تازه خبرونه
خلا ته د نړۍ د ترټولو بډایه سړي او درې نورو کسانو بریالی تګ راتګ
د آمازون بنسټوال جف بزوس او د نړۍ ترټولو بډایه سړی نن سې شنبه د چنګاښ ۲۹ د خپل نيو شیبرډ خلایي بېړۍ پر مټ، چې پخپل بلو اوریجن شرکت کې یې جوړ کړی؛ له درې نورو کسانو سره د خلا او ځمکې څنډې ته ډاډمن رسیدلی او خوندي بېرته ځمکې ته راستون شو.
۷۵ کلن جف بزوس د لس دقیقو او شل ثانیو لپاره د خلا او ځمکې په څنډه کې مخکې او وروسته ولاړ. دغه پېښه د ځمکې او خلا څنډې ته د بریټانیا د میلیارډر ریچارډ برانسون او پېنځه نورو کسانو له سفر نهه ورځې وروسته رامنځته کیږي.
دغه خلایي بېړۍ په ګړۍ کې ۳۵۴۰ کیلومټره چټکتیا ته جوړه شوې؛ دې خلایي بېړۍ د ځمکې پر سر ۱۰۷ کیلو مټره الوتنه تر سره او سیلانیانو د ځمکې حیرانوونکی انخور ولیده او دغه راز یې د جاذبې د کمېرو تجربه وکړه.
د ځلور کسانو لېږدوونکې دغې بېړۍ له څو دقیقو وروسته د تګزاس په صحرا کې خوندي راکښته شوه.
ټاکلشوې، چې بلو اوریجن د سږکال په سپټمبر او اکتوبر میاشتو کې د ګرځندوی لپاره دوه نورې توغېدنې هم ولري.
جف بزوس ۲۰۶ میلیارډ ډالرو نږه پانګه لري. هغه تېره میاشت د آمازون له مدیریته ګوښه شوی دی.
