Connect with us

سیمه ییز خبرونه

بهرنيو تازه ميوو د كورنيو ميوو بازار اغېزمن كړى

خپور شوی

د

(Last Updated On: لړم ۳, ۱۴۰۱)

له بهرنيوهېوادونوڅخه هېواد ته له اندازې د زياتې تازه ميوو واردولو د كورنيو ميوو بازار اغېزمن كړى دى.

د تازه ميوو يوشمېر پلورونكي او بڼوال د دې ټكي په څرگندولو وايي:

د سوداگرى وزارت بايد د ورته ميوو د واردولو مخنيوى وكړي او بهرته د افغان محصولاتو د صادرولو زمينه برابره كړي.

د سوداگرۍ وزارت وايي:

په روان كال كې بهرته د تازه ميوو صادرات ډېرشوي؛ خو د صادراتو په وړاندې ستره ستونزه د محصولاتو په تړلو كې بې غوري بولي.

د كرنې او مالدارۍ وزارت د شمېرنې له مخې، سږ كال د افغان محصولاتو په ځانگړي توگه ميوو زياتوالى د تېرو څو كلونو په پرتله بې سارى دى.

يو شمېر بڼوال او د ميوو پلورونكي د كرنيزو محصولاتو زياتوالى د هېواد د اقتصاد په گټه نه بولي.

دا ځل بڼوال او د ميوو پلورونكي د بازار له نه شتون او د بهرنيو په ځانگړي توگه د ايراني ميوو له واردولو شكايت كوي.

د سوداگرۍ او صنايعو وزارت د دې ننگونې په منلو وايي:

له دې سره، سره د روان كال په شپږ لومړنيو مياشتو كې له۵۰ زره ټنو ډېره ميوه بهرنيو بازارونو ته صادره شوې ده.

د سوداگرۍ او صنايعو وزارت وياند وحيد الله غازي خېل وايي:

د نړيوالو بازارونو له غوښتنو سره سم د افغان ميوې تړلو ته ډېره پاملرنه نه كيږي او همدا چاره د دې لامل شوې، چې افغان ميوې بهرنيو بازارونو ته لار ونه مومي.

كه څه هم له يوې مياشتې زياته موده كيږي، چې ايران افغانستان ته د خپلو ډېرو توكو صادرات بند كړي؛ خو دا، چې تازه ميوه ژر خرابيږي، نو د ايران له لوري افغانستان ته د ميوو صادرات روان دي.

Advertisement

سیمه ییز خبرونه

سعودي عربستان به په پاکستان کې پر بېلابېلو پروژو پانګونه وکړي

Published

on

(Last Updated On: وری ۲۹, ۱۴۰۳)

د سعودي عربستان بهرنیو چارو وزیر د سې شنبې پر ورځ ( د وري اته‌ویشتمه) ویلي، چې هېواد به یې په پاکستان کې پر بېلابېلو پروژو د پام وړ پانګونه وکړي.

د پاکستان بهرنیو چارو وزیر ویلي، چې سعودي پانګوال پر کرنه، کانونو، معلوماتي ټکنالوژۍ او هوايي چلند په اړوند برخو کې پانګونې ته لیواله دي.

له دې مخکې اسلام‌آباد اعلان کړی و، چې سعودي عربستان په پاکستان کې د ۵ میلیارډ ډالرو پانګونې ته ژمن دی.

د دوشنبې پر ورځ ( د وري اووه‌ویشتمه) د سعودي هېواد بهرنیو چارو وزیر شهزاده فیصل بن فرحان بن عبدالله له پاکستان سره د اقتصادي همکاریو د پیاوړتیا لپاه د یوه پلاوي پر مشرۍ اسلام‌آباد ته رسېدلی دی.

د پاکستان بهرنیو چارو وزیر اسحاق ډار یوې خبري غونډې ته ویلي، پاکستان د سعودي پلاوي ته د پانګونې لپاره د احتمالي پروژو په اړه بشپړ معلومات ورکړل.

د سعودي بهرنیو چارو وزیر ویلي، چې د پانګونې د احتمالي فرصتونو په اړه د پاکستان حکومت یادونه د ستاینې وړ ده.

هغه وایي: دا مونږ ته اړین باور راکوي، چې پر ارزښتمنو پروژو پانګونه وکړو.

هغه زیاته کړې: زه ډاډه یم، چې مونږ به د پام وړ ګامونه پورته کړو.

