تازه خبرونه
اکسین: حکومت دي د پارلماني ټاکنو نیټه معلومه کړي
حکومت باید ژر د پارلماني ټاکنو نیټه معلومه او د ټاکنیزو اصلاحاتو کمیسیون هم د چنګاښ له لومړۍ نیټې مخکې کار پیل کړي.
د مدني ټولنو د بنسټونو شبکه پر دې مطلب د ټینګار تر څنګ وایي، په داسې حال کې چې د چنګاښ په لومړۍ نیټه د ولسي جرګې د کارقانوني موده پای ته رسیږي، خو اړتیا ده چې حکومت د دې بنسټ د کار د دوام لپاره یوه قانوني حل ولټوي.
بلخوا د دې شبکې غړي زیاتوي چې په ټاکنیزو بنسټونو کې له پراخو اصلاحاتو پرته به هر ډول ټاکنې هېواد له کړکیچ سره مخامخ کړي.
د چنګاښ له لومړۍ نیټې وروسته د ولسي جرګې د قانوني کار د دوام په اړه اندیښنو، د ټاکنیزو اصلاحاتو د کمیسیون نه جوړېدو او د پارلماني ټاکنو د نیټې نه معلومېدو د مدني ټولنو د بنسټونو شبکه یا اکسین اړ کړه چې د یوې خبرې ناستې له لارې د ملي یووالي حکومت ته وړاندیزونه ولري.
دا شبکه له حکومت غواړي چې ژر دې ننګونو ته رسیدګي وکړي.
د مدني ټولنو د بنسټونو د شبکې د بورد غړیصدیق الله توحیدي:
” له سمونونو او د کمیسیون له لوري له جدي څېړنو پرته د ټاکنو ترسره کېدل به افغانستان له یوې بلې ننګونې سره مخ کړي. اول خو دا چې ښایي ټاکنې ترسره نه شي، او که تر سره هم شي، نو په اوسني ټاګنیز کمیسون کې له سمونونو پرته ټاکنې به ستونزې راولاړې کړي.”
بلخوا د مدني ټولنو د بنسټونو د شبکې غړي د ملي یووالي له حکومت یو لړ غوښتنې هم لري.
د مدني ټولنو د بنسټونو د شبکې غړیشعیب ناصري:
” د اکسین شبکه وړاندیز کوي چې د ټاکنیزو سمونونو کمیسیون دې د چنګاښ له نیټې مخکې رامنځ ته شي او نیټې ته په پام سره دنده ورته وسپارل شي تر څو یو داسې وړ مهال ویش رامنځ ته شي چې هم ټاکنیز سمونونه او د حکومت مشروعیت دواړه پکې په پام کې ونیول شي.”
دا په داسې حال کې ده چې مخکې له دې ولسمشر غني د ټاکنو خپلواک کمیسیون ته لارښونه کړې چې دټاکنو نیټه له لسو ورځو څخه په کمه موده کې معلومه کړي، خو د مدني ټولنو د بنسټونو شبکه په ټاکنیزو بنسټونو کې له اصلاحاتو پرته هر ډول ټاکنې جنجالي او د هېواد پر زیان بولي.
تازه خبرونه
شهاب الدین دلاور او ورسره مل پلاوي د مس عینک کان له اړوند سیمو لیدنه وکړه
د کانونو او پټرولیم وزارت چارسمبالي او ور سره مل پلاوي د چارشنبې پر ورځ د غویی نولسمه د مس عینک کان له بېلابېلو سیمو او د عینک سیمې له لرغونو آثارو لیدنه وکړه.
لوګر ولایت ته په دې سفر کې د کانونو او پټرولیم وزارت له چارسمبالي شهاب الدین دلاور سره د اطلاعاتو او کلتور وزارت چارسمبالي ملا خیرالله خیرخواه، په کابل کې د چین هېواد سفیر ژاو شینک، د MCC شرکت چارواکو، والي ضیاءالرحمن مدنی او د انرژۍ او اوبو وزارت مرستیال ملتیا کوله.
د کانونو او پټرولیم وزارت د څرګندونو له مخې؛ په دې اړه یوه ناسته هم تر سره شوه، چې په کې د MCC شرکت چارواکو د مس عینک کان د سړک جوړولو، د لرغونو آثارو ساتنې د پلان د وروستي کېدو او د عملي کار د پیل په اړه هر اړخیز معلومات وړاندې کړل.
د یاد شرکت چارواکو ویلي، چې د مس عینک کان د پروژې له عملي پیل سره به په سیمه کې لرغونو آثارو ته زیان ونه رسیږي.
دغه راز د اطلاعاتو او کلتور وزارت چارسمبالي هم د دغې سيمې د لرغونو آثارو او د هغو د ساتنې په اړه خبرې وکړې او د پروژې د کار د ګړندي کولو لپاره يې د همکارۍ ژمنه وکړه.
د انرژۍ او اوبو وزارت مرستیال هم د مس عینک کان د برښنا او اوبو رسولو په برخه کې د دې وزارت له همکاریو ډاډ څرګند کړ.
ویل کیږي، چې د لوګر مس عینک کان تړون له یوې چینايي کمپنۍ سره ۱۶ کاله پخوا لاسلیګ شوی دی؛ خو د دغه کان استخراج اوس هم ندی پیل شوی.
تازه خبرونه
سعودي عربستان ته د افغان حاجیانو د لېږد بهیر پیل شو
د ارشاد، حج او اوقافو وزارت چارسمبالي نور محمد ثاقب ويلي، چې له افغانستان څخه سعودي عربستان ته د حاجیانو د لېږد بهیر پیل شوی دی.
