تازه خبرونه
د اروپایي ټولنې ځانګړي استازي د کورنیو چارو وزارت له مرستیال سره ولیدل
د افغانستان لپاره د اروپايي ټولنې ځانګړي استازي ټوماس نیکولسون کابل ته د خپل سفر پر مهال د اسلامي امارت د کورنیو چارو وزارت د نشهیي توکو پر وړاندې د مبارزې مرستیال عبدالحق اخوند سره ولیدل.
د کورنیو چارو وزارت د نشهیي توکو پر وړاندې د مبارزې مرستیال له توماس نیکولسن سره په لیدنه کې ویلي، چې د راتلونکو نسلونو د خوندیتوب لپاره باید نه یوازې په افغانستان کې، بلکې په ټوله نړۍ کې د نشهیي توکو د کښت، قاچاق او پلور مخه ونیول شي.
د افغانستان د کورنیو چارو وزارت د ټوماس نیکولسون د څرګندونو له مخې څرګنده کړې، چې اروپايي ټولنه به له افغانستان سره د نشهيي توکو پر ضد په مبارزه کې همکاري وکړي.
عبدالحق اخوندویلي؛ مونږ او تاسې به د همغږۍ له مخې نه یوازې په افغانستان کې، بلکې په ټوله نړۍ کې د نوي نسل د غوړېدنې په خاطر د نشهيي توکو د کښت، قاچاق، پېر او پلور مخه ونیسو. زه له تاسې څخه غوښتنه کوم، چې نه یوازې د روږدو کسانو په درملنه کې مرسته وکړئ، بلکې له کروندګرو څخه هم ملاتړ د افغانستان یوه اړتیا ده.
دغه راز د اروپايي ټولنې دغه چارواکي د اقتصاد وزارت له سرپرست سره هم په لیدنه کې د اقتصادي همکاریو پر ښهوالي، د بشري مرستو دوام، د کاري فرصتونو رامنځته کولو، د پراختیايي پروژو پلي کېدا هم خبرې کړې دي.
همدارنګه د لوړو زدهکړو وزارت چارسمبالي په کابل کې د جاپان له سفیر سره په کتنه کې له دغه هېواده وغوښتل، چې د افغانستان د تحصیلي نظام په پیاوړتیا کې همکاري وکړي.
په کابل کې د جاپان سفیر ویلي، هېواد یې له افغانستان سره په بېلابېلو برخو کې همکارۍ ته چمتو دی او غواړي بنسټیزې پروژې پلي کړي.
دا په داسې حال کې ده، چې د ریاست الوزراء سیاسي مرستیال مولوي عبدالکبیر په افغانستان کې د ملګرو ملتونو له ځانګړي همغږي کوونکي سینرلي اوغلو سره په کتنه کې داسې ټینګار کړی؛ د دوحې په غونډه کې باید د افغانستان د بیارغونې، بشري مرستو او د بانکي بندیزونو د لرې کولو په اړه دې ډاډمن ګامونه پورته شي.
تازه خبرونه
له پاکستان څخه دې د افغان کډوالو د جبري ایستلو چټکتیا راکمه شي
د سره صلیب یوه لوړپوړي چارواکي د پاکستان له حکومته غوښتي؛ د افغان مهاجرینو د جبري ایستلو چټکتیا دې راکمه شي، چې ښه لاسرسي ورته شونی شي.
د سره صلیب او سرې میاشتې ټولنې د آسیا او پاسیفیک څانګې مشر الکساندر مټیو په دوحه کې خبریالانو ته ویلي، چې له پاکستان څخه د راستنیدونکیو افغان کډوالو پر وړاندې یوه ننګونه دا هم وه، چې په کابل کې یې د اسلامي امارت له چارواکو سره پرې خبرې کړې دي.
هغه زیاته کړې: تاسې پوهیږئ، چې په وروستیو میاشتو کې له نیم میلیون څخه ډېر خلک له پولې څخه را تېر شوي او شونې ده، چې مونږ به په راتلونکیو میاشتو کې د نويو راستنیدونکیو لوی شمېر وګورو.
د هغه د څرګندونو له مخې؛ دا له ۲۰۱۷ کال وروسته په آسیا کې د میانمار او بنګله دیش تر منځ د وګړو ترټولو لوی حرکت دی.
پاکستان د تېر کال له اکتوبر میاشتې راپدیخوا له ۵۰۰ زره ډېر بې اسناده افغان کډوال جبري راایستلي دي.
