تازه خبرونه
ترکيې د استانبول پر محکمه له بريد وروسته ۳۴ کسان ونيول
د ترکیې کورنیو چارو وزارت ویلي؛ د سې شنبې پر ورځ د استانبول د محکمې مخې ته د پولیسو پر پوستې د کیڼ اړخو ترهګرو په برید کې یو ملکي وګړی وژل شوی او د درې پولیسو په ګډون شپږ نور ټپیان دي.
د کورنیو چارو وزیر علي یرلیکایا ویلي، چې پولیسو د DHKP-C ډلې سره تړلي دوه وسلوال وژلي دي.
د عدلیې وزیر یلماز تونج خبریالانو ته د نورو جزئیاتو له ورکولو پرته ویلي، چې ۳۴ کسان نیول شوي دي.
د نوموړي د څرګندونو له مخې؛ په ټپيانو کې د درې پوليسو روغتيايي حالت ښه دى.
هغه زياته کړې، چې له څلورو ټپيانو څخه يو يې په روغتون کې ساه ورکړه.
DHKP-C، د خلکو د انقلابي آزادۍ پوځي – جبهه؛ یوه ناقانونه مارکسیستي ډله ده، چې د امریکا، اروپایي ټولنې او ترکیې لخوا یوه ترهګره ډله پېژندل شوې ده.
دا ډله له ۱۹۹۰ ز. کال راپدیخوا په ترکیه کې پر یو لړ بمي او ځانمرګو بریدونو پړه بلل کیږي.
چارواکو په تېرو کلونو کې د دې ډلې پر ضد څو عملیات کړي، چې لسګونه غړي یې بندیان او وژل شوي دي.
د محکمې پر پوسته د برید په انځورونو کې دوه برید کوونکي د ډزو پر مهال ښکاري، چې شاوخوا ملکي وګړي هم ویشتل کیږي. دغه راز ښیي، چې یو ډزې کوونکی په داسې حال کې وژل شوی، چې ملکي خلک تښتي او بل یې لږ وروسته د فلزي دروازې تر شاه د پولیسو لخوا پر ډزو وژل کیږي.
یوه عیني شاهد بانو پولات ویلي؛ لومړی د محکمې دننه برید رامنځته شو؛ خو چارواکو دا خبره نهده تائید کړې او نه یې د پېښې نور جزئیات ورکړي دي.
ولسمشر رجب طیب اردوغان په جنوب ختیځ قهرامنمراس ولایت کې یوې غونډې ته د وینا پر مهال ویلي: دوه ترهګر زمونږ د پولیس افسرانو لهخوا مخکې له دې، چې خپلو کرغېړنو موخو ته ورسېږي، له پښږ غورځول شوي دي. هغه مخکې د تلفاتو شمېر شپږ کسان ښودلي وه.
د کورنیو چارو وزیر علي یرلیکایا د کاګلایان په محکمه کې دا پېښه د ترهګرۍ هڅه وبلله.
تېره میاشت د اسلامي دولت مخپټو وسلهوالو د یکشنبې پر ورځ د استانبول په یوه کلیسا کې یو کس پر ډزو وواژه. له دې برید وروسته چارواکو څو شکمن کسان نیولي دي.
تازه خبرونه
ملګرو ملتونو د دې ټولنې په عمومي ناسته کې د افغانستان د رایې حق وځنډاوه
ملګرو ملتونو د دې ټولنې په عمومي ناسته کې د افغانستان او پېنځه نورو هېوادونو د رايې ورکولو حق لنډمهالی ځنډولی دی.
دې ټولنې په اوبپاڼه کې لیکلي، چې افغانستان دې ټولنې ته د کلني غړیتوب حقالعضویت له پامه غورځولی دی.
دا خبر په ملګرو ملتونو کې د افغانستان دایمي استازولۍ هم تائید کړی دی.
دې ټولنې دا هم ویلي، چې د دې ټولنې د منشور د ۱۹ مادې له مخې: هر هغه غړي هېواد، چې د دوه کلونو یا له دې د ډېر وخت لپاره د غړیتوب حقالعضویت سپارلی نهوي؛ د دې ټولنې په عمومي ناسته کې د رایې ورکولو له حق څخه بې برخې پاتې کیږي.
د ملګرو ملتونو د څرګندونو له مخې؛ افغانستان د ۲۰۲۲ او ۲۰۲۳ کلونو لپاره د غړیتوب حقالعویت ندی ورکړې له همدې کبله د دې ټولنې پوروړی دی.
د ملګرو ملتونو د غړیتوب کلنی حق العضویت دوه میلیون ډالره دی.
د راپورونو له مخې؛ له دې مخکې په ملګرو ملتونو کې د غړیتوب کلنی حقالعضویت د افغانستان بهرنیو چارو وزارت پرې کاوه.
د ملګرو ملتونو په اوبپاڼه کې د ورکړ شویو معلوماتو له مخې؛ افغانستان، اکواډور، کومورس، وینزویلا، سومالیا او ساو تومه هغه هېوادونه دي، چې له دوه کلونو پر تېرېدو یې هم د غړیتوب حقالعضویت ندی ورکړی.