د نورمحمد ثاقب د څرګندونو له مخې؛ تېره شپه (چارشنبه د غویي نولسمه) شاوخوا ۲۳۰ حاجیان په لومړۍ الوتنه کې مدینې منورې ته ولېږدول شول.
نوموړي د افغان حاجيانو د لومړي کاروان د لېږد په مراسمو کې ويلي، چې سږ کال يې حج کوونکیو ته د غوره خدمتونو د وړاندې کولو لپاره د نورو کلونو په پرتله د کاري کمیټې کارکوونکي سعودي عربستان ته مخکې لېږلي دي.
دغه راز د ریاست الوزراء اداري مرستیال عبدالسلام حنفي په دې مراسمو کې حاجیانو ته په خطاب کې ویلي: ګرانو حاجیانو! تاسې په سعودي عربستان کې د افغانانو استازي یاست؛ نو دغه استازیتوب په ښه توګه ترسره کړئ.
عبدالسلام حنفي زیاته کړې؛ د ارشاد، حج او اوقافو وزارت په هلو ځلو تېرو کلونو ته ورته سږ کال هم د حج ټول فعالیتونه په منظم ډول ترسره شوي دي.
له دې مخکې د حج او اوقافو وزارت اعلان کړی و، چې سږ کال سعودي عربستان افغان حاجیانو ته ۳۰ زره سهمیه ورکړې ده.
ویل کیږي، چې آریانا افغان او کام ایر شرکتونو ته سږکال هم د افغان حاجیانو د لېږد او راستنولو مسوولیت سپارل شوی دی.
تازه خبرونه
تېر کال پر زړه د سوريو ۷۰۰ ماشومانو درملنه وشو – سره میاشت
د افغانستان په سویل لویديځ کې سره میاشت ادارې ويلي؛ تېر کال يې پر زړه سوريو ٧٠٠ ماشومانو درملنه کړې او په پام کې ده، چې سږ کال د ١٥ زره اړوند ماشومانو درملنه وکړي.
سره صلیب او سرې میاشتې ټولنې نړیواله ورځ د بشریت ژوندي ساتلو تر سرلیک لاندې ولمانځل شوه. په دې مراسمو کې د رییس الوزار سیاسي مرستیال له نړیوالې ټولنې وغوښتل، چې افغانستان هېر نه کړي، ځکه دا هېواد له اقتصادي ستونزو، زلزلو، طبیعي پېښو او کډوالو جبري شړلو سره مخ دی او اسلامي امارت نشي کولی دا ستونزې په یوازې سر حل کړي.
د رییس الوزرا سیاسي مرستیال مولوي عبدالکبیر ويلي؛ نړیواله ټولنه باید افغانستان له بشري اړخه هېر نکړي؛ ځکه، چې بشري همکارۍ ته اړتیا لري.
هغه وایي؛ بانکي بنديزونو او د مرستو کمېدو د افغانستان اقتصادي وضعيت پېچلى کړى او د اسلامي امارت فعاليتونه يې محدود کړي دي، نو باید د افغانستان شتمنۍ ازادې شي.
د مولوي عبدالکبیر د څرګندونو له مخې؛ د مرستو کمښت او د بانکي بندیزونو دوام د اسلامي امارت پر فعالیتونو منفي اغېز کړی دی.
د اسلامي امارت دغه چارواکي زیاته کړې، چې اسلامي امارت له نړۍ سره د متقابل احترام له مخې دوه اړخیزې اړیکې غواړي.
په افغانستان کې د سره صليب کمیټه هم د افغانستان له خلکو سره د دې بنسټ د فعاليتونو او همکاريو پر دوام ټينګار کوي.
په افغانستان کې د سره صلیب نړیوالې کمیټې رییسه کترینا ریتز ویلي: د سره صليب نړيواله کمیټه او افغاني سرې مياشتې ټولنه په ګډه کار کوي او غواړي، چې له زيانمنو شويو ټولنو سره مرستې وکړي، د دوی اساسي اړتياوې پوره او هغوی ته بنسټیز خدمتونه وړاندې کړي.
افغانني سرې میاشتې ټولنې ویلي، چې د مرستندویه بنسټونو پر وړاندې کومه ستونزه نشته او دوی کولی شي مرستې د هېواد لرې پرتو سیمو ته ورسوي.
-
تازه خبرونه3 days ago
د پاکستان خاوره د افغانستان پر ضد کارول کیږي
-
نړۍ3 days ago
حماس او اسرائیل کولی شي په غزه کې د اوربند په اړه واټن راکم کړي – امریکا
-
تازه خبرونه3 days ago
د سې شنبې پر ورځ خراسان او سرخ پوشان لوبډلو لوبه وګټله
-
تازه خبرونه3 days ago
دولتي بنسټونه د برښنا له شرکت څخه یو نیم میلیارډ افغانۍ پوروړي دي
-
سوداگري2 days ago
ازبکستان او پاکستان د افغان ټرانس اوسپنېپټلۍ پروژې پر پیلېدا ټینګار څرګند کړ
-
نړۍ5 days ago
د غزې په جګړه کې مو د مصر او قطر د اوربند وړاندیز منلی – حماس
-
لوبی2 days ago
ابو مسلم او عدالت فراه مساوي شول او میوند لوبډلې جوانان واحدي ته ۲ ګولونه ورکړل
-
لوبی4 days ago
اټک انرژی جوانان واحدي لوبډله او عینو مېنې خدیم ماټ کړل