ته رسولو لپاره خپل اختلافونه د خبرو او ډیپلوماټیکو لارو حل کړي.
د یاد وزارت په خبرپاڼه کې پر ختیځو سیمو د پاکستان وروستیو هوايي بریدونو ته نغوته شوې او دا پېښه یې «غملړلې» بللې ده.
مسکو ټینګار کړی، چې اسلامآباد او کابل باید وسلهوالې نښتې پای ته ورسوي او خپل اختلافونه د سیاست او ډیپلوماسۍ له لارې حل کړي.
دا په داسې حال کې ده، چې پاکستان افغانستان د وسلهوالو ډلو پر پناه ورکولو تورنوي؛ خو اسلامي امارت دا تور ردوي او څرګندوي: په پاکستان کې ناامني د هغه هېواد خپله کورنۍ مسئله ده؛ اسلامي امارت هیچاته اجازه نهورکوي، چې د افغانستان خاوره د نورو هېوادونو پر ضد وکاروي.
-
تازه خبرونه2 days agoپناه غوښتونکي ښايي تر ۱۰ زره پونډو پورې لګښتونه بېرته ورکړي
-
International Sports3 days agoد مسي غوره ځلېدنه؛ ارجنټاین د بشپړې بریا پر خپلولو د ۲۰۲۶ نړیوال جام حذفي پړاو ته ورسېد
-
تازه خبرونه4 days agoد ریښتر پر کچه ۶.۱ درجې زلزلې د افغانستان ځینې سیمې ولړزولې
-
تازه خبرونه3 days agoله ملګرو ملتونو سره په پراختیايي پروژو کې خپلې همکارۍ روانې ساتو – امیرخان متقي
-
تازه خبرونه4 days agoافغانستان له ۴۷ کلونو وروسته د امنیت، یووالي او پرمختګ پړاو ته رسېدلی – شهاب الدین دلاور
-
څار4 days agoڅار: له اروپایي هېوادونو د افغان پناه غوښتونکو د ایستلو بهیر ته اندېښنې
-
تازه خبرونه3 days agoپه افغانستان کې د پاکستان د وروستيو هوايي بریدونو له کبله ملکي وګړو ته مرګ او ژوبله اوښتې
-
سیمه ییز خبرونه4 days agoپه فارس خلیج کې د ایران او امریکا کړکېچ سخت شوی؛ متقابل بریدونه، نوې تورونه او د سولې د هوکړې د ماتېدا اندېښنې
