تازه خبرونه
د ازبکستان بهرنیو چارو وزیر د اسلامي امارت له سفیر سره وکتل
د ازبکستان د بهرنیو چارو وزارت د خبرپاڼې له مخې؛ په دې کتنه کې، چې پرون (چارشنبه د تلې اتلسمه) ترسره شوې، په کې د ازبکستان او افغانستان ترمنځ د اړیکو او نویو پروژو پر پیاوړتیا او پراختیا ټینګار رامنځته شوی دی.
د ازبکستان بهرنیو چارو وزیر بختیار سعیدوف په تاشکند کې د افغانستان اسلامي امارت له نوي سفیر عبدالغفار بحر سره وکتل او پر دوه اړخیزو، سیمهییزو او نړۍوالو همکاریو وغږېدل.
د ازبکستان د بهرنیو چارو وزارت د خبرپاڼې له مخې؛ په دې کتنه کې، چې پرون (چارشنبه د تلې اتلسمه) ترسره شوې، په کې د ازبکستان او افغانستان ترمنځ د اړیکو او نویو پروژو پر پیاوړتیا او پراختیا ټینګار رامنځته شوی دی.
په یاده خبرپاڼه کې راغلي، چې د اسلامی امارت سفیر د افغانستان پر استازیتوب د ازبکستان له روانو مرستو مننه کړې ده.
ياده دې وي، چې عبدالغفار بحر شاوخوا درې اوونۍ مخکې په تاشکند کې د افغانستان د اسلامي امارت د سفير په توګه دنده پيل کړې ده.