مټیو زیاتوي، چې ډېري راستانه شويو کسانو له لسیزو راپدیخوا په پاکستان کې ژوند کړی او له حکومت او نړیوال ملاتړ پرته په افغانستان کې د نوي ژوند پیلولو ته چمتو ندي.
د نوموړي د څرګندونو له مخې؛ د راستنېدونکیو نيمايي برخه ماشومان دي، چې په کې د خوارځواکۍ پېښې هم زياتوالی لري.
تازه خبرونه
ترکمنستان د ټاپي پروژې بشپړولو ته ژمن دی – امانوف
د ټاپي پروژې اجرائیوي مشر ویلي، چې ترکمنستان د افغانستان له لارې پاکستان او هند ته د ګازو د نللیکې پروژې بشپړولو ته ژمن دی.
د ټاپي پروژې اجرائیوي مشر محمد میرات امانوف په پاریس کې د انرژۍ په اړه د ترکمنستان د پانګونې غونډې ته څرګنده کړې، چې هېواد یې د ټاپي پروژې په برخه کې له نړیوالو قوانینو سره سم پرمختګ کړی دی.
هغه وایي: ترکمنستان د ټاپي د طبیعي ګاز نللیکې جوړولو په برخه کې د پام وړ پرمختګ کړی، چې موخه یې جنوبي آسیا ته په کال کې ۳۳ میلیارډ مټر مکعب ګاز رسول دي.
امانوف دا ټینګار هم کړی، چې په ترکمنستان کې د ګازو د نللیکې د غځولو چارې بشپړې شوي او اوس له نړیوالو معیارونو سره سم له دغه هېواده بهر هم د دغې پروژې په اړه خبرې روانې دي.
د ټاپي پروژې اجرائیوي رییس همداراز څرګنده کړې، چې د طبیعي ګازو له کارولو سره به په هوا کې د کاربن ډای اکساید ګازو د خپرېدا کچه راټیټه شي.
تازه خبرونه
د ازبکستان بشري مرستې بلخ ته راورسېدې
نن پنجشنبه ( د غویي شپږمه ) له ازبکستان څخه د بشري مرستو یوه ټولګه د بلخ په سوداګریز بندر حیرتان کې د دې ولایت سیمهییزو چارواکو ته وسپارل شوه.
د سیمهییزو چارواکو د څرګندونو له مخې؛ په دغو مرستو کې ۶۰ ټنه خوراکي توکي( اوړه، غوړي، غنم، بوره او غوښه ) شته، چې د ازبکستان د سرخاندریا د والي لهخوا د بلخ چارسمبالي والي ته سپارل شوې ده.
د سرخاندریا والي د دغو مرستو موخه د افغانستان له خلکو ملاتړ یاد او د دواړو هېوادونو ترمنځ يې د ښو اړيکو پر پراختيا ټينګار څرګند کړ.
په تېرو دوه کلونو کې دا څووم ځل دی، چې ازبکستان افغانستان ته دا ډول مرستې را لیږي.
کابل او تاشکند دا مهال ښې اقتصادي او سیاسي اړیکي لري او دا دواړه هېوادونه په پام کې لري، چې په روان کال کې د افغان ټرانس د اوسپنې پټلۍ کار هم پیل کړي.
-
نړۍ3 days ago
د فلسطین پر رفح ښار اسرائیلي ځواکونو د ځمکنيو بریدونو ګواښ وکړ
-
لوبی3 days ago
اټکانرژۍ لوبډلې په نهمه سیالۍ کې سرخپوشانخوافي ته ۱ـ ۰ ماتې ورکړه
-
سیمه ییز خبرونه4 days ago
د غزې په شمال کې د قحطۍ خطر ډېر دی
-
سیمه ییز خبرونه3 days ago
امریکا دې د بشري حقونو په اړه دوه ګوني سیاست ودروي – ترکیه
-
لوبی4 days ago
ابو مسلم فراه اوومه لوبه له خراسان فاریاب لوبډلې څخه ۶ د صفر پر توپیر وګټله
-
تازه خبرونه4 days ago
ایران او پاکستان په افغانستان کې پر ترهګرو ډلو اندېښنه څرګنده کړه
-
تازه خبرونه6 hours ago
ترکمنستان د ټاپي پروژې بشپړولو ته ژمن دی – امانوف
-
سیمه ییز خبرونه7 hours ago
په عراق کې به همجنسبازان پر۱۵ کاله بند شي –پارلمان