تازه خبرونه
د افغانستان کرکټ ملي لوبډلې په نړیوال جام کې ويسټ انډيز ته ماتې ورکړه
د افغانستان کرکټ ملي لوبډلې نن د کرکټ په نړیوال شل اوریزو سیالیو کې د لومړۍډلې تر ټولو غښتلي لوبډلې ویست انډیز ته په ۶منډو ماتې ورکړه.
ویست انډیز هغه هېواد دی چې په روان تورنمنټ کې يې له هېڅ يوه هېواده ماتې نه ده خوړلې. ويست انډيز سریلانکا، جنوبي افریقا او انګلېستان ته ماتې ورکړې وه.
پچه ویست انډیز وګټله خو پرېکړه یې وکړه چې لومړی بیټنګ افغانستان وکړي. افغان لوبغاړو په خپلو ۲۰اورونو کې د ۷لوبغاړو پهسوځېدو سره ویسټاندیز ته ۱۲۴منډې هدف ورکړ.
په دې لوبه کې نجیب الله ځدراڼ تر ټولو ډېرې منډې وکړې. ده په ۴۵توپونو ۴۸منډې وکړې.شهزاد په ۲۵توپونو ۲۴اصغر ستانکزي په ۲۸توپونو ۱۶منډې وکړې.
افغان لوبډلې ښه توپ وهنه وکړه او ويې کولای شول چې د ويسټ انډيز لوبډله له لويو شاټونو ته پرې نه ږدي او لوبه په خپله ګټه پای ته ورسوي.
د ۱۰غوره لوبډلو په روان ټورنمنټ کې افغانستان او پاکستان هر یوه درې – درې مسابقې بایللي خو بنګله دېش څلور واړه بایللي دي. افغانستان تر دې وړاندې د دې سیالیو په لومړي پړاو کې ۳لوبډلېماتېکړېوې.
ټولو هېوادوالو ته دې مبارک وي.