سیمه ییز خبرونه
دېنې عالما دې په ټاكنو كې گډون ته خلك وهڅوي
Last Updated on: لړم ۳, ۱۴۰۱
د فراه مرستيال والي له دېنې عالمانو غواړي، چې خلك په ټاكنو كې گډون ته وهڅوي.
د ناامنيو له كميدو وروسته خلكو ته د ټاكنو په اړه معلومات وركول په ټاكنو كې اړين كار بلل كيږي.
د فراه مرستيال والي محمد يونس رسولي له دينې عالمانو وغوښتل، چې خلك په ټاكنو كې گډون ته وهڅوي.
نوموړى په دې باور دى، چې په كليواو بانډو كې خلك د دينې عالمانو پرېكړو ته ډېر درناوى لري.
په همدې حال كې د فراه يو شمېر دينې عالمان ټاكنو ته د خلكو هڅول شرعي گام بولي.
د فراه ولايت د ښځو چارو رييسه ليما صديقي بيا له دينې عالمانو غواړي، چې ښځې هم په ټاكنو كې گډون ته وهڅوي.
له فراه څخه د بهرنيو ځواكونو له وتلو وروسته دا څوم ځل دى، چې دينې عالمان د ورته غونډو پرمهال له دولت سره د همكارۍ ژمنې كوي.