ساینس او ټیکنالوژي
امریکا له راداره د تښتېدونکې بم غورزوونکې اتومي الوتکې مخکتنه وکړه
امریکا د جمعې پر ورځ د خپلو پوځي تجهیزاتو د عصري کولو او په پټه توګه یې له کلونو هڅو وروسته د خپلې له راداره تښتېدونکې بم غورزوونکې پرمختللی اتومي الوتکې مخکتنه وکړه.
په تېرو ۳۰ کلونو کې دا «B-21 Raider» یا بریدکوونکې بي ۲۱ نومې نوې امریکايي بم غورزوونکې الوتکه ده، چې څه نا څه ټول معلومات یې محرم دي.
په لومړي نظر کې د انځورونو له مخې؛ دا نوی بم غورزړوونکې الوتکه د تورې له راداره تښتېدونکې اتومي الوتکې ته ورته ښکاري، چې B-2 Phantom نومې پیژندل کیږي، چې په پای کې به یې ځای ونیسي؛ خو د پنتاګون د چارواکو د څرګندونو له مخې، د دې بم غورزوونکې دننه بڼه په بشپړه توګه له هغې سره توپیر لري.
د نورثروپ ګروممان B-2 سپیریت اجرائیوي رییس واردن د څرګندونو له مخې، د دې نوې بن غورزوونکې الوتکې داخلي کارونه د B-2 سپیریت پر پرتله د کمپیوتري وړتیاوو له مخې خورا پرمختللي دي؛ ځکه ، نو دا د هغې پر پرتله له راداره چټکه تښتېدونکې ده.
پنتاګون له چین او روسیې سره د مخ پر زیاتېدونکې مخامختیا او ګواښونو له کبله د خپلو درې اړخیزو اتومي وسلو؛ اتومي بمونو، بالستیک اتومي توغندیو، اوبتلونو او اتومي خولیو د عصري کولو هڅې تر سره کوي.
د چارشنبې پر ورځ د امریکا متحدو ایالتونو د چین د پوځي او امنیتي پرمختګونو په اړه د پنټاګون د وروستي کلني راپور له خپرولو سره اعلان وکړ، چې چین به تر ۲۰۳۵ ز. کال پورې د خپلو اتومي وسلو شمېر ۱۵۰۰ ته ورسوي او دا د ملي امنیت لپاره جدي ګواښ دی.
ساینس او ټیکنالوژي
اپل شرکت د نړۍ د تر ټولو د لوی ګرځند پلورونکي دریځ له لاسه ورکړ
د IDC څېړنیز انسټیټیوټ راپور ښیې، چې د ۲۰۲۴ ز.کال په لومړۍ ربع کې د اپل آی فون بازار د انډرایډ ګرځند له تولید سره په سیالۍ کې سوړ شو.
د رویټرز خبري آژانس د راپور له مخې؛ د جنورۍ او مارچ په میاشت کې د نړۍ بازارونو ته ۷ اعشاریه ۸ سلنه وده وکړه، چې شمېر یې ۲۸۹ اعشاریه ۴ میلیون ته ورسېد.
د ګرځند جوړونکي شرکت (سامسونګ) د بازار ونډه ۲۰ اعشاریه ۸ راغله او په دې توګه یاد شرکت له اپل څخه له ټولو د لوی ګرځند پلورونکي مقام خپل کړ.
اپل د ۲۰۲۴ کال په تېرو درې میاشتو کې ۵۰ اعشاریه ۱ میلیون آی فونونه پلور ته وړاندې کړل، چې دا د تېر کال د ورته وخت پر پرتله ۵۵ اعشاریه ۴ میلیون کم دي. همدارنګه د ۲۰۲۳ په وروستیو دریو میاشتو کې هم چین ته د آی فون د وړاندې کولو په کچه کې ۲ اعشاریه ۱ کموالی راغلی و.
ساینس او ټیکنالوژي
د جاپان سپیس ون کایروس توغندی له توغېدو وروسته وچاودېد
د چارشنبې پر ورځ د جاپان سپیس ون کایروس کوچنی تېل سوځوونکی توغندی له توغولو لږ وروسته وچاودېد.
د رویټرز د څرګندونو له مخې؛ دغه ۱۸ مټره توغندی پر ځایي وخت ۱۱:۰۱ له توغولو لږ وروسته وچاودېد، چې لوګی او اور یې د رسنیو په انځورونو کې لیدل کیږي.
