تازه خبرونه
حنیف اتمر د دوه اړخیزو همکاریو د پراختیا لپاره ازبکستان ته دوه ورځنی سفر کړی
د بهرنیو چارو وزارت چارسمبالی حنیف اتمر د دوه اړخیزو همکاریو د پراختیا لپاره د یوه لوړ پوړي حګومتي پلاوي په مشرۍ ازبکستان ته رسیدلی دی.
د بهرنیو چارو وزارت په یوه تویت کې څرګنده کړې؛ ټاکل شوې، چې د هېواد د بهرنیو چارو وزارت چارسمبالی حنیف اتمر به له خپل ازبک سیال، لومړي وزیر او د هغه مرستیال سره وګوري.
د بهرنیو چارو سرپرست وزیر محمد حنیف اتمر، او ورسره لوړ پوړی دولتي پلاوی نن سهار د دوه اړخیزو اړیکو او همکارییو د پراختیا په موخه ازبیکستان هیواد ته ورسیده. په دې سفر کې به د بهرنیو چارو وزیر له خپل سیال، د ازبکستان له صدراعظم او د هغه له معاون سره لیدنې ولري. https://t.co/yNK3drsTkx pic.twitter.com/dF8b3ZHM4z
— MFA Afghanistan 🇦🇫 (@mfa_afghanistan) August 28, 2020
دغه وزارت پرون په ډاګه کړې وه، چې اتمر به د ازبکستان د لومړي وزیر د مرستیال او د سوداګرۍ او بهرنۍ پانګونې د وزیر عمراکوف سردار اکتوموویچ په رسمي بلنه تاشکند ته دوه ورځنی سفر وکړي.
د دېژ وزارت د څرګندونو له مخې؛ د دې رسمي لیدنې په بهیر کې به خبرې د دوه اړخیزو اړیکو پر پیاوړتیا په ځانګړي توګه د ترانسپورت، ترانزیت، پانګوونې، سوداګرۍ، انرژۍ او د برښنا د لیږد د لس کلن تړون پر لاسلیک او همکارۍ راوڅرخي.
دغه وزارت ویلي، چې د بهرنیو چارو وزارت له چارسمبالي سره په دې سفر کې د ولسمشرۍ د دفتر مشر محمد شاکر کارګر، د ترانسپورت او فواید عامې وزیر یما شمس، د سوداګرۍ او صنایعو وزارت مرستیال عبدالکریم ملکیار، د برښنا شرکت مشر احمد داوود نورزی او د افغانستان د اوسپنیزې کرښې مشر عبدالباري صدیقي مل وي.