دا په داسې حال کې ده، چې ملګرو ملتونو ټولنې په تېرو دوه کلونو کې د افغانستان د دایمي استازي په توګه د افغانستان د لنډمهالي حکومت یا اسلامي امارت د نومول شوي استازي سهیل شاهین له منلو ډډه کړې ده.
تازه خبرونه
د افغانستان سیلاب ځپلیو ته مو د مرستو چمتووالی نیولی – ټوماس ویسټ
د افغانستان لپاره د امريکا ځانګړي استازي ټوماس ويسټ د افغانستان په بغلان، بدخشان، سمنګان، تخار، غور، هرات او نورو ولایتونو کې د وروستيو سيلابونو پر اوښتو زيانونو خپله خواشيني څرګنده کړې ده.
ټوماس ویسټ د دوشنبې پر ورځ ( د غویی څلیریشتمه ) په خپله ایکس پاڼه کې لیکلي، چې د امریکا متحدین په افغانستان کې د سېلاب ځپلیو لپاره د خوراکي توکو او اوبو په ګډون بېړنۍ مرستې رسوي.
دغه راز د افغانستان لپاره په قطر کې د امریکا سفارت چارسمبالې کرن ډیکر هم ویلي: امریکا سیلاب ځپلیو ته د بېړنیو مرستو د جلبولو، د خپلو همکارانو له لارې د خوراکي توکو او طبي تجهیزاتو د برابرولو لپاره له نورو سره یوځای کیږي.
د هېواد په يو شمېر ولايتونو په تېره بيا په بغلان کې د مرګوني سېلابونو راوتو ځايي اوسېدونکیو ته ځاني او مالي زيانونه اړولي دي.
د وروستیو څرګندونو له مخې؛ د بغلان په دوه ولسوالیو کې له ۳۰۰ ډېر کسان مړه شوي دي.
تازه خبرونه
ملا برادر د بغلان ولایت له سیلاب ځپلیو سیمو لیدنه وکړه
د ریاست الوزراء اقتصادي مرستيال ملا عبدالغني برادر د دوشنبې پر ورځ ( د غویی څلیریشتمه) د دغه ولايت د مرکز په ګډون له سېلاب ځپلیو سيمو ليدنه وکړه.
ملا برادر د زیانمنو سیمو له لیدنې وروسته د دې ولایت په مرکز کې له مسوولینو او کاري کمیټو له استازو سره په ناسته کې لازمې سپارښتنې وکړې.
نوموړي زیاته کړې: په هغو ولسوالیو کې، چې مونږ له نږدې ولیدلې اوښتي زیانونه ډېر دي؛ نو له همدې کبله اړینه ده، چې دغه بنسټونه د بې ځایه شویو خلکو لپاره د خوراکي توکو، درملو او سرپناه په برابرولو کې خپلې هڅې ګړندۍ کړي او سیلاب ځپلیو سیمو ته د مرستو رسولو بهیر نور هم چټک کړي.
په تېرو څو ورځو کې د افغانستان شمالي او لویديځ ولايتونه د ويجاړونکيو او مرګونو سېلابونو شاهدان دي.
د یو لړ څرګندونو له مخې؛ یوازې په بغلان کې له ۳۰۰ ډېر کسان مړه شوي دي. په تخار کې هم له ۲۰ ډېرو کسانو خپل خوږ ژوند له لاسه ورکړی دی.
تر اوسه د مالي زیانونو پوره کچه په ډاګه شوې نده؛ خو ویل کېږي، چې د سیلابونو له کبله سلګونه کورونه ویجاړ شوي او کرنیزو ځمکو ته پوره زیانونه رسېدلي دي.
-
تازه خبرونه2 days ago
الله ګل مجاهد د قتل پر تور ونیول شو
-
سوداگري5 days ago
ازبکستان او پاکستان د افغان ټرانس اوسپنېپټلۍ پروژې پر پیلېدا ټینګار څرګند کړ
-
تازه خبرونه2 days ago
په بغلان کې سېلابونو ۱۹۴۵ کسانو ته مرګ او ژوبله اړولې
-
سوداگري2 days ago
افغانستان او پاکستان د بار وړونکیو موټرو پر نوي ټرانسپورټي میکانیزم هوکړه وکړه
-
تازه خبرونه2 days ago
څو ایراني شرکتونو د افغانستان په کانونو کې د پانګونې پرېکړه وکړه – قدیر قیافه
-
تازه خبرونه1 day ago
د اسلامي هېوادونو همکاریو ټولنې د افغانستان له سیلاب ځپلیو سره د مرستې غوښتنه وکړه
-
تازه خبرونه5 days ago
شهاب الدین دلاور او ورسره مل پلاوي د مس عینک کان له اړوند سیمو لیدنه وکړه
-
تازه خبرونه1 day ago
د حج او اوقافو وزارت چارسمبالي د ترکیې له ولسمشر سره وکتل