تازه خبرونه
د افغانستان پر بانکي برخې لګېدلي محدودیتونه دې لرې شي – د افغانستان بانک
د افغانستان بانک مسوولینو د افغانستان لپاره د ملګرو ملتونو له ځانګړي همغږي کوونکي سره په کتنه کې د هېواد د بانکي زېرمو د خلاصون غوښتنه وکړه او څرګندوي، چې د افغانانو د ستونزو له کبله باید د هېواد پر بانکي سکتور لګول شوي محدودیتونه لرې شي.
د افغانستان بانک د رسنیو دفتر د یوې خپرې شوې خبرپاڼې له مخې؛ د افغانستان بانک رییس هدایت الله بدري د افغانستان لپاره د ملګرو ملتونو د ټولنې له ځانګړي همغږي کوونکي فریدون سینیرلیي اوغلو سره پر یو شمېر مالي او بانکي مسایلو خبرې وکړې.
په دې کتنه کې د افغانستان بانک ریيس يادونه وکړه، چې دغه بانک د نړيوالو قوانينو او مقرراتو په رڼا کې د نړۍ له ټولو مالي او بانکي بنسټونو سره د ښو اړيکو په لټه کې دى.
هدایت الله بدري د ملګرو ملتونو له ځانګړي همغږي کوونکي څخه وغوښتل؛ د افغانستان د پرمختګونو رښتینی راپور دې نړیوالو ته وړاندې کړي، چې نړیواله ټولنه د افغانستان د پرمختګونو په اړه رښتیني معلومات ترلاسه کړي.
په دې ناسته کې د افغانستان بانک د عمومي رییس د دفتر آمر صدیق الله خالد زاخېلزي پر بانکي سکتور لګېدليو محدودیتونو ته په نغوته کې د بانکي سکتور د پرمختګونو په اړه د ملګرو ملتونو ځانګړي همغږي کوونکي ته هر اړخیز معلومات وړاندې کړل او څرګندوي، چې د افغانستان د خلکو ستونزو ته پر پاملرنه باید لګېدلي محدودیتونه لرې شي.
صدیق الله خالد زاخېلزي د هېواد بانکي زیرمه د افغانانو حق وباله او وایي، چې د دغو زیرمو بندیدل د افغانانو پر زیان دي او هیله یې څرګنده کړې، چې نړیواله ټولنه به د افغانانو پر ګټه په دې برخه کې اغېزمن ګامونه پورته کړي.
د یادونې ده، چې په دې خبرپاڼه کې د ملګرو ملتونو د ځانګړي همغږي کوونکي د څرګندونو یادونه نهده شوې.
تازه خبرونه
اندونیزیا افغانستان ته د روغتیايي همکاريو او تحصیلي بورسیو ډاډ څرګند کړ
د اندونیزیا د سرې میاشتې او د جوماتونو شورا رییس او د اندونیزیا د ولسمشر پخواني مرستیال محمد یوسف کالا او مل پلاوي یې په کابل کې د افغانستان له بهرنیو چارو وزیر امیر خان متقی سره ولیدل.
په کتنه کې د افغانستان او اندونیزیا ترمنځ پر سیاسي، اقتصادي، سوداګریزو او د ولسونو ترمنځ د دوه اړخیزو اړیکو پر پراختیاخبرې شوې دي.
بهرنیو چارو وزارت څرګنده کړې؛ محمد یوسف کالا په دغې لیدنه کې ویلي، چې اندونیزیا له افغانستان سره د روغتیا په ګډون په بېلابېلو برخو کې همکاري غواړي او افغان زدهکړیالانو ته تحصیلي بورسیې ورکوي.
دغه راز امیرخان متقي ویلي، چې افغانستان د خپل ستراتیژیک موقعیت له مخې چمتو دی، چې د منځنۍ او جنوبي آسیا ترمنځ پانګونې ،سوداګریزۍ او ټرانزیټ اسانتیاوې رامنځته کړي.
امیر خان متقي زیاته کړې؛ افغانستان اوس د سیمې له هېوادونو سره د همغږۍ له مخې پر سترو سیمهییزو اقتصادي پروژو کار کوي، چې په کې د کاسا ۱۰۰۰ د انرژۍ پروژه، ټاپي او افغان- ټرانس شامل دي.
په دې پلاوي کې د قوانینو او بشري حقونو پخوانی وزیر عبدالحمید اول الدین او د اندونیزیا د انرژۍ او کانونو پخوانی وزیر سعید سودیرمن هم د سرې میاشتې او جوماتونو شورا د رییس محمد یوسف کالا ملتیا کوي.
ویل کیږي، چې له نړیوالې ټولنې سره د افغانستان اړیکې مخ پر پراخېدو دي او غواړي، چې د جنوب ختیځې آسیا له هېوادونو سره هم خپلې اړیکې پراخې کړي.
