تازه خبرونه
داکتراحسان الله بیات د سوداګرۍ خونو د مشرانو جایزه تر لاسه کړه
په واشنګتن کې د افغانستان او امریکا د سوداګرۍ خونې د مشرانو دیارلسمه کلنۍ غونډه د کانادایي پانګوالو په ګډون ترسره شوه. په دې غونډه کې د افغانستان او امریکا د سوداګرۍ خونو ګډه جایزه دا ځل د بیات بنیاد رييس داکتر احسان الله بیات تر لاسه کړه.
د بیات بنیاد استازي مانتي سالیمن وویل، چې افغان بیسیم په دوه زره دوه یم کال کې د لومړي ځل لپاره د ګرځند(مبایل) پرمختللې تکنالوژي افغانستان ته ولیږدوله، چې اوس دغه شبکه په افغانستان کې 4G خدمتونه هم وړاندې کوي.
ښاغلي مانتي سالیمن زیاته کړې، چې: هیله ده نور شرکتونه هم زمونږ په پل، پل کیدي او په افغانستان کې د برښنا او ګازو پر تولید پانګونه وکړي.
د بیات بنیاد رييس داکتر احسان الله بیات د دغې غونډې مشرانو ته په خبرو کې وویل: خوښ یم، چې د دغو مراسمو د یوه مهم ویناوال په توګه غوره شوی یم. تر ټولو د مخه د افغانستان او امریکا د سوداګرۍ خونو له مشرانو او ګډنوالو مننه کوم، چې د یوه خوندي او پرمختللي افغانستان لپاره هلې ځلې کوئ، چې د افغانستان ټول خلک خپلو مساوي حقونو ته لاسرسی پیدا کړي. له ما څخه تاسې ته د هغو پرمختګونو په اړه د معلوماتو وړاندې کول غوښتل شوي، چې په خصوصي برخو کې پرې پانګونه شوې ده.
د افغانستان د سوداګرۍ خونې مسوولین وايي، چې دا جایزه؛ ځکه ښاغلی بیات ته ورکړ شوه، چې هغه په افغانستان کې ګټوره پانګونه کړې ده.
د افغانستان د سوداګرۍ خونې رييس عتیق الله نصرت زیاتوي؛ هڅه کوو نړیوال سوداګر او پانګوال وهڅوو، چې په افغانستان کې پانګونه وکړي.
په امریکا کې افغان سفیر حمد الله محب د دواړو هېوادونو سوداګرو ته دغه ناسته مهمه وګڼله او وایي، چې د دواړو هېوادونو سوداګر باید د پانګونې لپاره له دغې ناستې ګټه پورته کړي.
د کابل پوهنتون رييس حمیدالله فاروقي په هېواد کې دننه د بیات بنیاد له ودانیزو، فرهنګي، ښوونیزو او روغتیایي هڅو مننه کوي او وایي: خوښ یم ، چې ښاغلي بیات د ګډې سوداګرۍ د مشرانو دغه جایزه ترلاسه کړه.
د غونډې ګډونوالو اندېښنه وښوده، چې ناامني په افغانستان کې د پانګونې په لاره کې ستره ستونزه ده.
په همدې غونډه کې د افغانستان ترانسپورت او هوايي چلند وزارت او په افغانستان او پاکستان کې د امریکا د پرمختیايي ادارې د استازي ترمنځ یو تړون لاسلیک شو، چې له مخې به یې په هوايي ډګرونو کې صادراتي زونونه جوړیږي.
خبریاله: نذیره عظیم کریمي
تازه خبرونه
قزاقستان د اسلامي امارت نوم د ترهګرۍ له نوملړه وویست
د قزاقستان ولسمشر قاسم جومارت توکایوف ویلي، چې هېواد یې د اسلامي امارت نوم د ترهګرو له نوملړ څخه ایستلی دی.
د قزاقستان د رسنیو د راپورونو له مخې؛ جومارت توکایوف دغه څرګندونې د ګډ امنیتي تړون ټولنې د غړیو هېوادونو د غونډو له رییسانو سره په کتنه کې کړي دي.
نوموړی وایي، چې دغه پرېکړه له افغانستان سره د سوداګریزو او اقتصادي همکاریو د پراخېدا او پدې د پوهېدا په خاطر، چې د اسلامي امارت حکومت اوږدمهاله دی؛ رامنځته شوې ده.
هغه همداراز ټینګار کړی، چې په سیمهییزو اړیکو کې د اسلامي امارت فعاله ونډه ستراتیژیک لومړیتوب دی.
تازه خبرونه
پاکستان ولې له افغانستان سره په پوله کې د ترهګرو د راتګ مخنیوی نهکوي؟
د پاکستان د جمعیت علمای اسلام مشر مولانا فضل الرحمان پر افغانستان د پاکستان د ناامنۍ پر پړه اچونې نیوکه کړې او څرګندوي، چې که ترهګر له افغانستان څخه پاکستان ته راننوځي؛ نو ولې یې مخه نه نیول کېږي.
نوموړي د پنجاب ایالت یوې غونډې ته په وینا کې ویلي؛ په پاکستان کې د حکومت له هڅو سره – سره ترهګري زیاته شوې ده.
