تازه خبرونه
د افغانستان کرکت بورد پر ریاض حسن لګیدلي بندیزونه لیرې کړل
د ۱۹ کلنو ملي لوبډلې ځوان لوبغاړي ریاض حسن درې کلن لوبیز بندیز د شا وخوا ۱۵ میاشتو په تېرېدو سره پای ته ورسېده چې پر بنسټ به یې نوموړی د انظباط او ډسپلین کمېټې د پرېکړې له مخې د وړتیا په ښودلو سره په هر ډول رسمي او غیر رسمي لوبو کې ګډون وکولی شي.
ریاض حسن د ۱۹ کلنو ملي لوبډلې توپوهونکی دی، چې پر ۲۰۱۹م کال په هندوستان کې د افغانستان، سویلي آفریقا او هندوستان ترمنځ د درې اړخیزو سیالیو پر مهال د دسپلیني سرغړونې په پایله کې له درې کلن لوبیز بندیز سره مخ شوی و.
— Afghanistan Cricket Board (@ACBofficials) July 14, 2020
د افغانستان کرکت بورد ادارې د دسپلین او انظباط کمیتې په پرېکړه کې راغلي: ریاض حسن په ۲۰۱۹ کال کې د دسپلیني سرغړونې له کبله له درې کلن لوبیز بندیز سره مخ شوی و، چې بیا څه موده وړاندې حسن پر نوموړي د ترحم لپاره ادارې ته مراجعه وکړه او په تېرو کړنو پښېمانه شو، چې پر همدې بنسټ د دسپلین کمیتې د اصولو د ۳۰ مې مادې له مخې، د اجرائیه مشر له تائیدۍ او د عمومي رییس له منظورۍ وروسته د نوموړي پاتې موده وبخښل شوه.
— Afghanistan Cricket Board (@ACBofficials) July 14, 2020
د یادونې وړ ده، چې د افغانستان کرکت بورد د بشري سرچینو پر اصولو سربېره د لوبغاړیو د سرغړونو لپاره د دسپلین او انظباط اصول هم لري، چې د لوبغاړیو د عمدي او غیرعمدي تېروتنو پر مهال پرې عملي کېږي.