تازه خبرونه
امریکا د خوندي وتلو لپاره سیمې ته ۱۲ نورې الوتکې لیږلي
اسوشیټیډ پرس د امریکايي چارواکو د څرګندونو له مخې په ډاګه کړې؛ دغه هېواد ۱۲ نورې جنګي الوتکې سیمې ته استولي، چې له افغانستان څخه د بهرنیو ځواکونو له خوندي وتلو ملاتړ وکړي.
د امریکا د پوځ لوی درستیز جنرال مارک میلي ویلي، چې د عربو په بحیره کې ۱۲ اف ـ۱۸ جنګي الوتکې او شپږ بي ـ۵۲ بم غورځوونکې له ناو ایزنهاور الوتکې لېږدوونکیو سره ځای په ځای شوي دي.
له راپورونو سره سم په سلګونه ځانګړي امریکایي ځواکونه هم په افغانستان کې ځای پر ځای شوي، چې د بهرنیو ځواکونو په خوندي وتلو کې مرسته وکړي.
مارک ملي زیاته کړې، چې د تاوتریخوالي کچه به دوام ومومي.
هغه زیاته کړې، چې له افغانستان څخه د بهرنیو ځواکونو د وتلو له پیل راپدیخوا پر ځواکونو برید ندی شوی او افغان ځواکونه یې ځواکمن نومولي دي.
دغه امریکایي جنرال وايي: اوس دوی ( افغان ځواکونه) د خپل هېواد لپاره جنګيږي. زما د پوځي اټکل له مخې، طالبان سمدستي بریالي کېدی نشي او کابل به سقوط ونکړي، چې هره دا وړاندویېنه وېرونکې ده. په افغان حکومت کې د پام وړ نظامي وړتیا شته؛ خو وګورو، چې دوی څنګه لوبه کوي.
راپور په ډاګه کړې؛ د امریکا دفاع وزارت په پام کې لري، چې له افغانستان څخه د امریکايي ځواکونو له وتلو وروسته په کوم بل هېواد کې د روزنې په ګډون له افغان ځواکونو د ملاتړ پر څرنګوالی خبرې وکړي.
امریکایی جنرال مارک میلي وایي، د هېواد هوایي ځواک د طالبانو د بریدونو په بندولو کې مهم رول لوبولی شی؛ خو الوتکې به یې دوام ونلري.
د افغانستان د سولې لپاره د امریکا ځانګړي پلټونکي په یوه راپور کې ویلي، چې د افغانستان هوایي ځواک به د امریکایي قرارداديانو له ملاتړ پرته پېنځه میاشتې هم دوام ونکړي.
د امریکا دفاع وزیر لوویډ آسټین ويلي، چې د بهرنيو له ملاتړ پرته د افغانانو لخوا د طالبانو بریدونه بندول به یوه ننګونه وي.
هغه ویلي: مونږ غواړو، چې افغان امنیتي ځواکونه د طالبانو د بریدونو په مخنیوي کې مهم رول ولوبوي.
د آسټین د څرګندونو له مخې؛ افغان ځواکونو د هلمند ولایت په مرکز لښکرګاه کې د طالبانو پر ضد بریدونه پیل کړي دي.
تازه خبرونه
اسلامي امارت د افغانستان سیلاب ځپلیو سیمو ته د مرستو راټولولو غوښتنه وکړه
د ریاست الوزراء اقتصادي مرستیالۍ ویلي، چې نن د غوایي پر درویشتمه ملا عبدالغني برادر د بغلان ولایت په مقام کې له ولایتي مسوولینو، د ژغورنې ډلو او مرستندویه ادارو له استازو سره د وروستیو سیلابونو د قربانیانو له کورنیو سره د بېړنیو مرستو، د ټپیانو بېړنۍ درملنې، د خوراکي توکو او لنډمهاله سرپناه برابرولو په اړه وکتل او لازمې سپارښتنې یې وکړې.
ملا برادر تېره شپه بغلان ولایت ته له رسېدو سره سم له سیمهییزو مسوولینو سره د لیدنې پر مهال ویلي، پېښو ته د رسېدنې عالي امارتي کمیسیون له لوري د ژغورنې، روغتیا او ټپیانو د درملنې، د بېړنیو خوراکي توکو رسولو، سرپناه برابرولو د مرستو جلب او جذب او همدارنګه د تکفین او تدفین لپاره جوړو شویو کمیټو پر فعالیت پیل کړی دی.