د سعودي عربستان لوړ پوړی پلاوی؛ د پاکستان د لومړي وزیر شهباز شریف او د سعودي ولیعهد محمد بن سلمان ترمنځ په مکه‌مکرمه کې د وروستۍ لیدنې پر مهال د دواړو هېوادونو ترمنځ د اقتصادي همکاریو د پیاوړتیا پر هوکړه لیکونو، د خبرو لپاره راغلی دی.

شهباز شریف تېره اوونۍ له سعودي ولیعهد سره ملاقات کړی و او د پېنځه اربه ډالرو د پانګونې د ګړندي کولو په اړه یې خبرې اترې کړې وې. پاکستان ته پکار ده، چې د بهرنیو اسعارو د کمېدو زیرمې راکمې کړي او بهرني پورونه ورکړي.

د پاکستان د مالیې وزیر محمد اورنګ زیب د پیسو د نړیوال صندوق او نړیوال بانک په پسرلنیو غونډو کې د ګډون لپاره په واشنګټن کې دی او هلته به د پور د نوي پروګرام لپاره رسمي خبرې پیل کړي.

دا لیدنه په داسې حال کې تر سره کیږي، چې پاکستان د پیسو له نړیوال صندوق څخه د څلیریشتمې مالي مرستې د ترلاسه کولو په لټه کې دی.

Continue Reading

سیمه ییز خبرونه

په کندهار کې د میانکو بند له اوبو ډک شو

Published

on

(Last Updated On: وری ۲۸, ۱۴۰۳)

د کندهار ښار د دولسمي حوزې اړوند په میانکو سیمه کې وروستیو بارانونو د میانکو بند له اوبو ډک کړی دی.

د کندهار ولایت مقام رسنیز مرکز زیاته کړې؛ د میانکو اوبو بند څه وخت مخکې د یو‌این‌ډي‌پي موسسې پر مالي لګښت جوړ او ګټي اخیستني ته وسپارل شو.

د سرچینې د څرګندونو له مخې، وروستیو بارانونو دا بند له اوبو ډک کړ او هم یې  زرګونو کورنیو ته د سیلابي اوبو د ورتلو مخه نیولې ده.

ویل کیږي، چې دغه بند یونیم میلیون متره مکعب اوبه ذخیره کوي او نه یوازې یې د کندهار د شپږو ناحیو ۱۲ زره کورنۍ له سیلابي اوبو څخه ژغورلي، بلکې تر ځمکې لاندي اوبو کچه ورسره لوړه شوې او هم یې هېوادوالو ته د دمې او نندارې ښه زمینه برابره کړې ده.

Continue Reading

سیمه ییز خبرونه

پر ایران به د اسرائیلو برید له سخت ځواب سره مخ شي

Published

on

(Last Updated On: وری ۲۶, ۱۴۰۳)

د ایران اسلامي انقلاب د سپاه پاسداران عمومي قومندان اسرائیلو ته خبرداری ورکړ، چې که د ایران د غچ اخیستونکیو عملیاتو ځواب ورکړ شي؛ نو د تهران غبرګون به نور هم سخت وي.

د ایران د سپاه پاسداران سرلښکري  حسین سلامي د یکشنبې پر ورځ ( د وري شپږویشتمه ) ویلي: دا رژیم باید خپل پخوانی چلند ودروي او له دې برید څخه دې عبرت واخلي. که یاد رژیم کوم غبرګون وښيي؛ نو یقینا زموږ غبرګون به د دې نوې تجربې پر بنسټ، چې مونږ د دوی له وړتیاوو څخه ترلاسه کړي، ډېر سخت وي.

نوموړي وایي: له دې وروسته که دا رژیم زمونږ پر ګټو، شتمنیو، شخصیتونو او هېوادوالو هر ډول برید وکړي؛ د ایران اسلامی جمهوریت له دننه څخه به له ځوابي بریدونو سره مخ شي.

د شنبې پر شپه ناوخته په سوریه کې د ایران پر ډیپلوماټیک ماموریت د برید په ځواب کې ایران پر اسرائیلو د ډرون او توغنديو پراخ بریدونه پیل کړل.

د یکشنبې پر سهار د ایران د پوځ ستر درستیز تورن جنرال محمد باقري څرګنده کړې: دوی پر اسرائیلو خپل غچ اخیستونکي بریدونه پای ته رسولي او خبرداری یې هم ورکړ، چې که اسرائیل ځواب ورکړي؛ نو له “پراخ ” غبرګون سره به مخ شي.

باقري د یکشنبې پر سهار ویلي: زمونږعملیات پای ته رسیدلي؛ خو وسله‌وال ځواکونه چمتو دي او د اړتیا په صورت کې به عمل کوي.

Continue Reading

Trending

Copyright © 2022 Ariana News. All rights reserved!