Connect with us

تازه خبرونه

ترمپ د تنفسي ستونزو له کبله روغتون ته ولیږدول شو

خپور شوی

د

د امریکا ولسمشر دونالد ترمپ د جمعې پر ورځ ومنله، چې پر کرونا ویروس اخته او د تنفسي ستونزو له کبله په نظامي روغتون کې بستر شوی دی.

ترمپ د جمعې پر ماسپښین په داسې حال کې د سپینې ماڼۍ په شنه چمن کې د ولاړې مارین ون چورلکې پر لوري روان شو، چې ماسک او چپن یې پرغاړه ول؛ د واشنګتن شمالي لوري ته د پروت والتر رید ملي طبي مرکز پر لوري یې لنډ الوت تر سره کړ.

داکترانو ویلي، چې دونالد ترمپ ستړی؛ خو ښه روحیه لري.

تر دې دمه د ترمپ درملنه پر کوکتل او ریمدیسیویر انتي ویروس درملو روانه ده.

تجربو ښودلې چې ریمدیسیویر په اصل کې د ایبولا د درملنې لپاره رامنځته شوي درمل دي، چې کولی شي د نښو کچه راټیټه کړي.

د ولسمشر ترمب خانګړی داکتر شان کانالی ویلی؛ له دې ډېر خوښ او خوشحاله یم، چې د ولسمشر ترمپ روغتیایي حالت ښه دی.

د میرمن ترمپ میلانیا په ګډون هغو نورو، چې له ترمپ سره نږدې اړیکې درلودې؛ آزموینه یې مثبته ده.

په دوی کې هوپ هیکس هم شته، چې د ترمپ نږدې همکار دی او ویل کیږي نوموړی هغه کس دی، چې د کرونا نښې په کې لومړی په ډاګه شوي. دغه راز یې د کمپاین مشر بیل ستپین او د سپینې ماڼۍ پخوانی سلاکار کلیان کانوی هم شته.

ولسمشر ترمپ ویلي؛ زه فکر کوم، چې زه ښه یم؛ مونږ غواړو ډاډ ترلاسه کړو، چې هرڅه سم پرمخ ځي او لومړۍ میرمن هم  ښه ده. ډېره مننه.

ترمپ دمګړۍ ۷۴ کلن دی؛ خو ځان ښه احساسوي.

د سپینې ماڼۍ د اړیکو مشره آلیسا فرح ویلي، چې ولسمشر خپل مرستیال مایک پنس ته واک ن دی سپارلی  او اوس هم مسوول دی.

د امریکا د اساسي قانون له مخې؛ که د دونالد ترمپ وضعیت دومره خراب شي، چې هغه نشي دنده سمه تر سره کړي؛ نو د هغه واکونه به په لنډمهاله توګه د هغه مرستیال مایک پنس ته سپارل کیږي.

که داسې پېښه شي؛ نو مایک پینس، چې د کرونا آزموینه یې منفي ده؛ د ترمپ تر بېرته راستنیدو پورې به د لنډمهاله ولسمشر په دنده تر سره کوی.

تازه خبرونه

چینايي کارګر د افغانستان پولې ته نږدې د لویې لارې جوړولو کار ته راستانه شول

د راپور له مخې، د ۲۰۲۵ز. کال په وروستیو کې د بنسټیزو ودانیو پر ډلو له خونړیو بریدونو او امنیتي اندېښنو وروسته د دې پروژې چارې درېدلې وې. هغه مهال د چین حکومت هم له خپلو وګړو غوښتي وه، چې سرحدي سیمې پرېږدي.

Published

on

اوراسیانټ رسنۍ راپور ورکړی، چې چینایي کارګر له څو میاشتو ځنډ وروسته د تاجکستان د دوشنبه–کولما لویې لارې د یوې برخې د جوړولو کار بېرته پیل کړی دی.

د راپور له مخې، د ۲۰۲۵ز. کال په وروستیو کې د بنسټیزو ودانیو پر ډلو له خونړیو بریدونو او امنیتي اندېښنو وروسته د دې پروژې چارې درېدلې وې. هغه مهال د چین حکومت هم له خپلو وګړو غوښتي وه، چې سرحدي سیمې پرېږدي.

اوراسیانټ لیکلي، چې تاجکستاني چارواکو بېجینګ ته د امنیتي ډاډ پر ورکولو د دې پروژې د بیا پیل زمینه برابره کړې او اوس د تاجکستان ځانګړي امنیتي ځواکونه د چینايي کارګرو امنیت ساتي.

په راپور کې راغلي؛ ټاکل شوې، چې د چین او تاجکستان امنیتي ځواکونه په سپټمبر کې ګډ پوځي روزنیزې هڅې ترسره کړي.

له دې مخکې دواړو هېوادونو د روان کال په می کې د «دوستۍ تړون» لاسلیک کړی و، چې د چینايي شرکتونو په ګډون یې د ۸ میلیارډ ډالرو پر ارزښت قراردادونو ته لاره هواره کړې ده.

Continue Reading

تازه خبرونه

هیڅ ګاونډ هېواد خپل بل ګاونډی له منځه وړلی نه‌شي؛ جګړه د حل لار نه‌ده – عبدالسلام حنفي

هغه دا څرګندونې په کابل کې د صنعت او کانونو د اوونۍ د پېنځم ملي او نړیوال نندارتون د پرانیستې په مراسمو کې وکړې او څرګندوي، چې په یوویشتمې پېړۍ کې جګړه د ستونزو حل نه‌دی او باید د هېوادونو سرچینې او انرژي د ویجاړولو پر ځای پر پرمختګ او ودې ولګول شي.