وروستیو سیلابونو په بغلان، غور، بدخشان، فاریاب او تخار ولایتونو کې زیانونه اړولي، چې پېښو ته د رسېدنې عالی امارتي کمیسیون د پرېکړې له مخې اقتصاد وزارت زیانمنو سیمو ته د مرستو رسولو او راټولولو لپاره ناسته تر سره کړې او له اړوند ادارو، بنسټونو او خلکو یې د مرستو چمتوکولو غوښتنه کړې ده.
په دې ناسته کې د اقتصاد وزارت سرپرست په خپلو خبرو کې ويلي؛ د لومړنيو معلوماتو پر بنسټ، تر اوسه د استوګنې زرګونه کورونه ويجاړ، زرګونه جريبه کرنيزه ځمکه اوبو وړې، زرګونه څاروي له منځه تللي او يو شمېر دولتي ودانۍ بشپړې یا لږ څه ړنګې شوې دي.
د افغانستان اسلامي امارت اړوند ادارې زیانمنو شویو سیمو ته رسیدلي او د ټولو امکاناتو پر کارولو یې اړوند ډلې کار کوي، چې اړمن کسان وژغوري، ټرانسپورټي اسانتیاوې برابرې او د مرستو رسونې چارې تر سره کړي.
ویل کیږي، چې اقتصاد وزارت د ملګرو ملتونو له ټولو دفترونو، مرستندویه ادارو، کورنیو او بهرنیو موسسو او بنسټونو، صنعتي او سوداګریزو اتحادیو، صرافانو او سوداګرو، خیریه بنسټونو او خپلو هېوادوالو څخه غوښتنه کوي، چې بېړنۍ او درملیزې مرستې، خیمې، کمبلې، خوراکي توکي، مالي مرستې، د سرپناه جوړول او نور لومړني خدمات له خپلو ځورېدلو وروڼو سره د همکارۍ لپاره چمتو کړي.
تازه خبرونه
امیر خان متقي په کابل کې له ازبک پلاوي سره وکتل
د بهرنیو چارو وزارت د ویاند مرستیال ویلي؛ د یکشنبې پر ورځ د غوایي درویشتمه د دې وزارت چارسمبالي امیر خان متقي د ازبکستان د ټرانسپورټ وزیر الهام محکموف، د ولسمشر ځانګړي استازي عصمت الله ایرګشوف او مل پلاوي سره وکتل.
په دې ناسته کې د افغانستان او ازبکستان ترمنځ پر دوه اړخیزو سیاسي، اقتصادي، د سیمه ییز اتصال ټرانزیټي پروژو، سوداګرۍ، ګډې پانګونې، کلتوري او په سیمه کې د افغانستان او ازبکستان پر ټرانزیټي رول او اهمیت خبرې اترې وشوې.
امیر خان متقي په سیاسي او اقتصادي مسایلو کې د ازبکستان له ملاتړي رول د مننې ترڅنګ د دغو اړیکو پر غځولو او پراختیا ټینګار څرګند کړ.
امیر خان متقي ویلي؛ افغانستان اوس امن او ثبات ته راګرځېدلی او دا د ازبکستان، نورو ګاونډ او سیمې لپاره یو ښه فرصت دی، چې له موقع استفاده وکړي او د اسلامي امارت د اقتصاد محوره سیمهییز اتصال پالیسي، چې نه یوازې افغانستان، بلکې ټولو ګاونډیو او سیمې لپاره به د اقتصادي او امنیتي ثبات زیري ولري ملاتړ وکړي او د سترو اقتصادي پروژو تطبیق لپاره موجوده هڅې نورې هم چټکې کړي.
د ازبکستان د ټرانسپورټ وزیر الهام محکموف د بهرنیو چارو وزارت له تاوده هرکلي له کبله مننه وکړه او وایي، چې داځل له یو قوي تخنیکي ټیم سره، چې پر خصوصي سکټور سربیره د اوسپنې پټلۍ، جیولوجي او معدن تکړه انجنیران یې هم ملتیا کوي کابل ته راغلي یوو او غواړو افغانانو ته ښه زیري ولرو.
محکموف په خپلو خبرو کې و یلي، چې د ازبکستان ولسمشر او رهبري افغانستان ته جدي توجه لري او د رهبري پر استازيتوب تاسې ته ډاډ درکوم؛ مونږ د اسلامي امارت له هغې پالیسۍ ملاتړ کوو، چې غواړي افغانستان د سیمې پر ټرانزیټي مرکز بدل شي.