هغه زیاته کړې: اوس خپله ناکامي پټوي او وايي، چې د افغانستان حکومت په پاکستان کې د ترهګرۍ پر ملاتړ پړ دی. ولې؟ ځکه ترهګر له هغه ځایه راځي. که له هغه ځایه راځي؛ نو بیا باید له پولې را تېر شوي وي. تاسې په سرحد کې چیرته یاست، چې مخه یې ونیسئ؟
مولانا فضل الرحمن په ډاګه کړې، چې د پاکستان پخواني ولسمشر پرویز مشرف د پاکستان هوايي اډې امریکا ته د “افغانانو د بریدونو” لپاره ورکړې وې.
هغه ویلي: کله هم هغو له تاسې شکایت کړی، چې ولې الوتکې ستاسې له هوایي ډګرونو راالوځي او پر موږ برید کوي؟” هغو ستاسې د الوتکو او بمبارډ په اړه شکایت ندی کړی. تاسو شل کاله د زرګونه خلکو ژوند مو تباه و برباد کړ. قبایل مو تبا او برباد کړل؟ آیا تاسې پوهیږئ؛ هغه کسان، چې په سرحدي سیمو کې اوسیږي پاکستانیان دي او د پاکستان له ادارو کرکه لري او غواړي، چې د پاکستان له ادارو سره جګړه وکړي؟ آیا بل څوک پر هغې کرکې پړ دی، چې خپله مو رامنځته ګړې ده؟
پاکستانيو چارواکو تل ادعاوې کړي، چې په پاکستان کې بریدونه له افغانستان څخه پلانېږي او عاملین یې له افغانستان څخه پاکستان ته راننوځي.
دا په داسې حال کې ده، چې اسلامي امارت تل دغه ادعاوې رد کړي او څرګندوي، چې افغانستان د پاکستان د “امنیتي ناکامۍ” مسوول ندی.
تازه خبرونه
اندونیزیا افغانستان ته د روغتیايي همکاريو او تحصیلي بورسیو ډاډ څرګند کړ
د اندونیزیا د سرې میاشتې او د جوماتونو شورا رییس او د اندونیزیا د ولسمشر پخواني مرستیال محمد یوسف کالا او مل پلاوي یې په کابل کې د افغانستان له بهرنیو چارو وزیر امیر خان متقی سره ولیدل.
په کتنه کې د افغانستان او اندونیزیا ترمنځ پر سیاسي، اقتصادي، سوداګریزو او د ولسونو ترمنځ د دوه اړخیزو اړیکو پر پراختیاخبرې شوې دي.
بهرنیو چارو وزارت څرګنده کړې؛ محمد یوسف کالا په دغې لیدنه کې ویلي، چې اندونیزیا له افغانستان سره د روغتیا په ګډون په بېلابېلو برخو کې همکاري غواړي او افغان زدهکړیالانو ته تحصیلي بورسیې ورکوي.
دغه راز امیرخان متقي ویلي، چې افغانستان د خپل ستراتیژیک موقعیت له مخې چمتو دی، چې د منځنۍ او جنوبي آسیا ترمنځ پانګونې ،سوداګریزۍ او ټرانزیټ اسانتیاوې رامنځته کړي.
امیر خان متقي زیاته کړې؛ افغانستان اوس د سیمې له هېوادونو سره د همغږۍ له مخې پر سترو سیمهییزو اقتصادي پروژو کار کوي، چې په کې د کاسا ۱۰۰۰ د انرژۍ پروژه، ټاپي او افغان- ټرانس شامل دي.
په دې پلاوي کې د قوانینو او بشري حقونو پخوانی وزیر عبدالحمید اول الدین او د اندونیزیا د انرژۍ او کانونو پخوانی وزیر سعید سودیرمن هم د سرې میاشتې او جوماتونو شورا د رییس محمد یوسف کالا ملتیا کوي.
ویل کیږي، چې له نړیوالې ټولنې سره د افغانستان اړیکې مخ پر پراخېدو دي او غواړي، چې د جنوب ختیځې آسیا له هېوادونو سره هم خپلې اړیکې پراخې کړي.
-
نړۍ5 days ago
اسرائیلي ځواکونو د غزې او مصر د پولې کنټرول هم تر لاسه کړ
-
تازه خبرونه4 days ago
په کابل کې د نجونو کافي خونه او کتابتون پرانستل شو
-
لوبی4 days ago
د افغانستان او عمان ترمنځ د کرکټ روزنیزه لوبه بې پایلې پای ته ورسېده
-
لوبی1 day ago
امریکا د جونز پر غوره توپوهنې د ۲۰ اوریز نړیوال جام لومړۍ لوبه له کاناډا وګټله
-
تازه خبرونه5 days ago
د زدهکوونکیو د خوراکي خوندیتوب لپاره ۱۰ میلیون یورو مرسته کیږي – اروپايي ټولنه
-
تازه خبرونه5 days ago
د اروپايي ټولنې او قطر استازو د افغانستان په اړه خبرې وکړې
-
نړۍ2 days ago
د جنوبي کوریا خلک دې د شمالي کوریا د رالېږل شویو بالونونو په اړه پوځ یا پولیس خبر کړي – چارواکي
-
تحول4 days ago
تحول: د افغانستان لپاره په دوحه کې د درېیمې ناستې جوړېدا