نړۍ
ایران به په ډېر لږ وخت کې د اتومي وسلو لرونکی شي – راپور
رویټرز د امریکايي چارواکو د څرګندونو له مخې په ډاګه کړې، چې ایران به په ډېر لږ وخت کې د اټومي وسلو د جوړولو لپاره په پوره کچه یورانیم غني کړي.
امریکايي چارواکو ته دا مسله د اندېښنې وړ ښکاره شوې ده.
یوه امریکايي چارواکي د نوم نه ښودلو پر شرط ویلي، چې ایران د اټومي وسلو د جوړولو لپاره لږ وخت ته اړتیا لري.
دغه چارواکي ویلي: وخت یې په رښتیا رالنډ شوی او حتمي لنډ دی.
دغه راز په دوبۍ کې د امریکا د خزانې یوه چارواکي د خصوصي شرکتونو مشرانو ته ویلي، چې پر ایران بندیزونه باید له پامه ونه غورزول شي.
هغه زیاته کړې: که تاسې بندیزونه لغوه کړئ، امریکا به له تاسې سره ګوري او ښې پایلې به ونلري.