لوبی
د افغانستان کرکت ملي لوبډلې لومړۍ لوبه له سریلانکا وګټله
(Last Updated On: غبرګولى ۱۳, ۱۴۰۲)
د افغانستان کرکت ملي لوبډلې د سریلانکا پر وړاندې د یو ورځنیو لوبو د لړۍ په لومړۍ لوبه کې کوربه لوبډلې سریلانکا ته پر شپږو ویکتو ماتې ورکړه.
په دې لوبه کې ابراهیم ځدراڼ ۹۸ او رحمت شاه ۵۵ منډې وکړې. فضل الحق فاروقي او فرید احمد ملک دوه دوه لوبغاړي وسوځول.
سریلانکا په ۵۰ آوورونو کې خپل ټول لوبغاړي له لاسه ورکړل؛ خو ۲۶۸ منډې یې جوړې کړې. افغانستان ټاکل شوی هدف په ۴۶.۵ آوورونو کې پوره کړ.
د افغانستان لوبډله به راتلونکې لوبه د یکشنبې پر ورځ (د غبرګولي پر ۱۴) له سریلانکا سره ترسره کړي.