سیمه ییز خبرونه
د افغانستان دولتي پوهنتونونه به نورې فايبر له يو بل سره ونښلوي
Last Updated on: لړم ۳, ۱۴۰۱
د افغانستان دولتي پوهنتونونه به د نورې فايبر په جوړيدو له يو بل سره ونښلول شي.
د لوړو زده كړو وزير عبيد الله عبيد وايي، چې د نورې فايبر په جوړيدو به د هېواد ټول پوهنتونونه وكولى شي له يو بل سره خپل معلومات شريك كړي.
نوموړى همدا راز زياتوي، چې دا بهير به ډېر ژر نړيوال شي او د دغه پروگرام له بشپړيدو سره به د افغانستان پوهنتونونه د نړى د لوړو زده كړو له مركز سره ونښلول شي.
د مخابراتو او معلوماتي ټيكنالوژۍ وزير اميرزى سنگين وايي، چې د هېواد په ډېرو ولايتونو كې د نوري فايبر چارې روانې دي او په پېنځه ويشت ولايتونو كې د ترې جې سيسټم هم فعاله شوى دى.
كه څه هم د افغانستان خلك له انترنيت او نورې فايبر څخه ډېره لږ گټه پورته كوي، خو بيا هم هڅه روانه ده، چې په ټول هېواد كې دغه تيكنالوژي فعاله شي.