سیمه ییز خبرونه
بېات بنېاد د نورو كلونو په څېر په روان ژمي كې هم خپلې ژمنۍ مرستې پېل كړې
په دغه مرستو كي د خوراكي توكو په شمول د ژمي گرمې جامي او يو شمېر نور تو كي شا مل و، چي له كابل څخه پېل او په پروان كي يې هم په بې وزلو او دا خلي بېځاېه شويو خلكو ووېشلي.
د بېات بنېاد له خوا په بې وزلو او بې ځاېه شوېو كورنيو د ژمنيو مرستو لړى د ژمي تر رارسېدو وړاندې له كابله پېل شوې وه.
بېات بنېاد د نورو كلونو په شان په روان ژمي كې هم په اړو خلكو د خوراكي توكو تر څنگ، د ماشومانو لپاره تودې جامي، كمپلې او خوراكي توكي لكه وريژې او اوړه وېشي.
د دغه بنسټ د مرستيال حاجي محمد اسماعيل لخوا په پروان كې پر خلكو مرستې ووېشل شوې.
نوموړي وويل:
د روان ژمي تر پاېه به دغه مرستې د ټول هېواد په كچه اړو خلكو ته ورسول شي.
د دغه مرستو د وېش پروخت د پروان د ولاېتي شورا غړي هم حاضر وه، چي د دوهم ځل لپاره په دغه خلكو مرستې ووېشل شوې.
د پروان ولايت د ولايتي شورا غړى عبد الظاهر سالنگي وايي:
د بېات بنېاد يو اځينې بنسټ دى، چې په ډ ېرو سختو شرايطو كې يي له دغو خلكو سره مرسته وكړه.
په همدې وخت كې مرسته شوي خلك هم د بېات بنېاد له مرستو څخه مننه كوي او وايي:
د ژمي په سختو شرايطو كي دا يواځينى بنسټ دى، چي له دوى سره مرسته كوي او تر اوسه له دې پرته هېچا له دوى سره مرسته نده كړې، چې له سختو ستونزو سره مخ دي.
د بېات بنېاد د ټول هېواد په كچه يو له هغه خېرېه بنسټونو څخه دى، چي له تېرو څو كلونو راهيسې په افغانستان كې له خپلو هېوادوالو سره په بېلا بېلو برخو كې مرسته كوي.
د دغه بنسټ له خو تر اوسه په ټول هېواد كې په لسگونه روغتونونه، ښوونځي پلونه جوړ شوي او د طبعي پېښو په وخت له زيانمنو خلكو سره خپلي مرستي كوي.
سیمه ییز خبرونه
پوتین د ولسمشرۍ بله ۶ کلنه لوړه وکړه
د روسیې ولسمشر ولادیمیر پوتین د سې شنبې پر ورځ د غویی اتلسمه په کرملین ماڼۍ کې د یو لړ مراسمو پر مهال د دغه هېواد د ولسمشر په توګه خپل نوی شپږ کلن پېر پیل کړ.
پوتین له دې مخکې څلور ځله د روسیې د اساسي قانون د ساتنې لوړه کړې ده.
ولادیمیر پوتین له ۱۹۹۹ ز.کال راپدیخوا د روسیې په سیاسي ډګر کې د ولسمشر یا لومړي وزیر په توګه خپل واک ساتلی دی.
۷۱ کلن پوتین په تېر مارچ کې د روسیې د ولسمشریزو ټاکنو ګټونکی وپېژندل شو.
د هغه تر ټولو نومیالی سیال الکسي ناوالني یوه میاشت مخکې د شمالي قطب په یوه زندان کې ناڅاپه مړ شو.
د الکسي ناوالني میرمنې په یوټیوب کې د ولسمشرۍ د لوړې له مراسمو مخکې یوه ویډیو خپره کړه؛ پوتین یې ظالم او قاتل یاد کړی او له پلویانو یې وغوښتل، چې د پوتین پر وړاندې مبارزه روانه وساتي.
امریکا، بریټانیا او یو شمېر نورو هېوادونو د پوتین د لوړې له مراسمو ډده کړی ده.
د امریکا بهرنیو چارو وزارت ویاند مټیو میلر د دوشنبې پر ورځ ویلي: مونږ به د هغه د لوړې په مراسمو کې استازی ونلرو. مونږ د [روسیې] ټاکنې ازادې او عادلانه نه ګڼو؛ خو پوتین د روسیې ولسمشر دی او په اټکل کیږي، چې خپل کار به روان وساتي.