تازه خبرونه
امریکا او اروپا د بُن په ناسته کې د ښو طالبانو او پاچاهۍ د رامنځته کولو هڅه کوله
د ایران د بهرنیو چارو پخوانی وزیر ويلي: په داسې حال کې، چې امریکا او اروپا په افغانستان کې د ښو طالبانو او پاچاهۍ د رامنځته کولو هڅه کوله؛ خو ایران وتوانېد، چې مخه یې ونیسي.
د ایران بهرنیو چارو پخواني وزیر محمد جواد ظریف د حقوقي فکرونو له مرکز سره په مرکه کې د افغانستان د سیاسي نظام په اړه د خبرو پر مهال ویلي؛ امریکا په بُن غونډه کې د افغانستان لپاره د ښو طالبانو د ښه حکومت د جوړولو پلان جوړ کړی و او اروپا بیا د پاچاهۍ د رامنځته کولو هڅه کوله.
دغه ایرانی چارواکي څرګنده کړې؛ هغه وخت ایران وتوانید، چې د دغو پلانونو مخه ونیسي.
جواد ظریف زیاته کړې؛ هېواد یې د بُن په غونډه کې خپلو موخو ته ورسېد او د نوي افغان حکومت په جوړولو کې یې خورا مهم رول ولوباوه.
د ایران د بهرنیو چارو پخوانی وزیر محمد جواد ظریف وايي: ایران د بُن په غونډه کې خپلې موخې تر لاسه کړې او د افغانانو د ګټو پر بنسټ یې د نوي افغان حکومت په جوړولو او د تهران د امنیتي ملحوظاتو په نظر کې نیولو سره خورا مهم رول ولوباوه.
نوموړي له ترهګرو ډلو سره د ایران د مبارزې په اړه په دغه مرکه کې ویلي؛ په ګاونډ هېوادونو کې د ترهګرو ډلو منل د ښه ګاونډیتوب له اصولو څخه سرغړونه ده.
ظریف زیاته کړې، چې ایران د بُن په غونډه کې له امریکا سره د افغانستان او عراق په هکله هم مخامخ او ډیپلوماټیکه همغږي لرله.
د بن کنفرانس د ۲۰۰۱ کال پر ډسمبر د جرمني په بن ښار کې د افغانستان لپاره د نوي حکومت د جوړولو او د اسلامي امارت د پخواني حکومت له نسکوریدو وروسته د ګډوډۍ د مخنیوي پر موخه جوړ شو. دغه کنفرانس له نهه ورځو خبرو وروسته د ډسمبر پر دیارلسمه په افغانستان کې د لنډ مهالي حکومت بنسټ کېښود.
تازه خبرونه
په افغانستان کې به سبا د ګوزڼ یا پولیو واکسین کمپاین پیل شي
له پولیو څخه د پاک افغانستان ادارې څرګنده کړې، چې سبا (دوشنبه د غبرګولي څوارلسمه ) به په ټول افغانستان کې د ګوزڼ یا پولیو واکسین کمپاین پیل شي.
یادې ادارې نن ( يکشنبه د غبرګولي دیارلسمه) اعلان وکړ، چې په ټول هېواد کې د پوليو واکسين کمپاين دغه پړاو به څو ورځې روان وي.
له دې مخکې د روغتیا نړیوالې ټولنې ویلي وه، چې سږ کال یې په کونړ او نورستان ولایتونو کې د پولیو دوه مثبتې پېښې ثبت کړې دي.
د يادونې ده، چې افغانستان او پاکستان د نړۍ هغه دوه هېوادونه دي، چې د پوليو ناروغي په کې ختمه شوې نده.
-
نړۍ4 days ago
اسرائیلي ځواکونو د غزې او مصر د پولې کنټرول هم تر لاسه کړ
-
تازه خبرونه4 days ago
په کابل کې د نجونو کافي خونه او کتابتون پرانستل شو
-
لوبی4 days ago
د افغانستان او عمان ترمنځ د کرکټ روزنیزه لوبه بې پایلې پای ته ورسېده
-
تازه خبرونه4 days ago
د زدهکوونکیو د خوراکي خوندیتوب لپاره ۱۰ میلیون یورو مرسته کیږي – اروپايي ټولنه
-
تازه خبرونه4 days ago
د اروپايي ټولنې او قطر استازو د افغانستان په اړه خبرې وکړې
-
تازه خبرونه5 days ago
له اسلامي امارت سره د اړیکو ټینګول اړین دي- پوتین
-
لوبی1 day ago
امریکا د جونز پر غوره توپوهنې د ۲۰ اوریز نړیوال جام لومړۍ لوبه له کاناډا وګټله
-
تحول4 days ago
تحول: د افغانستان لپاره په دوحه کې د درېیمې ناستې جوړېدا