سپیس ون ویلي؛ دوی د جاپان د لویدیځ ټاپو په څنډه کې توغېدا لغو کړه او په اړه یې ارزونې هم پیل شوې دي.
د ځایي واکایاما حکومت والي شوهی کیشیموتو خبریالانو ته د سپیس ون له معلوماتو وروسته ویلي، چې یوه ستونزه د دې سیسټم د توغېدو خنډ شوې ده.
هغه په ډاګه نکړه، چې ستونزه څه ده.
کیشیموتو زیاته کړې، چې د توغندي د توغېدا مرکز ته هیڅ زیان نه دی رسیدلی او اور هم مړ شوی دی.
کایروس یوه تجربه لرونکې دولتي سپوږمکۍ لېږدوله، چې کولی یې شول په لنډمهاله توګه معلوماتي او استخباراتي سپوږمکۍ په مدار کې ځای پر ځای کړي.
که څه هم جاپان په فضایي سیالیو کې نسبتا کوچنی لوبغاړی دی؛ خو د توغندیو توغولو لپاره د ارزانه وسایطو د جوړولو هڅې کوي.
ساینس او ټیکنالوژي
فیسبوک او انسټاګرام له لنډې پرچاوۍ وروسته بېرته فعال شول
د رویټرز د څرګندونو له مخې؛ د سې شنبې پر ورځ د میټا اړوند فیسبوک او انسټاګرام د دوه ساعته تخنیکي ستونزو له کبله بېرته فعال او په ټوله نړۍ کې یې سلګونه زره کاروونکي اغېزمن کړل.
د میټا اړوند سرچینو ویلي؛ یوه تخنیکي مسله د دې لامل شوه، چې خلک زمونږ خدماتو ته د لاسرسي په اړه له ستونزې سره مخ شي.
د میټا ویاند انډي سټون په ایکس پاڼه کې له بشپړې څرګندونې پرته ولیکل، چې مونږ د خپلو اغېزمنو شویو لپاره اړوند مسله حل کړه .
سټون د فیسبوک او انسټاګرام له کاروونکیو څخه د دې ستونزې له پېښېدا بښنه وغوښته.
دا شرکت د WhatsApp او Threads په ګډون شاوخوا ۳ اعشاریه ۱۹ میلیارد ورځني فعال کاروونکي لري.
په هر حال د واټس اپ او ترایډ لپاره بندښت خورا کوچنی و.
د رویټرز د لیدل شويو پوسټونو له مخې؛ د میټا ډېرو کارمندانو په نامعلوم پیغام رسولو اپلیکیشن بلینډ کې څرګنده کړې، چې دوی نشي کولی خپل داخلي کاري سیسټمونو ته ننوځي. ان دوی حیران شول، چې له دندې ګوښه شوي دي.
د وېبپاڼو څارونکې ډاونډيټکټر څرګنده کړې، چې د فیسبوک پرچاوۍ په اړه ۳۰۰ زره او دغه راز د انسټاګرام د پرچاو کېدو په اړه ۲۰ زره شکایتونه ترلاسه شوي دي.
د یادونې ده، چې په ۲۰۲۱ ز. کال کې هم د فیسبوک، انسټاګرام او وټسآپ خدمات د تخنیکي ستونزو له کبله څو ساعتونه بند شوي وه.
-
تازه خبرونه2 days ago
وروستیو سیلابونو په افغانستان کې ۱۵۰۰ کورنیو ته زیانونه رسولي
-
نړۍ4 days ago
د جاپان دوه پوځي چورلکې بحر ته وغورځېدې
-
نړۍ2 days ago
د مالیزیا بحري ځواکونو د چورلکو په ټکر کې ۱۰ کسان مړه شول
-
تازه خبرونه4 days ago
د پاکستان سرحدونو وزیر د افغان کډوالو پر باعزته ستنېدا ټینګار وکړ
-
لوبی3 days ago
عینو مېنې، استقلال کابل او اټکانرژي فوټبال لوبډلې، خدیم افسي مات کړل
-
لوبی2 days ago
د موج ساحل لوبغاړي د جوانان واحدي لوبډلې پر وړاندې زړهراکښونکی ګول ترسره کړ
-
سیمه ییز خبرونه2 days ago
د ایران ولسمشر پر درې ورځني سفر پاکستان ته ولاړ
-
تازه خبرونه2 days ago
راشد خان د افغان بیسیم سوداګریز سفیر شو