تازه خبرونه
اکلیل احمد حکیمي د مالیې د وزیر په توگه خپل کارپیل کړ
نن د ( سلواغې ۱۳) د مالیې وزیراکلیل احمد حکیمي رسماً خپل کار پیل کړ.
نوموړی وایي:
لومړی تر هر څه له ولسمشر او ولسي استازیو مننه کوم، چې ماته یې په مالیې وزارت کې د کارکولو واک راکړ.
ښاغلي حکیمي په ډاگه کړه،. چې قانون به د مالیې په وزارت کې پلی کیږي.
ده له خپلو همکارانو هیله وکړه، چې د قوم ، خپلوۍ او یا نورو نومونو چا ته د بدې گټې اخیستنې اجازه ور نه کړي.
ښاغلي حکمي د هر راز فساد په مخنیوي کې د گړنديکار ډاډ هم څرگند کړ.
اکلیل احمد حکیمي د ولسمشر د لومړي مرستیال ستر جنرال عبدالرشید دوستم او اقتصادي سلاکار حضرت عمر زاخېلوال له لوري خپل وزارت ته وروپېژندل شو.
ښاغلي اکلیل احمد حکیمي د یو ډاډمن او تل پاتي مالي سیاست د لرلو هیله په ډاگه کړه.
دا په داسې حال کې ده ، چې تېره ورځ د( سلواغې۱۲) د ولسمشر غني او اجرائیه رییس عبدالله له لوري اته وزیرانو او د ملي امنیت رییس خپلو وزارتونو ته د ډامن کار لوړه کړې ده.
د یادونې وړ ده، چې نوموړي له دې وړاندې په امریکا کې د افغانستان لوی سفیر و.