د آلمان خبري آژانس او د اروپايي اتحاديې د ډيپلوماتانو د څرګندونو له مخې؛ ځينو هېوادونو لکه فرانسې، هنګري او سلواکیا د پوتين د لوړې مراسمو ته د اړیکو د ساتلو لپاره خپل استازي استولي دي.
ولادیمیر پوتین، چې لږ تر لږه ۲۵ کاله په واک کې پاتې دی؛ تر ۲۰۳۰ پورې به د روسیې د ولسمشر په توګه خپلې دندې ترسره کوي.
سیمه ییز خبرونه
په هر حال پر رفح برید شونی دی – نتانیاهو
د رویټرز خبري آژانس د راپور له مخې؛ که د اوبند او یرغمل خوشې کولو هوکړه وشی او که نه، اسرائیل به د غزې په جنوبي ښار رفح کې د حماس پر ضد خپل عملیات ترسره کوي.
نتانیاهو د خپل دفتر په خبرپاڼه کې څرګنده کړې: دا نظر، چې مونږ به د ټولو اهدافو ترلاسه کولو مخکې جګړه دروو؛ پر بحث او خبرو نه ارزي.
سیمه ییز خبرونه
د دوبۍ واکمن د هوایي ډګر د نوي ټرمینل جوړولو لپاره ۳۵ میلیارډ ډالر تصویب کړل
د دوبۍ واکمن شیخ محمد بن راشد آل مکتوم د یکشنبې پر ورځ په ایکس پاڼه کې لیکلي؛ د آل مکتوم نړیوال هوایي ډګر د مسافرینو د نوي ترمینل جوړولو لپاره ۱۲۸ میلیارډ درهم ( ۳۴ اعشاریه ۸۵ میلیارډ ډالر) تصویب شوي دي.
د رویټرز د راپور له مخې؛ د آل مکتوم نړیوال هوایي ډګر په نړۍ کې ترټولو لوی دی، چې د ۲۶۰ میلیون مسافرینو وړتیا لري او له دوبۍ نړیوال هوایي ډګر څخه به پېنځه چنده لوی وي.
دغه راز څرګنده شوې، چې په راتلونکیو کلونو کې به د دوبۍ هوایي ډګر ټول عملیات آل مکتوم ته ولیږدول شي.
د آل مکتوم هوايي ډګر به د ټرمینل ۴۰۰ دروازې او پېنځه ځغاستلیکې هم ولري.
د دوبۍ د اماراتو دولتي هوايي شرکت رییس شیخ احمد بن سعید آل مکتوم ویلي: دا هوايي ډګر به د اماراتو او د هغه د خور د لږ لګښت لرونکي هوايي شرکت فلای دوبۍ نوی کور وي او د ټولو هوايي شرکتونو له شریکانو سره، چې نړۍ له دوبۍ سره نښلوي؛ مل پاتې شي.
د دوبۍ د میډیا دفتر او د دوبۍ د هوایي ډګرونو اجرائیوي رییس پاول ګریفیټس څرګنده کړې؛ دا هڅه په نړۍ کې د هوایي چلند د مخکښ مرکز په توګه د دوبۍ موقعیت نور هم پیاوړی کوي.
-
تازه خبرونه2 days ago
الله ګل مجاهد د قتل پر تور ونیول شو
-
تازه خبرونه2 days ago
په بغلان کې سېلابونو ۱۹۴۵ کسانو ته مرګ او ژوبله اړولې
-
سوداگري2 days ago
افغانستان او پاکستان د بار وړونکیو موټرو پر نوي ټرانسپورټي میکانیزم هوکړه وکړه
-
تازه خبرونه1 day ago
د اسلامي هېوادونو همکاریو ټولنې د افغانستان له سیلاب ځپلیو سره د مرستې غوښتنه وکړه
-
تازه خبرونه2 days ago
څو ایراني شرکتونو د افغانستان په کانونو کې د پانګونې پرېکړه وکړه – قدیر قیافه
-
تازه خبرونه1 day ago
د حج او اوقافو وزارت چارسمبالي د ترکیې له ولسمشر سره وکتل
-
نړۍ14 hours ago
انټوني بلینکن اوکراین ته رسېدلی
-
نړۍ2 days ago
په برازیل کې د سیلابونو له کبله د مړو شویو شمېر ۱۴۳ کسانو ته پورته شو