Published

on

د ریاست‌الوزراء اداري مرستیال عبدالسلام حنفي وایي، هیڅ ګاونډ هېواد نه‌شي کولی بل ګاونډ هېواد له منځه یوسي او د اختلاف په صورت کې دواړه لوري زیانمن کېږي.

هغه دا څرګندونې په کابل کې د صنعت او کانونو د اوونۍ د پېنځم ملي او نړیوال نندارتون د پرانیستې په مراسمو کې وکړې او څرګندوي، چې په یوویشتمې پېړۍ کې جګړه د ستونزو حل نه‌دی او باید د هېوادونو سرچینې او انرژي د ویجاړولو پر ځای پر پرمختګ او ودې ولګول شي.

عبدالسلام حنفي ویلي:« که مونږ له یو بل سره جګړه وکړو، ټوله انرژي به مو د یو بل پر ویجاړولو ولګیږي؛ ولې باید په دې پېړۍ کې خپله انرژي د ملتونو د پرمختګ لپاره ونه‌کاروو؟»

هغه د نړیوالو جګړو تجربو ته په نغوته کې ویلي: هغه هېوادونه، چې پخوا په جګړو کې ښکېل ول؛ اوس دې پایلې ته رسېدلي، چې جګړه حل نه‌ده او باید د پرمختګ او همکارۍ پر لوري حرکت وشي.

د ریاست‌الوزراء اداري مرستیال ټینګار کړی، چې د اسلامي امارت سیاست له ټولو هېوادونو سره د متقابل احترام او نه‌لاس‌وهنې پر بنسټ سوله‌ییز ژوند دی.

هغه زیاته کړې؛ د همدې سیاست له مخې هیڅ فرد یا ډله اجازه نه‌لري، چې د افغانستان له خاورې د نورو هېوادونو پر ضد استفاده وکړي او په مقابل کې هیڅ هېواد هم د افغانستان په کورنیو چارو کې د لاسوهنې حق نه‌لري.

حنفي همدارنګه ویلي، چې په دې نندارتون کې د کورنیو تولیداتو نندارې ته وړاندې کول د افغانستان د صنعتي ودې ښکارندویي کوي.

هغه زیاته کړې، چې څو لسیزو جګړو افغانستان له هر اړخه زیانمن کړی او اسلامي امارت د جګړې د پایلو د کمولو او د سوداګرۍ د پراختیا لپاره هڅې کوي.

حنفي وایي؛ هڅه کېږي، چې افغانستان له وارداتي هېواد څخه پر صادراتي هغه بدل شي.

هغه د صنعتکارانو د ملاتړ لپاره د شاوخوا ۲۵ ډول آسانتیاوو د برابرولو یادونه کړې، چې په کې د صنعتي ځمکو وېش، د مالیاتي معافیتونو او نورو آسانتیاوو برابرول شامل دي.

هغه له پانګه‌والو غوښتي، چې د هېواد په کانونو او نورو برخو کې پانګونه وکړي او له رامنځته شویو فرصتونو څخه بشپړه ګټه واخلي.

Continue Reading

تازه خبرونه

روسیې له افغانستان او پاکستان څخه د اختلافونو د ډیپلوماټیک حل غوښتنه وکړه

د یاد وزارت په خبرپاڼه کې پر ختیځو سیمو د پاکستان وروستیو هوايي بریدونو ته نغوته شوې او دا پېښه یې «غم‌لړلې» بللې ده.

Published

on

 

د روسیې بهرنیو چارو وزارت له افغانستان او پاکستان وغوښتل، چې د وروستیو ترینګلتیاوو د پای ته رسولو لپاره خپل اختلافونه د خبرو او ډیپلوماټیکو لارو حل کړي.

د یاد وزارت په خبرپاڼه کې پر ختیځو سیمو د پاکستان وروستیو هوايي بریدونو ته نغوته شوې او دا پېښه یې «غم‌لړلې» بللې ده.

مسکو ټینګار کړی، چې اسلام‌‌آباد او کابل باید وسله‌والې نښتې پای ته ورسوي او خپل اختلافونه د سیاست او ډیپلوماسۍ له لارې حل کړي.

دا په داسې حال کې ده، چې پاکستان افغانستان د وسله‌والو ډلو پر پناه ورکولو تورنوي؛ خو اسلامي امارت دا تور ردوي او څرګندوي: په پاکستان کې ناامني د هغه هېواد خپله کورنۍ مسئله ده؛ اسلامي امارت هیچاته اجازه نه‌ورکوي، چې د افغانستان خاوره د نورو هېوادونو پر ضد وکاروي.

Continue Reading
Advertisement

Trending

Copyright © 2025 Ariana News. All rights reserved!


Warning: Undefined array key "slug" in /var/www/vhosts/ariananews.af/httpdocs/wp-includes/class-wp-theme-json.php on line 2117

Warning: Undefined array key "slug" in /var/www/vhosts/ariananews.af/httpdocs/wp-includes/class-wp-theme-json.php on line 2117

Warning: Undefined array key "slug" in /var/www/vhosts/ariananews.af/httpdocs/wp-includes/class-wp-theme-json.php on line 2117