الهام محکموف ویلي، چې د افغان – ټرانس پروژې عملي پېل او امکان سنجۍ لپاره یې د انجنیرانو یو ټیم له ځان سره راوستی او په همدې اوونۍ کی به یو بل پلاوی له تجهیزاتو سره افغانستان ته راشي، چې د افغانستان د اوسپنې پټلۍ او نورو اړوند ادارو سره به عملا خپل کار پېل کړي.
د دې ترڅنګ مو یوه بله ډله د جیولوژۍ او معدن په برخه کې ملتیا کوي او دوی به د افغانستان معادن او پټرولیم وزارت له چارواکو سره مجالس ولري، چې د نفتو، ګازو اکتشاف او استخراج او همدا راز نورې هغه برخې، چې اسلامي امارت اړوند اداراې یې را په ګوته کړي؛ عملي کار ته چمتو یوو.
نوموړي په خپلو خبرو کې ویلي، چې د افغانستان او ازبکستان ترمنځ ګمرکي او سرحدي خدمات ۲۴ ساعته کولو ته چمتو یوو او بل دا، چې د دواړو هېوادونو ترمنځ ټرانسپورټي او ټرانزیټي خدمات نور هم وده وکړي، ټرانسپورټي او ټرانزیټي تعرفې را ټیټې کړو.
امیر خان متقي د ازبکستان له جدیت څخه مننه وکړه او وایي، چي افغان سوداګرو او ټرانسپورټي برخې کارکونکیو ته د ویزو د ورکړي تسهیل یو ښه پر مختګ دی او په کار ده دا لړۍ روغتیایي، تعلیمي برخې او بلاخره عامو افغانانو له لپاره د سیاحت ویزو برخې ته هم وغځېږي.
د ازبکستان ولسمشر ځانګړي استازي عصمت الله ایرګشوف د وروستیو سیلابونو او افغانانو ته د اوښتي زیان له کبله د تسلیت مراتبو د وړاندې کولو ترڅنګ ویلي، چې مونږ د یوه مسلمان ورور او ګاونډي په توګه هر ډول مرستې او د افغانانو او اسلامي امارت لاسنیوي ته چمتو یوو.
نوموړي ویلي، چې ازبکستان د اسلامي امارت دا غږ بدرګه کوي چې افغانستان، ازبکستان او نور ګاونډي او د سیمې هیوادونه باید اقتصادي رفاه له سیاسي هغو قرباني نکړي.
ویل کیږي، چې ازبکستان اماده دی د افغانستان اطلاعاتو او کلتور وزارت سره پپر ګډه د تاریخي اماکنو او زیارتونو په رغولو او جوړولو کې ګډه کار وکړي.
تازه خبرونه
الله ګل مجاهد د قتل پر تور ونیول شو
کابل پولیسو ویلي: د ولسي جرګې پخوانی غړی الله ګل مجاهد د یوه قتل پر تور نیول شوی دی.
د کابل امنیه قومندانۍ ویاند خالد ځدراڼ ويلي؛ الله ګل مجاهد د قاري سعیدالله نومي کس د وژنې پر تور نیول شوی، چې شاوخوا درې میاشتې مخکې د ۱۴۰۲ لمریز لېږدیز کال د کب میاشتې پر دولسمه وژل شوی و.
هغه زياته کړې، د قضيې څېړنه روانه ده؛ د څېړنو تر بشپړېدو او د صلاحیت لرونکې محکمې تر حکمه به په بند کې پاتې وي.
-
تازه خبرونه4 days ago
د پاکستان خاوره د افغانستان پر ضد کارول کیږي
-
نړۍ4 days ago
حماس او اسرائیل کولی شي په غزه کې د اوربند په اړه واټن راکم کړي – امریکا
-
تازه خبرونه4 days ago
د سې شنبې پر ورځ خراسان او سرخ پوشان لوبډلو لوبه وګټله
-
سوداگري3 days ago
ازبکستان او پاکستان د افغان ټرانس اوسپنېپټلۍ پروژې پر پیلېدا ټینګار څرګند کړ
-
تازه خبرونه4 days ago
دولتي بنسټونه د برښنا له شرکت څخه یو نیم میلیارډ افغانۍ پوروړي دي
-
لوبی3 days ago
ابو مسلم او عدالت فراه مساوي شول او میوند لوبډلې جوانان واحدي ته ۲ ګولونه ورکړل
-
تازه خبرونه4 days ago
په بدخشان ولایت کې ماین چاودنې ۸ کسانو ته مرګ او ژوبله اړولې
-
تازه خبرونه3 days ago
تېر کال پر زړه د سوريو ۷۰۰ ماشومانو درملنه وشو – سره میاشت