تازه خبرونه
حامد کرزی نن د پخلاینې عالي شورا له غړیتوبه تېر شو
(Last Updated On: وږی ۹, ۱۳۹۹)
پخواني ولسمشر حامد کرزي ویلي، چې هغه نه غواړي په کوم حکومتي جوړښت کې ګډون وکړي.
حامد کرزي خپلې څرګندونې په دې شورا کې د غړیتوب له اعلان یوه ګړې وروسته رسنیزې کړې دي.
نوموړي په ډاګه کړې؛ که څه هم هغه نه غواړي د حکومت غړیتوب ولري؛ خو د یو عادي وګړي په توګه به د سولې لپاره خپل کار روان وساتي.
د شنبه پر ورځ ولسمشر غني د عبدالله عبدالله په مشرۍ د ملي پخلاینې عالي شورا ۴۸ غړي وټاکل.
په دغو ۴۸ کسانو کې یو هم د حامد کرزي نوم راغلی دی.
ویل کیږي، چې د سولې دغه بنسټ د آسانۍ د راوستلو او د بهیر د پیلولو مسوول دی؛ خو د سولې په اړه د هوکړې واک نلري.